Blader door transcripties » Stadsarchief Mechelen

archieftoegang 2, inventarisnummer 951, pagina 42

dat der weduen ende kynderen van wylen Rommond
Lauwens toe plach te hoeren aen dander zyde. A Domino Mechliniensi,
daer
waeren. Behoudelic den voerscreven Osten daeropst:t;
synen voerscreven erfpachte van vier veertelen rogge ende
oic den huyse vanden Zyekenlieden haeren chys
van neghen scellingen Loevens ende drie capuynen
sonder meer, des is in desen bevorweert ende
ondersproken ende heeft oic de voerscreven Gheerd toegeseet
ende gelooft, dat bynnen eenen jaere naestcomende
tvoergenoemde huys beteren sal ende daeraen leggen in
Reparacien, Eenen pond thien scellinge grooten
Brabants gelts eens sonder eenich wederseggen
IIIa decembry
Vleming, Hulst. Rommond ende Jacop van Afscheyde
wylen
wettige kynderen van Jan van Afscheyde, hebben vercocht
Gielis Vrancx, haer sestien gouden Rynsguldenen
goede ende gerechte oft de weerde daervoer erffelicx
chys, die sy als haer deel van veertich gelike
gouden Rynsgulden oic erffelix chys, hadde
Op tweenveertich gouden roeden vander munten
des Conincx van Vranckerke erffeliker renten
die wylen Bartelmeus vanden Bossche, te hebben
plach, opte stad van Mechelen ende die jaerlix voer
deen helft opten twintichsten dach van January
ende voer dander helft, opten twintichsten dach
van julio, daerop vallen ende verschinen, Ende op
alle dander de voergenoemde wylen Bartelmeus vanden
bossche erffelike goeden metten gronde etcetera bynnen
etcetera gelegen. A Domino Mechliniensi, Waranderende etcetera.
Assignavit den XX denier
ut supra tempore simile
Item de voergenoemde Rommond van Afscheyde, heeft by bywesen
wetene wille ende volcomen consente van Gielisen Vrancx
Opgedragen ende overgegeven, den voergenoemde Jacoppen van
Afscheyde synen brueder, de helft, die hy hadde in een
huys metten hove vetterien ende met eenen werckhuyse
daer overt tegen tselve huys overstaende ende oic
metten gronde etcetera daeraf dander helft den selven
inde Vetterstaen
Jacopen toebehoert gelegen inde Corte Ridderstrate
tusschen Cornelis van Ryemenam erve aen deen zyde
ende Jacop de Moinck erve aen dander zyde, Ende tvoerscreven
Werckhuyse is oic gelegen aldaer, tusschen Jans van
Ryemenam erve aen deen zyde ende Jans de Vos erve
aen dander zyde. A Domino Mechliniensi, Waranderende. Opte weerde van
neghenentwintich scellingen grooten Brabants gelts vuten
voerscreven geheelen huyse met synen voerscreven toebehoerten
jaerlix gaende
ut supra tempore simile
Vleming, Hulst. Jan Ghoeten doude ende Peter Ghoeten syn soon
hebben gelooft ende elck van hen besunder ende voer al, dat
sy meesteren Claes van Hansbeke, altyt scadeloes quyt
houden ende ontlasten ende ontheffen zelen van alsulken
gelooften, als deselve Meester Claes met Lange geleden
Te wetene opten negenthienden dach van November
lestleden voer gedaen heeft, Adriaen vanden Broeke
diemen heet Mussche na vutwysen vanden Scepenen
brieve daer op gemaect, sonder eenich wederseggen
Om welke gelooften, alsoe volstentelic tonderhouden ende
om der meerder zekerheyt, den voerscreven Meester Claes daer
af te doen, Soe hebben de voergenoemde Jan Ghoeten ende Peter syn
barbier tot desselfs meester Clage behoef
soon, de selve daer voer verbonden en te pande geset
haere
alle sine haeffelike goeden, waer die bevonden zelen worden
ende oic alle haere erffelike goeden metten gronde etcetera die
sy nu tertyt hebben ende hier namaels oic hebben ende
vercrigen zelen
II denier
Dyest, Hoeven. Andries van Schore, heeft opgedragen ende
in overgegeven tot behoef van Jan van Bennenbeke, Een stuck
lants met eender schueren daerop staende ende oic metten
gronde etcetera houdende een luttel meer dan een half buender
dat Jan van Nekelbroeck toe plach te hoeren, gelegen buyten
Sinte Kathelinen poorte byden Pennepoel, tusschen de goidscamere
aldaer aen deen zyde ende des voerscreven Jans van Nekelborch
ander erve aen dander zyde. A Domino Mechliniensis, Waranderende. Op achtien gouden
Peters elken van dien tot sessendertich grooten Vlaems
gelts gerekent, staende ten live vanden voerscreven Jan van
Nekelbroeck ende van Kathelinen vanden Wouwere synen wive
ende tot des langhstlevenden live van hen beyden, daer jaerlicx
sonder meer vutgaende
VIa decembry
Steynemoelen, Hulst. Olivier Parys, wettich soon van wylen
Andries Parys ende van wylen Lysbetten Sacx synen wive by
by bywesene wetene wille ende volcomen consente van Mathys
tSermartens Pauwels vanden Bossche ende van Jan Cockelborch
een momboren, Ende Katheline Parys des voerscreven Oliviers zuster
met Willem Coram haeren man, hebben Quytgesconden
los vry ende ledich, Peteren Rommonde, weduer vander
voergenoemde wylen Lysbetten Sacx van allen den haeffeliken
goeden, die den voergenoemde Olivier ende Kathelinen Parys, byden
doot vanden voerscreven wylen Andries ende wylen Lysbetten
Sacx synen wive haeren vader ende moeder in eeniger
mannen, gebleven ende verstorven syn ende alle andere die
quitancie behoeven, geheelic ende al
VII decembris