Blader door transcripties » Stadsarchief Mechelen

archieftoegang 2, inventarisnummer 951, pagina 37

Mechelen wesende ende gelegen, die na haerer beyden
doot in eeniger manieren zelen bliven ende bevonden
worden, zunderlinge de ghene, die boven haere
wettige sculden costen van haerer vutvaert ende boven
haer legaten ende makingen, overschieten ende oic bliven
zelen, alle de voergenoemde haere kynderen in alle de voergenoemde
haere goeden haere gerechte ende eenighe erfgenamen
inder voerscreven manieren noemende ende instituerende
den wederseggen vanden selven haeren kynderen, oft
van yemanden van dien, oft oic den rechten ende
coustumen vander voerscreven stad van Mechelen, ter
contrarien onderhouden niet tegenstaende
IX novembry tempore simile
Beringhen, Langhe. Jan Woytheyns, wettich soon van
wylen Jan Woytheyns ende van wylen Kathelinen vanden
Bloke synen wive ende vanden Bloke wylen Jan vanden
Bloke dochter met Casen vander Hoeven haeren man
Barble vanden Bloke, de selve Yden zuster met
Henricken de Beckere oic haeren man, Ende oic Cornelis
Gheens ende Jan Gheens van des vaders wegen, Ende de
voirgenoemde Jan Woytheyns ende Jan vanden Bloke vander
moeder weghen, als momboren ende inden name van
Willem, Jan, Margrieten ende Lysbetten Gheens, wettige
kynderen van wylen Henricken Gheens ende van wylen
Lysbetten vanden Bloke synen wive ende der voergenoemde Yden
ende Barblen vanden Bloke, zuster doen sy leefde onder
haere jaeren etcetera wesende, die sy in hen vervingen, hebben
vercocht Janne Mol, als proviseur ende tot behoef vander
fabriken vander prochie kerken van Sinte Peters bynnen
der stad van Mechelen, alle de erffelike ende omberuerlike
goeden metten gronde etcetera bynnen ende buyten der stad ende
vryheyt van Mechelen, wesende ende gelegen, die den
voergenoemde Jan Woytheyns, Yden ende Barblen vanden Bloke
gezusteren ende den voergenoemde kynderen Gheens, byder doot van
wylen Lysbetten vanden Bloke weduen van wylen Jan
van Yssche, der selver Jan Woytheyns ende Yden ende Barble
vanden Bloke moeyen ende der selver kynderen gheene
goede oude moeyen in eeniger manieren gebleven
ende verstorven moegen syn ende die henlieden oic byder
tanderen te
selver weduen, met haeren testamente gemaect ende
gelaten syn. A Domino Mechliniensi, Waranderende etcetera. Ende hebben daertoe
de voerscreven Jan Woytheyns ende de voerscreven Yde ende Barblen
vanden Bloke met haeren voerscreven mannen ende momboren
Ende de voerscreven momboren inden name vanden voergenoemde
over jaerden kynderen, gelooft voir hen hair hem ende
nacomelingen, dat sy ten vermanen vanden proviseurs
vander voergenoemde fabriken, die altyt by tyden wesen zelen
comen zelen voer heer ende hof, daer onder, de voerscreven
kynde
goeden buyten der voerscreven vryheyt van Mechelen gelegen
syn, de ende Resorteren, Ende aldaer, der selver goeden
veerthien, totter voerscreven fabriken behoef ende den voerscreven
tot behoef vander
proviseurs, ter selver fabriken, doen daeraf doen
alsulke vasticheyt ende verzekertheyt, als tot haerst:t;
vastich daertoe dienen ende behoeven sal, sonder
eenich wederseggen
X novembry tempore simile
Meeter Jan Mokenborch
vander Hont
Beringen, Hulst. Heer Willem vanden Wyele priester Cureyt vander
prochiekerken van Sinte Peters bynnen Mechelen, Ende heer
Bartelmeus Couthals oic priester, capellaen vander selver kerken
aldaer inden name vanden jaergetyden, die wylen Claes ende
Margriete vanden Ackere begheert hebben ten eeuwigen dagen
gedaen te wordene inder selver kerken, Ende Lodewyck van Berlaer
ende Jan de Meyere als proviseur ende inden name vanden Godien
diemen heet van Mokenborch, ierst Een huys metten hovest:t;
dienste van Onser Lieve Vrouwen inde voergenoemde kerken, hebben
opgedragen ende overgegeven, tot behoef van Jan vander Voort
gronde etcetera de erffelike goeden metten gronde etcetera die wylen
hier bescreven
Henricken van Zwauwene, toe plagen te hoeren ierst een
huys metten hove, gelegen buyten der Coepoerten in Sinte
Janne prochie opten Scheyselberch ende opten hoeck vander
Oelslagerstraten, tusschen de selve strate aen deen zyde ende Jans
de Beckere erve aen dander zyde. Item de helft van Eenen
stuck lants gelegen aldaer opten onden Dyck tusschen des
goidshuys van Thabor erve aen deen zyde ende Peters vander
Zennen erve aen dander zyde. Item een huys metten hove
gelegen oic aldaer, tusschen de voerscreven Oelslagersstrate aen
deen zyde ende Jans vander Heyden erve aen dander zyde ende
alle dander de voirgenoemde wylen Henricx erffelike goeden, bynnen
etcetera gelegen, alle welke erffelike goeden heeft de voerscreven heere
Bartelmeus, tot behoef vanden voerscreven jaergetyden ende vanden
voerscreven Godeliken dienste tanderen tyden voer achterstelligen chys
die die daerop hebben, wettelic vutgewonnen ende verreyct
heeft. A Domino Mechliniensi, Waranderende etcetera. Behoudelic den selven jaergetyden ende
geliken dienste daerop altyt haeren voerscreven chyse ende allen
anderen, den haeren dier voir ende nachys op hebben
XIIII novembris