Blader door transcripties » Stadsarchief Mechelen

archieftoegang 2, inventarisnummer 951, pagina 45

Hulst, Vos. Margriete van Abroeck, die inden lyfpacht
hierna bescreven, haer heffen ende dispositie hadde heeft
inden name van haer selver ende oic inden name van
Janne Gheets Jans Gheets soon, die sy in haer verving
heeft vercocht Peteren van Steynemoelen onsen medescepen
ende Meester Jan vander Straten, drie veertelen Rogs goede
etcetera Mechelscher maten jaerlix lyfpacht, die sy ende de voerscreven
Jan Gheents de soon, tot haeren ende tot des langhstlevende
live van hen beyden hadden opte drie stucken lants metten
gronden haeren toebehoerten hierna bescreven, die
Kathelinen Bacheleers, Gheerd vander Byest, diemen heet
vander Mere wive toe plagen te hoeren, ende die nu den voerscreven
Peteren ende Meester Janne toebehoerende ierst op een stuck lants
houdende omtrent anderhalf dachwantst:t; vierendeel gelegen tot
Leest aenden Wouwerdriesch tusschen den selve aen deen zyde ende
wylen Meester Jan de Leeuw erve aen dander zyde. Item op een stuck
lants houdende omtrent een vierendeel, gelegen aldaer, tusschen de
strate aldaer aen deen zyde ende Jan vander Eertbruggen erve
aen dander zyde ende op een stuck lants houdende oic omtrent een
vierendeel gelegen aldaer opt Groeterlant tusschen Peter
Stocmans erve aen deen zyde ende Peter Boots erve aen dander zyde
A Domino Mechliniensi, Waranderende etcetera.
XIa decembry
Beringen, Voesdonck, Anthoenis Francore heeft verreyct
Een huys metten hove gronde etcetera dat Janne de Doncker
toe plach te hoeren, gelegen inde Hanswyckstrate
tusschen Jacop Yuetens erve aen deen zyde ende
Andries Styl erve aen dander zyde, Ende censu
XII decembemile
Steynemoelen Voesdonc. Aert Cleynaert heeft opgedragen ende overgegeven
tot behoef van Anthoenis Gommaer, Twee huysen metten plaetsen
gronde ende haeren toebehoerten, die Janne vander Beke Vleeschouwere
toe plagen te hoeren, gelegen deen neven dander inde tweede
Vleeschouwersstrate, tusschen Meester Ypoten Verthem erve
aen deen zyde ende Pauwels Bernaerts erve aen dander
zyde, Ende een huys metter plaetsen gronde etcetera dat oic den
voerscreven Jan vander Beke toehoirde, gelegen achter de voerscreven twee
huysen inde ierste Vleeschouwersstrate tusschen der voerscreven
Pauwels Bernaerts erve aen deen zyde ende Marten Zuetens
erve aen dander zyde, welke drie huysen met haeren
voerscreven toebehoerten, heeft de voerscreven Aert Cleynaert, tanderen
tyden voer achterstelligen erffeliken chyse van Twee gouden
Rynsgulden, elken van dien tot veertich grooten Vlaems
gelts gerekent, die hy daerop hadde heeft, wettelic vutgewonnen
ende verreyct heeft, Ende de selve twee gouden Rynsgulden
vander voerscreven weerden, jaerlix ende erffelix chys, die hy hadde
opte voirscreven drie huysen metten voerscreven haere toebehoerten
A Domino Mechliniensi, Waranderende. Opten chys ende commer daer jaerlix
vutgaende
VII decembry
Hulst, Vos. Willem de Moelenere, ende jouffrou Barble de
Moelenere syn zuster met Jan de Buyenere haeren man
hebben vercocht Henricken Woutiers tot synen ende tot
Beatris Jagers syns wyfs behoef, Een huys metten hove
gronde etcetera dat wylen jouffrou Kathelinen sWalen, wylen
Willem de Moelenere huysvrouwen, der voerscreven Willem
ende jouffrou Barblen de Moelenere moeder toe plach te
hoeven ende dat henlieden, by haer st:t; doot gebleven
ende verstorven is, gelegen opte Tiechelrie tusschen
Meester Anthoenis Keldermans erve aen deen zyde
Stappen weduen van wylen Jorys
ende jouffrou Dignen vander Lichtvoets beghynen erve aen
dander zyde streckende achterweerts met eenen
anderen huyse ende metten rechte van eenen weghe tot
inde Moelenstrate. A Domino Mechliniensi, Waranderende. Opst:t; Johannes de Muysene
filio Johannes bastarden, waranderende op vier scellinge Loevens
veerthien pond ende sesse scellinge payments ende eenen capuyn
daer jaerlix vutgaende
Assignavit III Rinsgulden den XXVI denier
XVII decembris
Hulst, Vos. Lysbeth van Couwenberge wedue van
wylen Jan de Keysere, cum tutore, heeft opgedragen ende overgegeven
tot behoef van Adriaen Scaerlaken, wettich soon van jaer
een
scaerlake dest:t; helft van eenen huyse met eender cleynder
plaetsen, sonder vutganck ende oic metten gronde gelegen
by Onser Vrouwen kerchoff in Diependale byde Deyde
tusschen heeren Marten van Lanchem priester erve aen deen
zyde ende wylen Claes Tucbake erve aen dander zyde
van welken huyse met synen voerscreven toebehoerten, dander
helft toebehoert, den armen huysken vander prochie
kerken van Onser Liever Vrouwen bynnen Mechelen, na
der voerscreven weduen doot, A Anthonis de Oeyenbrugge
Waranderen de voerscreven Jacop Scaerlaken tot des voerscreven Adriaens
syns soons behoef, waerte inne geerft, Behoudelic der
voerscreven weduen daerinne haerer tocht paysselic ende vredelic
haer leven lanck duerende te gebruyken
ut supra tempore simile
Hulst, Vos. Jouffrou Jehanne de Vos wedue van wylen
Jan Caluwaerts als eene tochtenersse, na de doot van jouffrou
Lysbetten vander Lynden weduen van wylen Woutere huwaerts
des voerscreven wylen Jan Caluwaerts vader ende moeder, Ende
Cornelis Caluwaerts van des vaders wegen ende Henrick de
Langhe ende Jan de Rende vander moeder wegen, als momboren
ende inden name van Lyelen ende Barblen Caluwaerts, de voerscreven
wylen Jan Caluwaerts ende der voerscreven jouffrou Jehannen de Vos
synder huysvrouwen kynderen, onder haere jaeren etcetera wesende
die sy in hen vervingen, als erfgenamen, hebben vercocht
Cornelis Pauwels ende Lysbetten Godevaerts diemen heet