Blader door transcripties » Stadsarchief Mechelen

archieftoegang 2, inventarisnummer 951, pagina 38

Hulst, Bekaert. Jan van Ghele diemen heet Wynnicx, wettich
soon van wylen Aert van Ghele, diemen heet Wyncx, heeft
Terve gegeven, heeren Wouteren van Heesbeen priester een
de prochie kerken van Sinte Kathelinen bynnen der voerscreven
stad, Een huys oft woeninghe met drie cameren, daer
neven staende ende oic metten hove gronde etcetera ende anderen
haeren toebehoerten gelegen deen neven dander inde
Begaerdstrate, tusschen der weduen ende kynderen erve van
wylen Jan van Stakenbroeck aen deen zyde ende der wedue
ende kynderen erve van wylen Jan Pauwels aen dander zyde
streckende hem ende comende achterweerts met eender
brugghen, over de Dele, tot int Mossestraetken. A Domino Mechliniensi,
Te besittene, op eenen jaerliken en erffeliken chys van
acht gouden Rynsguldenen, elken van dien tot veertich
grooten Vlaems gelts gerekent, Ende die te betalene, altyt
tot Sinte Jansmisse Baptisten, daeraf den jersten termyn
van betalingen syn sal van Sinte Jansmisse naestcomende
over een jaer daer naer volgende, Ende opten vorchys
van vive chysgulden, dertich scellinge Loeven, Twee capuynen
sevenenveertich pond ende zestien scellinge payments, twee
Croenen, elke van dien tot vierentzestich grooten Brabants
gelts gerekent, Ende oic op drie gouden Peters elken van dien
tot XXXVI grooten Vlaems gelts gerekent daer jaerlix vutgaende
met alsulker condicien, dat de voergenoemde heer Wouter sal moegen
lossen ende quyten, de voergenoemde acht gouden Rynsgulden des voerscreven
chys tot twee malen ende anders niet ende elken gulden daeraf
met sestien geliker guldenen ende met vollen chyse
Assignavit VIII Rinsgulden den den XXVI denier
X novembry tempore simile
Dyest, heeft Hoeven, Gielis van Borre rentmeester van Onser gedicheit
Vrouwen der hertogen van Bruggen van Brabant etcetera van haeren
stad ende lande van Mechelen, heeft bekent gehadt ende ontfangen
te hebbene vanden eerweerdigen vader in gode ende heeren, heeren
Goessen Harinck, abt des goidshuys van Hufflegheem, Sesse honde
gouden Rynsgulden, elken van dien tot veertich grooten Vlaems
gelts gerekent, die deselve heer Goessen, den voergenoemde Gielisen tot
synder beden geleent heeft, welke sesse hondert gouden Rynsgulden
vanden voerscreven pryse, heeft de voergenoemde Gielis van Borre, gelooft ende
met desen gelooft te gelden ende te betalen van Barblen
tot behoef vanden voergenoemde heeren Goessen, oft den brenger van desen
vanden jersten daghe van meerte nu naest toecomende
by bynnen eenen jaere daer naer terstont volgende
Om welke gelooften alsoe volstentelic te onderhoudene ende oic
der meerder zekerheyt, den voerscreven heeren Goessen, daeraf
te doen, Soe heeft de voerscreven Gielis van Borre, den voerscreven
Janne Barbier, tot des voergenoemde heeren Goessens behoef
daervoer verbonden ende te pande geset, alle sine haeffelike
goeden waer die bevonden zelen worden, Ende oic alle syn
erffelike goeden metten gronde etcetera bynnen gelegen, die hy nu
heeft ende hier namaels oic hebben ende vercrigen sal
XVIa novembry
Dyest, Hoeven. Jouffrouwe Katheline vanden Broeke, diemen heer
Mussche wettighe dochter van wylen Aert vanden Broeke
diemen heet Mussche met Gheerde vanden Dale haeren
man, Ende jouffrouwe Margriete vanden Broeke, haer zuster
met eenen momboir, hebben opgedragen ende overgegeven
tot behoef van Adriaen vanden Broeke, haerlieder broeder
haer twee derdedeelen van eenen huyse duerendale
geheeten metten hove ende plaetsen ende oic met sesse cameren
achter tselve huys staende ende oic metten gronde etcetera, dat den voerscreven
wylen Aerde vanden Broeke toe plach te hoeren, gelegen aenden
Steenwech van Mechelen achter de Vischbrugge tusschen thuys dWoudt
geheeten toebehoerende Ymbrecht vanden Broeke diemen heet Mussche aen deen
zyde ende thuys de Mermyne geheeten toebehoeren den kynderen van wylen
Philips de Groete, aen dander zyde comende achterweerts metten voerscreven
neven
Sesse cameren, deene vanden dander gelegen tot inde Zweenstrate tusschen
Willeme vanden Dorpe erve aen deen zyde ende Willem Leemans erve aen dander zyde
al van welken helft vanden voerscreven huysst:t; met synen voirscreven toebehoeren
tderde derdedeel, den voerscreven Adriaen toe. A Domino Mechliniensi, Waranderende etcetera.
XVI novembry tempore simile
Dyest, Vlemings. Meester Claes van Hansbeke heeft gelooft
oft gebeurde, dat Jan Ghoeten doude, Suceerde ende gedoenst:t;
worde inde zaken van gescille, die hy voir de mannen van
een van Hevere, hangende heeft tegen Adriaen vanden
alsoe
Broeke diemen heet Mussche ende inde Costen gedoet worden
in eenige costen vanden hove oft van partien, dat hy
in dien gevalle, die costen, den voergenoemde Adriaen opleggen
ende betalen sal, sonder eenich wederseggen, oft geweer daer
tegen te doen oft te saeken in eeniger manieren, Om welke
gelooften alsoe volstentelic te onderhoudene ende omder meerder
zekerheyt, den voergenoemde Adriaen daeraf te doen, Soe heeft
de voerscreven Meester Claes den voergenoemde Adriaen daervoer
verbonden ende te pande geset alle syne haeffelike goeden
waer die bevonden zelen worden ende oic alle syne erffelike
goeden metten gronde etcetera bynnen etcetera gelegen, die hy nu
tertyt heeft ende hier namaels oic hebben ende vercrigen sal
XIXasupra novembry tempore simile
Dyest, Vleming. Marie de Rive, wettighe dochter van
wylen Jorys de Rive, met Jan Ramon, diemen heet int
Paradys haeren man, Ende Beatris de Rive, haer zuster
met Laureys Cleynaert, oic haeren man hebben Te
gegeven den voerscreven Adriaen vanden Broeke, haer helft
van Eenen huyse duerendale geheeten metten hove ende
plaetsen ende met sesse cammeren achter tselve huys staende
ende oic metten gronde etcetera dat wylen Aerd vanden Broeke