Blader door transcripties » Stadsarchief Mechelen

archieftoegang 2, inventarisnummer 951, pagina 5

Duyve geheeten, metten plaetsen achterhuysen ende oic
metten gronde ende allen anderen synen toebehoerten
Alsoe de voergenoemde wylen Jan Staes ende Magriete van Wilden
syn wyf, dat aldaer te cammen gehouden ende beseten hebben
gelegen achter de Halle van Mechelen, tusschen Jans vanden
kynde erve aen deen zyde ende thuys den Thuyn van Hollant
geheeten, toehoerende der weduen ende kynderen van wylen
Henricken Vlemings aen dander zyde, Ende op alle des voergenoemde
Gielis ander erffelike goeden metten gronde etcetera bynnen etcetera gelegen
die hy nu heeft ende hier namaels oic hebben ende vercrigen
sal. A Domino Mechliniensi. Op thien gouden Rynsgulden, elken van dien oic
tot veertich grooten Vlaems gelts gerekent erffelic, Ende op
thien gelike gouden Rynsgulden lyfpensien vuten voerscreven
geheelen huyse de Duyve geheeten, met allen synen voirscreven
toebehoerten jaerlix voer vutgaende voertaen heeft de
voerscreven Gielis Bake gelooft, de voerscreven Margrieten synder
moeder vander betalingen der voerscreven drie gouden Ryns
guldenen des voerscreven chys, altyt scadeloes quyt te houden
ende te ontlasten, sonder eenich wederseggen
XXIIII marcy tempore simile
voer hem selve
Lange, Vos. Lucas vanden Hellegate ende Jan Lodewicx
diemen heet Peter Jehan inden name van Kathelinen vanden
Hellegate synen wive ende de voerscreven Lucas zuster, die hy in
hem vervinck, Ende Katheline van Lyere hebben openbaerlic voir
ons bekent, dat Jan de Wolf ende Jan Melens, als executeurs
vanden testamente ende vutersten wille van wylen Lysbetten
van Saffelaer weduen van wylen Henricken van Heere, henlieden
dueghdelic vernueght gecontenteert hebben, vanden
ende goede Rekeninge bewysene
Supplis ende overblyffel van allen der voerscreven Lysbetten van
wylen
taffelaer, haeffeliken goeden, die boven haer wettige sculden
costen van haerer vutvaert ende boven haeren legaten ende
makingen inden voerscreven haeren testamente begrepen, overgescoten
ende gebleven syn ende die oic van allen den erffeliken goeden na
haer doot oic gebleven, die den voerscreven Lucas ende Kathelinen
vanden Hellegate byder doot vander voerscreven wylen Lysbetten de
weduen, haerer moeyen ende der voerscreven Kathelinen van Lyen
byder doot vanden voerscreven wylen Henricken van Lyere haeren
vader, oic verstorven ende gebleven syn, Ende daeraf ende vanden
somme van vier pond vyftien scellinge groote Brabants gelts
gecomen vanden voerscreven Sarplus der voerscreven haeffeliker goeden
ende oic van al tgene dat de voerscreven bekende, den voerscreven
executeurs vut zaken van dien in eeniger manieren soude
moegen heysschen, hebben de selve bekender gelyc voer
Quytgesconden los vry ende ledich, den voerscreven executeurs
dale ende dier quitancie behoeven gele ende al
XXVIII marcy tempore simile
Borch, Keyenoege, Peter Raduwaert heeft openbaerlic voir ons
bekent
XXIIIIsuper:t; may
Hoeven, Vos. Gheerd vanden Dale heeft gelooft voir hem syn hove
ende nacomelingen gegeven ende te betalen joncheer Ywan van
Cortenbach, heeren van Keerbergen, tot sinen ende tot jouffrou Barblen
Schoef, synder huysvrouwen behoef ende oic haeren hoir ende nacomelingen
alsulke sesse gouden Croenen erffeliker renten, als deselve jouffrou
Barble jaerlix ende erffelic heeft ende heft, Op des voergenoemde Gheerds vander
Dale goeden, tot Nyspeldonck gelegen, tot alsulken termyne oft
termynen, als de jaerlix daerop vallen ende verschynen, Te wetene
voir elke van dien sesse st:t; gouden Croenen, Seven scellinge ende
neghen penninge grooten Brabants gelts, Om welke gelooften alsoe volstentelic
tonderhouden ende om der meerder zekerheyt den voerscreven joncheer Ywan
ende synder voerscreven huysvrouwen daeraf te doen, Soe heeft de voerscreven Gheerd
den selven Joncheer Ywan tot sinen behoef ende oic tot behoef van synder
voerscreven huysvrouwen, daervoer verbonden ende te pande geset alle
inne erffelike goeden metten gronde etcetera bynnen etcetera wesende ende gelegen
aen dander zyde, heeft oic de voerscreven joncheer Ywan inne ende in
synder voerscreven huysvrouwen namen, geconsenteert ende belieft, dat de voerscreven
Gheerd vanden Dale, de voirgenoemde Sesse gouden Croenen, der voerscreven renten
sal moegen lossen ende quyten tot eenen male bynnen seven jaeren tyt
nu naestcomende ende elke gouden Croene daeraf met twintich gelyken
gouden Croenen vanden voerscreven pryse een met volder renten, den voerscreven
joncheer Ywan ende synder voerscreven huysvrouwen daervoer te betalen, met
alsulker condicien, oft de selve Gheerd die quitinge alsoe bynnen den voerscreven
tyde ende jaerscharen nieten dede, dat alsdan de voerscreven erffelike rente
van dan voertaen ontquytbaer syn ende bliven sal
XXVIIa may
Hulst, Vos. Margriete sCosters wylen Martens sCosters dochter, cum tutore
heeft Terve gegeven Janne Esscherick, wettich soen van Jan Esscher
Een huys metten hove gronde, dat den voerscreven wylen Marten haeren
vader toe plach te hoeren ende dat haer by synder doot gebleven ende
verstorven is, gelegen buyten der Hanswyckpoorten inde Rechtstrate
tusschen Symoens de Meyde erve aen deen zyde ende thuys den
Bruynenbaert geheeten, toehoerende Henricke de Heymeyere
aen dander zyde