Blader door transcripties » Stadsarchief Mechelen

archieftoegang 2, inventarisnummer 951, pagina 40

Item sy zelenst:t; zelen alle jaer dertich Roeyen grachten graven
tot gemeynen profyte ende vyftich poten setten daer vast dienen zelen
hem zelen oic alle jaer op tvoerscreven goet decken opt selve goetst:t; daer
heeft behoeven sal by die vanden voerscreven meester Hubrecht drie daer
tusschen halff meerte ende half oeghst, Item sy zelen alle jaere den selve
Meester Hubrecht haeren meester diemen drie dagen, met haeren wagen
ende peerden es en zelen in gheenderhande opgaende oft ander hont
gesach hebben, oft daer aen moegen houwen, dan alleene aen Steenwech
heer Rage, om hen daermede te beheymen, Een zelen oic de voerscreven
Laureys ende syn wyf, alle de stoff van metseleren ende tymmeringen daer
behoevende aen halen ende de weerlyeden den cost geven, dies zelen
sy de Spaenden hebben. Item de voerscreven meester Hubrecht sal henlieden
eenen voer haer vervinge thien scellinge groote Brabants. Item de voerscreven
Laureys ende syn wyf zelen de huyse vander voerscreven hoeven wel ende custbaer
houden van wanden ende van daken sonder den voerscreven haere meester daer
aen eenige scade te laten geschieden, ende sy zelen oic deselve haeren met
alle vier geven, Eenen steen boeren vier kyekene, een vet lay ende
Twee steenen vas
XI tempre
Dyest, Vos. Cornelis Pauwels ende Peter van Afscheyde
van des vaders wegen, Ende Andries ende Rommond vander
Dycke gebroederen vander moeder wegen, als momboren
ende inden name van Cornelis Jan Adriaen, Kathelinen
ende Margrieten Pauwels wettigen kynderen van Adriaen
Pauwels ende van wylen Kathelinen vanden Dycke synen
wive onder haere jaeren wesende die sy in hen
vervinghen, hebben Quytgesconden los vry ende ledich
den voergenoemde Adriaen Pauwels weduere vanden voerscreven
wylen Kathelinen vanden Dycke van allen den haeffeliken
goeden, die den voergenoemde kynderen Pauwels byder doot
vander selver wylen Kathelinen vanden Dycke haeren
moeder in eeniger manieren gebleven ende verstorven syn
ende alle andere die quitancie behoeven
X novembry tempore simile
Item. De voergenoemde Adriaen Pauwels ende Katheline Pauwels
syn zuster, debent den voerscreven momboren, toter voergenoemde kynderen
Pauwels behoef, hondert gouden Ryns Peters elken van
dien tot sessendertich grooten Vlaems gelts gerekent
betalene, den selve kynderen, soe wanneer sy ende vanst:t; totten
onder van zestien jaeren, gecomen zelen syn, Ende soe lange
heeft de voerscreven Adriaen, gelooft, de selve syne kynderen met
hem bynnen synen huyse te houdene ende hen eten drincken
cleederen schoenen ende al tgene dat haeren leven noot syn sal
tamelic te geven, sonder mindernisse vander voerscreven scult
Ende daervoer hebben sy den voerscreven momboren toter voirscreven
kynderen behoef verbonden ende te pande geset alle haere
haeffelike ende erffelike goeden metten gronde etcetera bynnen etcetera
wesene gelegen, die sy hadden hebben ende hier namaels oic hebben
ende vercrigen zelen, den pryse, als zy
ut supra tempore simile
deen helft
Item. Margriete de Rademaker, wettige dochter van wylen
Aert de Raeymaker met Aert van Coudenberge haeren man
ende Lucie de Raeymaker, wettige dochter van wylen
Joes de Raeymakere, die de voerscreven Margrieten broeder van
doen hy leefde met Denys Crabbe oic haeren man voer
dander helft, hebben vercocht Jan Crabbe des voerscreven Denys
broeder, tot sinen ende tot Woutruyt Aelbrechts syns wyf
behoef, haer drie chysguldene ende eenen halven erffelicx
chys, die sy hadden, op drie huysen metten hove ende
rechte van eenen weghe doer een poorte aldaer, daer
af deen doude kerke geheeten is, die wylen Willem
de Zomen ende wylen Magrieten vander Elst synen wyve
toe plagen te hoeren ende die nu Peteren Gheylen Jorys
de Zaghere ende Margrieten Mangelen toe hoeren, gelegen
deen neven dander buyten de Bruesselpoorte inde Rechtstrate
tusschen
voer welken erffeliken chys, Een huys metten hove
gronde etcetera dat den voergenoemde wylen Willem de Zomer ende
synen voerscreven wive toe plach te hoeren ende dat nu toebehoert
den weduen ende kynder van wylen Jan de Vos gelegen
aldaer, tusschen een vanden voerscreven drie huysen aen deen
zyde ende de vesten van Mechelen aen dander zyde verbonden
syn ende staen. A Domino Mechliniensi, Waranderende. Op drie chysgulden ende sesse pond
payments vuten voerscreven drie huysen met haeren voerscreven
voer vut
toebehoerten, jaerlix gaende
X novembri mile
vast aende
met eenenste
lants gelegen
selve Moelenberch
ende oic metten
gronde etcetera
Hulst, Vos. Anthoenis van Heyst ende Margriete
de Wale syn wyf hebben vercocht Gielis van Borre
rentmeester van Onser gedachter vrouwen der Hertogen
van Borgen van Brabant etcetera, Eenen Moelenberch
daerop tanderen tyden Eenen Moelen, geheeten Calchove
Moelen, heeft plegen te staen gelegen buyten der Aedegheem
poerten, opten achtere, byden wech gaende tot Heffene waert
tusschen den selven wech aen deen zyde ende der aelmoessen
kysten vanden armen beghynen erve staende binnen deen
beghynhove van Mechelen aen dander zyde. A Domino Mechliniensi, Waranderende.
sonder eenigen last van chyse daer jaerlix vutgaende
XXasupra
Hulst, Vos, Lysbeth Mast wettige dochter van wylen Jan Mast
met Peteren de Hane, diemen heet Waes haeren man, heeft
vercocht Gielisen van Goere rentmeester van Onser gedracht
Vrouwen der hertogen van Bone van Brabant etcetera
tot behoef van Meesteren Lodewyck Conroy, Secretaris
onser gedachter heeren der Hertogen van Oestryck van Hove
van Rabant etcetera ende vander voerscreven Vrouwen der Hertogen
Eenen hof die den voerscreven wylen Janne Mast haeren vader
toe plach te hoeren, ende die haer onder andere goeden inden
deylingen tusschen haer ende haeren bruederen ende zusteren tanderen
tyden geschiet, te deele gevallen is, metten Ramen daerop
staende ende dmet eenen cleynen huyse daerop staende ende
heeft
gemaect inden muer van Gielis Ghevaerts huyse ende oic
andere
metten gronde ende synen toebehoerten, welken hof metten
selven synen toebehoerten, gelegen in achter der voerscreven Lysbetten