Blader door transcripties » Stadsarchief Mechelen

archieftoegang 2, inventarisnummer 951, pagina 4

Hulst, Keyenoege, jouffrou Katheline van Maldere, wedue van wylen
Henricken van Fonteynen cum tutore heeft vercocht Janne van
Waes, als tot synder tocht, ende Jacoppen ende Marten van Waer
desselfs Jans kynderen tot haeren behoef ende oic tot behoef
van Lysbetten ende Kathelinen van Waes haeren zusteren, al
tot haer erffelicheyt, Acht gouden Rynsguldenen, elken van
dien tot veertich grooten Vlaems gelts gerekent erffelix chys
die sy hadde, op een huys de Rave geheeten metter plaetsen
gronde etcetera toebehoerende Janne Bouwens beckere, gelegen byde
Vischmarct van Mechelen ende byden vlyet aldaer tusschen thuys
den Mildemarten geheeten, toehoerende Henricken Gommaer ende
synen kynderen aen deen zyde ende thuys geheeten Wynendale
den ambachte vanden Vleeschouwere inder voerscreven stad toehoeren
aen dander zyde, streckende achterweerts tot des voerscreven Henricx
ende synder kynderen erve. A Domicella Barbare Schoef, waranderende op
achtien penninge Loevens sesse pond payments ende drientwintich
chysguldene, vuten voerscreven huyse met synen voerscreven toebehoerten jaerlicx
gaende, Ende op alsulken last dat tselve huys metter plaetsen onderpant
hy ende bliven sal, voir zekeren chys gaende jaerlix vuten voerscreven
huyse den Mildemarten
XIa marcy tempore simile
heet van Campenhout, als proviseurs ende inden name vander Capellen
Item. Lodewyck van Heffene ende Lysbrecht Goels diemen
van Sinte Barblen staende inde Nieuwen Bruel, hebben opgedragen
ende overgegeven tot behoef van Meester Jan Hemelryck, drie huysen
metten hoven gronde etcetera die wylen Cornelis van Boxhem toe plagh
te hoeren, gelegen deen neven dander inden Vettersham over de
Heymeysbrugge, tusschen de Augustynstrate aen deen zyde ende Wouter
tSermartens erve aen dander zyde, streckende achterweerts tot aen
Jan de Meyere erve, Ende eenen gouden Peters elken van dien tot
sessendertich grooten Vlaems gelts gerekent erffelix chys, die de
voerscreven wylen Cornelis te hebben plach, op een huys metten hove
plaetsen gronde etcetera dat wylen Anselmus van Meerbeke toe plach te
hoeren, gelegen inde voerscreven Augustynstrate tusschen der heeren van
Gaesbeke erve aen deen zyde ende de strate gaende ten Berthoutsham
waert, aen dander zyde, in alle der vuegen ende manieren, als Claes
de Greve, totter voerscreven Capellen behoef, de voergenoemde drie huysen
met haeren voerscreven toebehoerten ende oic de voerscreven Seven Peters
der voerscreven chys, tanderen tyden voer achterstelligen chys, die de
selve Capelle daerop heeft, wettelic vutgewonnen ende
verreyct heeft. A Domino Mechliniensi, Waranderende. Behoudelic de voerscreven Capellen
daer op haeren voerscreven chyse ende allen anderen dier chys op hebben
ut supra
Hulst, Vos, Claes de Greve, tot behoef vander capellen van Sinte
Barblen staende inde Nieuwen Bruel, heeft verreyct, Een huys
plaetse
metten hove ende met twee anderen huyse daerachterstaende
aen beyden zyden van dien
dat wylen Willem Cornelssone ende Magrieten Peter Janssoon
dochter haer diemen heet sCostere toe plach te hoeren, gelegen
opten Zoutweert opten hoeck vander Straten aende, ten draeyvoor
deselve ander croens van Merende
waert, tusschen Adriaens vander zelven erve aen deen zyde
dander zy
de
Ex censu
ut supra
Dyest, Rende, Willem vander Straten heeft vercocht Jan de Poortere, Joes de Becker
Jan de Blick ende Aert Sas, als proviseurs ende tot behoef vander Capellen
van Sinte Lambrechts, staende buyten der Aedegheempoerten, vier
scellinge ende sesse penninge groote Brabants gelts erffelix chys die
hy hadde, op ende aen drie huysen metten hove plaetsen stalle
gronde etcetera toebehoerende, Henricken Peters hovenere, gelegen
deen neven dandere buyten de voerscreven Aedegheempoerten inde
Rechtstrate tusschen der kynderen erve van wylen Lanseloet Hoende
aen deen zyde ende der kynderen erve van wylen Jan Gheerts diemen
heet int hoot, aen dander zyde. A monialibus, Ende op alle dander
des voerscreven Henricx Peters erffelike goeden metten gronde etcetera bynnen etcetera
gelegen, die hy doen ter tyt hadde ende namaels soude oic soude
hebben ende vercrigen, A Domino Mechliniensi, Waranderende. Op achtien gelike scellinge groten
Brabants vuten voerscreven drie huysen met haeren voerscreven toebehoerten
jaerlix voer vutgaende
Assignavit XVI Peters
XXI marcy tempore simile
Hulst, Vos. Katheline vanden Berct, by bywesene wille ende
volcomen consente van Peteren Bogaert haeren man behoudelic
nochtan den selven haeren man in desen met rechte heeft gewilt
ende openbaerlic voer ons voer haeren vutersten wille geordineert
dat Jan, Aert ende Magriete vander Eect, wylen Gheerds vanden
eert haeren broeders kynderen voer deen helft ende oic Jan ende
Wouter vander Beke, wettige kynderen van wylen Aert vander Beke
ende van wylen Lysbetten vander Eert synen wive, die de voerscreven
Kathelinen vander Eert zuster was doen sy leefde voir dander
helft, Ter stont na der selver Kathelinen vander Eect ende na den
voerscreven Peters haeren man doot ende niet eer, hebben houden besitten
ende gebruyken zelen, alle der voergenoemde Kathelinen vander Eect
haeffelike ende erffelike goeden met allen haeren toebehoerten
bynnen ende buyten der stad ende vryheyt van Mechelen, wesende
ende gelegen, die na haer ende des voerscreven Peters haeren man doot
in eeniger manieren zelen bliven, sunderlinge de ghene, die
boven haer wettige sculden costen van haerer vutvaert ende
boven haer legaten ende makingen, alsdan overschieten ende oeveren
bliven zelen, den voergenoemde Jan, Aert ende Margrieten vander Eect
haers voerscreven broeders kynderen ende oic den voergenoemde Jan ende Wouter
vander Beke, haere voerscreven zuster kynderen ende elken van hen voer
syn voerscreven helft in alle haere voergenoemde goeden haere gerecht
ende eenige erfgenamen, noemende ende instituerende, den recht
daeraf ter contrarien onderhouden, niet tegenstaende
XXIIII marty
Borch, Keyenoogge. Margriete van Wildere, wedue van wylen
Jan Bake diemen heet Staes, cum tutore als eene tochtenersse ende
haeren boom
Gielis Bake diemen heet Staes als een erffgenaem, hebben vercocht
Jan de Smet, wettich soon van Henricken Smet, drie gouden
Rynsguldenen, elken van dien tot veertich grooten Vlaems
gelts gerekent, erffelic chys, Te heffene altyt opten vierentwintichsten
dach van meerte, Op haerlieder helft van Eenen huyse, de