Blader door transcripties » Stadsarchief Mechelen

archieftoegang 2, inventarisnummer 951, pagina 34

I february
opten last van chys
ende van anderen
comme daer jaerlyc
vutgaende
Ende dat de voergenoemde Jan van Mechelen, by crachte oic
vander voergenoemde scheydingen ende deylingen voer syn deel
paert ende portie, de voergenoemde goeden, hebben houden
besitten ende gebruyken sal, ten eeuwigen daghen, de
helft van eenen huyse metten hove lande beemde
ende anderen synen toebehoerten, tot Keerbergen, op doude
Moelen, geheeten, die de voerscreven wylen Jacoppen van
gelegen
Mechelen synen broeder toe plach te hoeren, daeraf
dander helft, den selven Jan van Mechelen, toebehoert
welck huys met allen synen voerscreven toebehoerten, de
voergenoemde wylen Jacop ende Jan van Mechelen te samen
ende onverscheyden, altyt gehouden besetten ende gebruyck
hebben, welke scheydinge ende deylinge vandenst:t;st:t;
goedest:t; sonder dat de voerscreven Margriete de wedue
daer aen, eenighe tocht oft recht hebben behouden oft
in eeniger manieren, heysschen sal, welke deylinge ende
scheydinge de voergenoemde goeden hebben de voergenoemde Margriete
vander Heyden, de wedue ende Jan van Mechelen
gelooft voer hen haer hoir ende nacomelingen, te houden
eeuwelic vast gestentich, overbrekelic ende van goeden
weerden ende daer tegen nemmermeer te doen te seggen
oft te comen, oft by anderen doen doen seggen oft
comen in gheender manieren alle argelist vutgescheyden
XI octobris
Jan Lambrechs ende Lysbeth vander kynderen
wettige kynderen van wylen Henrick vander Linden
inden name van hen selven ende oic inden name van
Rommonden ende Lysbetten Berchs wylen Willem Berch ende
wylen Magrieten
Dyest, Hulst. Jan van Elsselaer woenende tot Berghen
opten Zoom, heeft vercocht Jan Halfhuys, de helft ende
alle trecht dat hy hadde in Een huys metten hove
gronde etcetera gelegen inde Aedegemstrate, tusschen des
selfs Jan Halfhuys ander huys aen deen zyde ende
Kaerle van Halen huys aen dander zyde, van welkest:t;
huyse metten hove dander helft toebehoert Vrancken
van Elsselaer, A Domino Mechiniest:t; opte weerde van Neghen
scellinge groote Brabant gelts vuten voerscreven geheelen huyse
metten hove jaerlix gaende, Ende de helft ende alle
trecht, dat de voerscreven Jan van Elsselaer hadde in een man
huys metten hove gronde etcetera dat twee woeningen syn
gelegen inde Heydestrate in Onser Vrouwen prochien
tusschen thuys den Vossesteert geheeten, toebehoerende
Willem Speelberch, aen deen zyde ende Jan Boschman
huys aen dander zyde, opte weerde van Twee scellinge
st:t; grooten ende achtien myten Brabants gelts vuten selve
geheelen lesten huyse metten hove jaerlix gaende
van welken twee huyse metten hove dander helft
Vrancken van Elsselaer toebehoert. A Domino Mechliniensi, Waranderende etcetera.
VIaoctobris
Dyest, Vos. Gielis ende Jan Bellens, wettige kynderen van wylen
Peteren Bellens diemen heet van Laken, hebben vercocht
broeder Daneel vanden Hoecke priester prioer des goidshuyse
van Hanswyck staende buyten der Hanswyckpoerten van deser
stad, tot behoef vanden selven goidshuyse, twaelf gouden
Rynsguldenen, elken van dien tot veertich grooten Vlaems
gelts gerekent erffelix chys, die sy hadden ende henlieden
byder doot van wylen Kathelinen de Verwere, haere moeder
ende van wylen Alyt de Verwere, haerer moeyen, gebleven ende
verstorven syn, Op een huys, met vier cameren daer
neven staende, met eenen bogaerde ende eenen vierendeel
lants daerachter liggende ende oic metten gronde ende alle
anderen synen toebehoerten, den voergenoemde goidshuys toebehoerende
gelegen buyten de voerscreven Hanswyckpoerten inde Rechtstrate
tusschen Jans vanden Brande, Henricx de Cuypere ende des
weduen ende kynderen erve van wylen Jan vanden Zype erve
aen deen zyde, Ende des voerscreven goidshuys ende Jan Cants
erven, aen dander zyde. A Domino Mechliniensi, Waranderende etcetera.
VI septembris
ut supra
Pot Peters
Mol
Hulst, Conraert. Jan vanden Zande hoeymaker, heeft
Jan Barbier tot behoef van
vercocht Jan Daneels Zoutere, Twee gouden Rynsgulden
elken van dien tot veertich grooten Vlaems gelts gerekent
erffelix chys Te heffene altyt opten negentienden dach
van Octobry Op ende aen des voergenoemde Jan vanden Zande
huys metter plaetsen ende met eenen anderen huyse int deynde
vander selver plaetsen staende ende oic metten gronde etcetera
gelegen over de Coremarct inde Hooghstrate, tusschen
der weduen ende erfgenamen erve van wylen Jan de
warte aen deen zyde ende thuys Sinte Jacop geheeten
toebehoerende Jacoppen van Axele aen dander zyde. A Domino Mechliniensi,
Waranderende. Op drie chysguldene ende vyftien pond payments
ende oic op Sesse scellinge groote Brabants gelts daer jaerlicx
voer vutgaende
XIIen
Vlemings, Hulst. Marten Wyleder, woenende tot Londerssele, heeft
ongevrydt na der divisen recht
gelooft voir hem syn hoir ende nacomelingen te geven ende erffelic
ende geleven
eeuwelst:t; bynnen Mechelen te betalen, Jan Robbyns vettewarier
ende oic synen hoir ende nacomelingen alle jaere ten eeuwigen dagen
elcx jaere van dien, altyt tot Bamisse, alsulke drie veertelen Rogge
goede ende custbaere Mechelscher maten, erfpachts, als de voerscreven
Marten den voergenoemde Jan Robyns, niet lange geleden voer scepene
van Londerssele vercocht ende op zekere syne goeden aldaer gelegen
bewesen heeft, gelyc dat byder selver scepenen brieve daerop
gemaect claerliker begrepen ende bescreven staet, sonder eenich
wederseggen
XXI octobris