Blader door transcripties » Stadsarchief Mechelen

archieftoegang 2, inventarisnummer 951, pagina 3

Keyenoege, Vos. Augustyn vander Nuwermoelen, heeft vercocht
Jacop Gheerd diemen heet int Hoot, wylen Jan Gheerde, diemen
heet int Hoot soon, Een huys metten hove ende met eenen anderen
huyse daerachterstaende ende oic metten gronde, dat wylen
Peteren Van Orssele toe plach te hoeren, gelegen inde Kerchofstrate
opten hoeck vander Heergracht aldaer, tusschen de selve Heergracht
aen deen zyde, ende Kathelinen van Orssele des voerscreven wylen Peters zuster een
streckende achterweerts metten voerscreven hove tot aen Joes Vrancx
erve, Ende een cleyne plaetse daer een huys op plach te stane
gelegen aldaer opte voerscreven Heergracht tusschen Jan de Kemmere
erve aen deen zyde ende Machiele vanden Campe erve, dat de
taflen des Heylichs Geests erve van Sinte Jans toe plach te hoeren
aen dander zyde. A Domino Mechliniensi, Waranderende. Op acht gouden Rynsguldenen
elken van dien tot veertich grooten Vlaems gelts gerekent ende
opte weerde van vyftien scellingen grooten Brabants gelts
daer jaerlix vutgaende
Assignavit LXIIII Rynsgulden
XXVI february tempore simile
Dyest, Keyenooghe. Jan Massys ende Anthoenis Breugelman van
des vaders weghen, Cristoffel van Puddegheem ende Jan Luyten
vander moeder weghen, als momboren ende inden name van
Jan tSermartens wylen Jan tSermartens soon, onder syne jaeren
etcetera wesende die sy in hen vervingen, hebben Quytgesconden
los vry ende ledich, Kathelinen van Puddegheem weduen vanden
voerscreven wylen Jan tSermartens, de voerscreven van allen den
haeffeliken goeden diest:t; des voerscreven Jans tSermartens des soons
moeder van allen den haeffeliken goeden, die de selve
Jan tSermartens, den soon byder doot vanden selven wylen
Jan tSermartens meer vader ende der voergenoemde weduen man
doen hy leefde in eeniger manieren, gebleven ende verstorven
syn ende alle andere dies quitancie behoeven
Va may tempore simile
Item. De voergenoemde Katheline de wedue Jan Wouters
ende Gielis vanden Hove, debent den voerscreven momboren, tot des
voerscreven Jan tSermartens des soons behoef, hondert ende twintich
gouden Rynsgulden, elken van dien tot veertich groeten
Vlaems gelts gerekent Te betalen totter selver momboren manissen
Ende soe langhe, heeft de selve Katheline de wedue gelooft, den
voerscreven Jan tSermartens haeren soon, met haer bynnen haeren huyse
te houdene ende hen eten drincken cleederen schoenen ende altgene
dat men leven noot syn sal, tamelic te geven, sonder mindernisse
vanden voerscreven principaelde scult, Ende daervoer hebben
de voerscreven wedue ende Jan Wouters ende Gielis vanden Hove
den voerscreven momboren, tot des voerscreven Jans des soons behoef
verbonden ende te pande geset, alle haere haeffelike goeden
waer die bevonden zelen worden, Ende oic alle haere erffelike
goeden metten gronde etcetera bynnen etcetera gelegen, die sy nu tertyt hebben
ende hier namaels oic hebben ende vercrigen zelen voertaen heeft
oic de voerscreven wedue gelooft den voerscreven haeren mede bekender
van tgene dat voerscreven staet altyt scadeloes quyt te houden ende
tontlasten, sonder eenich wederseggen
ut supra
Hulst, Cortryke. Gielis vander Mere, heeft opgedragen ende overgegeven
tot behoef van Jan vander Mere, synen broeder, Eenen gouden
Peter, Te wetene sessendertich grooten Vlaems gelts voir dien
gerekent erffelix chys die hy hadde op desselfs Jans vander
Meere helft vander helft van eenen huyse den Lepelere geheeten
metten plaetsen hove gronde een anderen synen toebehoerten
gelegen inde Aedegheemstrate, tusschen Claes Schoefs erve aen
deen zyde ende Jans de Blare erve aen dander zyde streckende
achterweerts metten voerscreven hove ende met eenen vutgange tot int
Cuyperstraetken. A Domine de Hest:t;st:t; Waranderende etcetera
VI marcy tempore simile
Item. Jan vander Mere, als een tochtenere, ende Jan
ende Gielis vander Mere, als syne kynderen, als erfgenamen, hebben
Terve gegeven vut zaken van wysselingen voer een ander huys
Marten Reyers wylen Anthoenis Reyers soon, tvoergenoemde huysst:t;
derdede helft van eenen huyse den Lepelere geheeten
metten plaetsen hove gronde etcetera voirscreven daeraf dander helft den
voerscreven Marten toebehoert gelegen inde Aedegheemstrate tusschen
de voerscreven beempt genoeten, streckende ut supra A Domino Mechliniensis. Te besittene
Op eenen erffeliken chys van Sesse gouden Peters elken van
dien tot sessendertich grooten Vlaems gelts gerekent, Ende die te
betalen altyt opten jersten dach van meerte, Ende opten voerchys
vanden weerden van derthien chysgulden vuten voirscreven geheelen
huyse met synen voerscreven toebehoerten jaerlix gaende, om welke sesse Peters des
voerscreven chys alsoe te betalen ende om der meerder zekerheyt den voerscreven tochtenere ende erfgename
daeraf te doene, Soe heeft de voerscreven Marten henlieden daervoer verbonden syn ander helft vanden
voerscreven huyse et ut supra tempore simile
Item de voergenoemde Marten Reyers, heeft vut zaken oic van wysselinge
voir ander erve opgedragen ende overgegeven, den voergenoemde Janne
vander Meere tot synder tocht ende den voerscreven Janne ende Gielisen
vander Mere synen kynderen, tot haerer erffelicheyt, Een huys metten
hove gronde etcetera gelegen inde Aedegheemstrate tusschen Jan Merssye
erve aen deen zyde ende Zeger Feermans erve aen dander zyde
A Domino Mechliniensi, Waranderende. Op eenen pond payments ende op twee gouden Rynsgulden
elken van dien tot veertich grooten Vlaems gelts gerekent daer
jaerlix vutgaende
ut supra
Item de voergenoemde Jan vander Mere, als een tochtenere, Ende de voerscreven Jan vanden
Meere syn soon, als erfgenaem, hebben bewesen, den voerscreven Gielisen vander
Meere desselfs Jans des soons broeder, Eenen gouden Peters de weten
sessendertich grooten Vlaems gelts voir dien gerekent st:t; erffelic
dage
chys Te heffene altyt tot Kermisse daeraf den iersten termyn van
Bamisse
betalingen syn sal, tot Kersmisse naestcomende, Op ende aen de voerscreven
tochteners ende erfgenamen helft vanden voerscreven huyse metten hove
inde voerscreven Aedegheemstrate tusschen Jan Merssys ende Zeger Feermans
eenen voerscreven gelegen. A Domino Mechliniensi, Waranderende voertaen heeft de voerscreven Jan vanden
men den voerscreven Jan vander Mere synen vader gelooft vander betalinge
de voerscreven Peters altyt scadeloos quyt te houden ende tontlastene
ut supra