Blader door transcripties » Stadsarchief Mechelen

archieftoegang 2, inventarisnummer 951, pagina 41

Mast Twee huysen met haeren toebehoerten ende achter
des voerscreven Gielis Ghevaerts huys voerscreven, die staen inde
Bleeckstrate, Ende heeft ende sal eeuwelic hebben ende behouden
synen vutganck voerwaerts met eenen weghe oft gange
den voerscreven hove toebehoerende liggende tusschen der
voerscreven Lysbetten Mast ende Gielis Ghevaerts huysen voir
genoemt tot inde voerscreven Bleeckstrate, Ende coot ende
strect hem achterweerts tot des voerscreven meester Lodewycx
erven vutgenomen ende Behoudelic dien, dat de voergenoemde
Lysbeth Mast ende haer nacomelingen besitteren vanden
eenen van haeren voerscreven twee huysen vast aenden voerscreven
wech oft ganck gelegen, zelen hebben ende oic eeuwelic
behouden, tallen tyden, als hen dat gelieven sal, haerer
vutganck ende inganck vuten selven haeren eenen huyse
doer een nieuwe doene, die sy inden muer vanden
selven haeren huyse staende achter tselve haer huys byden
die
voerscreven wech, tot alsulker plaetsen, als haer bewesen is
sal doen maken voirwaerts ende anders niet, tot inde
voerscreven Bleecstrate, sonder des voerscreven Meester Lodewycx
ende synder nacomelingen, wederseggen, A Domino Mechliniensis, Waranderende.
op twee oude groete Turnoysen ende eenen halven, daer
jaerlix vutgaende, die de voerscreven Meester Lodewyck ende
syne nacomelingen, eeuwelic betalen zelen, Ende daeraf
de voerscreven Lysbetten Mast ende haere voerscreven twee huysen
altyt scadeloes quyt houden ende ontlasten
Assignavit III Rynsgulden
XX oem
hic habet locum contractus Johanne Daneels
aen post XV octob positus
Hulst, Consaert. Jan Blieck, Vleeschouwere ende Lysbeth van
buyten syn wyf hebben gewilt ende openbaerlic voir ons
voer haeren vutersten wille geordineert, dat alle haer
alher ty
kynderen, die sy deen vanden anderen vercregen, hebben
ende hier namaels deen vanden anderen oic vercrigen
zelen, evengelyc ende in gelyken deele ende porcien hebben
h aenveerden houden ende besitten zelen, alle haere
haeffelike ende erffelike goeden, waer die gelegen bynnen
de voerscreven stad ende vryheyt van Mechelen, gelegen
syn ende bevonden zelen worden, die na haerer beyden
doot boven haer wettige sculden ee costen van haeren
vutvaerden ende boven haer legaten ende makingen
in eeniger maerst:t; manieren, overschieten ende bliven zelen
alle deselve haere kynderen, alsoe wel meyskens als
knechtkens, in alle haere voergenoemde goeden haere
gerechte ende eenige erfgenamen noemende ende
instituerende, den wederseggen van des voerscreven Jan
voerkinderen ende oic den rechten ende coustumen vanden
voerscreven stad, daeraf ter contrarien onderhouden
niet tegenstaende
XXIIa novembris
Beringen, onse, Gielis Boeyenants wettich soon van Jaspar
heer Boeyenants heeft vercocht Jacoppen der moeyen, tot
behoef vanden goidshuyse van Lelyendale, Twee gouden
Rynsguldenen, elken van dien toe veertich groeten
Vlaems gelts gerekent erffelix chys Te heffene altyt
tot Kersmisse vutgenomen den jersten Kersmisse nu
toecomende Op ende aen des voergenoemde Gielis huys metten
hove gronde etcetera gelegen over de Veemarct van Mechelen
achter tgoidshuys van Onser Vrouwen broeder, tusschen
Reyner Boydens erve aen deen zyde ende Willems van
Candriessch erve aen dander zyde. A Domino Mechliniensi, Waranderende. Op achtien
pond payments ende eenen chysgulden vuten voirgenoemde
huyse metten hove jaerlix voir vutgaende
XXIIa novembris tempore simile
Beringhen, Vos. Jouffrou Lysbeth vander Heyden, wedue van
wylen Wouteren Caluwaerts cum tutore heeft vercocht Cornelis
Pauwels huyvettere tot synen behoef ende oic tot behoef van
Lysbetten Godevaerts diemen heet Bastyns synen wive
haer tocht, die sy hadde inde helft van Eenen huyse oft
woeningen metter vetterien ende oic metten gronde etcetera
ende anderen synen toebehoerten, dat de voerscreven wylen
Wouteren Caluwaert, haeren na toe plach te hoeren
gelegen inden Vettersham inde Cortedderstrate tusschen
Gheerds de Bruyne erve aen deen zyde ende Ghysbrecht
Goele deen heet van Campenhout erve aen dander
zyde ende inde helft van eenen anderen cleynen huyse
metten hove gronde etcetera dat oic den voerscreven wylen Wouter
toe plach te hoeren, gelegen aldaer, tegen de voirscreven
woeninge over tusschen Anthoenis vanden Eynde, diemen
heet van Dyeven erve aen deen zyde ende des voerscreven Gheerde
de Bruyne erve aen dander zyde. A Domino Mechliniensi, Waranderende. Opte weerde
van twee scellingen ende thien penninge ende eenen hellinge
grooten Brabants gelts vuten voerscreven geheelen huysen met
haeren voerscreven toebehoerten jaerlix gaende
Assignavit
prima decembry tempore simile
Vleming, Hulst. Osten van Oeyenbrugge, heeft opgedragen
ende overgegeven, tot behoef van Gheerd van Oesterwyck
Een huys metten hove voer ende met eenen stuck lants achter
ende oic metten gronde
tselve huys gele liggende dat wylen Henricken Lauwers
toe plach te hoeren ende dat de voerscreven Osten tanderen tyden
voer achterstelligen erffeliken pachte van vier veertelen
Rogs, die hy daerop jaerlix heeft wettelic vutgewonnen
ende verreyct heeft gelegen tot Barblegheem tusschen
des gasthuys erve vander Heyliger Drievuldicheyt staende
by Sinte Kathelinen poorten, aen deen zyde ende der