Blader door transcripties » Stadsarchief Mechelen

archieftoegang 2, inventarisnummer 951, pagina 35

Vlemings, Hulst, Claes van Yndevelde, heeft openbaerlic
voer ons bekent dat Magriete van Orssele wedue
van wylen Jan van Hamme ende man van Have syn zuster
ende Jan van Rost wyf hem dueghdelic vernueght
gepaeyt ende voldaen hebben van allen den haeffeliken
ende erffeliken goeden, bynnen ende buyten der stad ende
vryheyt van Mechelen wesende ende gelegen, die hem
byder doot van wylen Peteren Ghysels synen hoeghen
gebleven ende verstorven syn, Ende daeraf ende oic van al
tgene, dat de voerscreven Claes den voerscreven Margrieten ende
Marien ende haeren kynderen vanden voergenoemde goeden
in eeniger manieren, soude moegen heysschen, heeft de
voergenoemde Claes Quytgesconden los vry ende ledich
den selven Margrieten ende Marien, tot haeren behoef
ende oic tot behoef vanden voerscreven haeren kynderen ende
alle andere dies quitancie behoeven, geheelic ende al
XX octobris
Hulst, Vos. Heer Adriaen vanden Dycke, wettich soen van
priester
wylen Janne vanden Dycke heeft vercocht Joes vanden Vekene
wettich soon vanden Vekene vollenst:t; van Jan vanden Vekene
voldere, Een huys metten hove gronde etcetera dat Meester Jan
Byest toe plach te hoeren, gelegen inde Peperstrate, tusschen
een huys, dat den voerscreven Meesteren Jan by Byest toe plach te
hoeven ende dat nu heer Jan van Dyegheem priester toehoert
aen deen zyde ende des voerscreven Joes vanden Vekene
ander huys aen dander zyde streckende achterweerts
totter Heergracht, in alle der vueghen ende manieren ende met
alsulken vorweerden ende condicien, alsoe de voerscreven Adriaen
dat huys metten hove tegen den voerscreven Meester Jan Byest tanderen
tyde gecocht ende gecregen heeft. A Domino Mechliniensi, Waranderende. Op eenen gouden
Peter, Te wetene, sessendertich grooten Vlaems gelts voir
dien gerekent daer jaerlix vutgaende
Assignavit L Rynsgulden
XX octobris
Item. De voergenoemde Joes vanden Vekene, heeft vercocht
Jehannen vander Bruggen, weduen van wylen Peteren de Neve
drie gouden Rynsgulden, elken van dien tot veertich groten
Vlaems gelts gerekent erffelix chys Te heffene altyt tot
Kersmisse daeraf den jersten termyn van betalingen syn sal
van Kersmisse naestcomende over een jaer daer naer ouden
twee
volgende Op ende aen syn voerscreven huyse metten hove, opten vier
chys daer jaerlix voer vutgaende, Ende op syn huys metten
hove gronde gelegen inde voerscreven Peperstrate, gelegen
deen neven dander inde voerscreven Peperstrate, tusschen Jan
Brants huyse aen deen zyde ende heer Jans van Dyegheem
huys aen dander zyde, de streckende achterweerts
totter Heergracht, A Domino Mechliniensi, Waranderende. Op twee pond payments
eenen chysgulden ende eenen gouden Peter Te wetene
XXXVI groote Vlaems gelts voer dien gerekent, daer
jaerlix voer vutgaende
ut supra
Dyest, Vleming. Katheline Stuers wylen Henricx Stuers dochter met
Jacoppen vanden Eynde haeren man heeft vercocht Gielis de Vos
onsen medescepen, drie gouden Rynsguldenen elken van dien
tot veertich grooten Vlaems gelts gerekent, erffelix chys Te
heffene altyt opten jersten dach van Novembry Op ende aen haer
de helft van drie huysen metten hoven gronde gelegen deen
neven dander int Hooghstraetken in Onser Vrouwen prochie
tusschen Ymbrecht vanden Broeke diemen heet Musschen
erve aen deen zyde ende Jans de Beckere erve aen dander zyde
streckende achterweerts tot Henrix Loyen erve toe op eenen
chysgulden twee Turnoysen ende twee pond payments vuten
voerscreven drie hy geheelen huysen metten hoven jaerlicx
voer vutgaende, Ende op haer derdedeel van tweentwintich
scellingen ende sesse penningen grooten Brabants gelts
erffelix chys, dwelck sy hadde, Op een huys metten gronde etcetera
toebehoerende Marten van Waes ende Barblen Bollaerts
synen wive gelegen inde Tweede Vleeschouwersstrate tusschen
Pauwels Bernaerts erve aen deen zyde ende Peter Hoendermans erve aen dander zyde
streckende met eender plaetsen ende met eenen anderen huyse
tot inde ierste Vleeschouwersstrate tusschen Lambrechts van
Puersse erve aen deen zyde ende Pauwels Bernaerts erve aen
dander zyde, Ende ost:t; A Domino Mechliniensi, Waranderende. Ende om der meerder
zekerheyt den voergenoemde Gielisen de Vos vander betalingen
der voerscreven drie gouden Rynsgulden des voerscreven chys te
doene Soe heeft de voerscreven hebben de voirscreven Jacop ende
syn wyf den selven Gielisen, daervoer verbonden
ander
ende tonderpande geset, alle haere erffelike goeden
metten gronde etcetera bynnen etcetera gelegen, die sy nu hebben
ende hier namaels oic hebben ende vercrigen zelen
Utima octobry tempore simile
Steynemoelen, Hulst. Peter Wynants wettich soon van wylen
Jan Wynants, by bywesene wetene wille ende volcomen
consente van Lysbetten de Byne synder moeder, heeft openbairlic
voer ons bekent dat Rommond de Dryvere, Jan de Crootelere
diemen heet de Scaefmaker, Henrick Hoefman ende Jan
Caputsteen syne momboren, hem goede ende rechtverdighe
Rekeninghe ende bewys gedaen hebben van allen den haeffelike
ende erffeliken goeden bynnen ende buyten der stad ende vryheyt
van Mechelen wesende ende gelegen, die den voerscreven Peteren
Wynants, byder doot vanden voergenoemde wylen Jan Wynnants
synen vader ende der voerscreven Lysbetten de Byns man doen hy
leefde in eeniger manieren, gebleven ende verstorven syn
Ende daeraf ende oic van altghene dat de voerscreven Peter
Wynants den voergenoemde synen momboren, vut zaken vanden
voergenoemde goeden ende oic vanden Regimente dat sy van dien
in ontfangen ende vutgeven, tot desen dage toe gehadt
soude moegen heysschen
hebben, heeft de selve Peter Quytgesconden los vry ende
ledich den voergenoemde synen momboiren, ende alle aende die
quitancie behoeven, geheelic ende al
III novembris