Blader door transcripties » Stadsarchief Mechelen

archieftoegang 2, inventarisnummer 951, pagina 32

alsulker condicien, dat de voirgenoemde Henrick van Eelwyt
ende syn wyf zelen moegen lossen ende quiten altyt als hen
dat gelieven sal, den voerscreven Peter des voerscreven chys
tot twee malen ende dienst:t; met sestien gelike Peters
ende met vollen chyse
Assignavit X Peters
Xaseptembris
Beringen, Hulst. Jan van Ghele diemen heet Wynnicx
wettich soon van wylen Aert van Ghele diemen heet
Wynne heeft vercocht Jan vanden Breyne ende Jan vanden
Heyden, als proviseurs ende tot behoef vander taflen des Heylichs
Geests vander prochie kerken van Sinte Kathelinen staende
inder stad van Mechelen, drie gouden Peters elken van
dien tot sessendertich grooten Vlaems gelts gerekent
erffelix chys, Te heffene altyt tot Sinte Jansmisse Op ende
aen des voergenoemde Janne huys oft woeninghe met drie huys
neven
Laeren
cleyn huyse daerop staende, Ende oic metten hove gronde
ende anderen haeren toebehoerten, gelegen deen neven
dander inde Begaerdstrate tusschen der weduen ende
kynderen erve van wylen Jan van Stakenbroeck aen deen
zyde ende der weduen ende kynderen erve van wylen Jan
Pauwels aen dander zyde. A Domino Mechliniensi ware, streckende
ende comende achterweerts met eender bruggen, over
de Dele tot int Mossestraetken. A Domino Mechliniensi, Waranderende. Op omme
chysgulden dertich scellinge Loevens, Twee capuynen
Sevenenveertich pond ende sestien scellinge payments
ende twee croenen, elke van dien tot vierentzestich
gerekent
goeten Brabants gelts daer jaerlix voer vutgaende
XXIIIIa septembris
Beringen, Hulst. Jan van Rotselaer, heeft vercocht
Willem vander Most, Een stuck lants metten gronde etcetera
houdende omtrent anderhalf vierendeel, gelegen inde
prochie van Hombeke, tusschen des goidshuys van
Lelyendale erve aen deen zyde ende Jan vander Lynden
erve aen dander zyde. A Domino Mechliniensi, Waranderende. Op eenen turnoysen
die Sinte Marten van Hombeke ende op eene veertele rogge
Mechelscher maten, die Philips vanden Bossche daer
op erffelic hebben, daer jaerlix vutgaende
Assignavit II Rynsgulden
prima octobris tempore simile
Hulst, Vos. Jan Marchant doude, als proviseur ende inden
name vander taflen des Heylichs Geests vander prochie
kerken van Onser Liever Vrouwen, staende inder stad van
Mechelen, heeft by bywesen ende volcomen consente van Jan
de Heelt commoingmeester vander selver stad, om dat Jan
van haren syn medepsen van levende live ter doot
gecomen was terve gegeven, Lysbetten goeyheers weduen
van wylen Andries Havermans, Een huys metten hove gronde
dat Lysbetten verteynden weduen van wylen Willem vander
Beke toe plach te hoeren, gelegen inde Aedegheemstrate tusschen
des voerscreven wylen Jan van Haren erve aen deen zyde ende
der erfgenamen erve van wylen Bartelmeus Dregghe aen
dander zyde. A Domicella Barbara Schoof, Te besittene op eenen
jaerliken ende erffeliken chys van Twee gouden Rynsgulden
elken van dien tot veertich grooten Vlaems gelts gerekent
Ende die te betalene altyt tot twee termynen, Te wetene
deen helft daeraf tot Kersmisse ende dander helft tot Sinte
Jansmisse, Ende opten voerchys van vier chysgulden ende een
halve ende veerthien scellinge Loevens daer jaerlicx
voerscreven
vutgaende, met alsulker condicien, dat Lysbeth Goeyheers
sal moegen lossen ende quiten altyt als haer dat gelieven sal
de voerscreven twee gouden Rynsgulden des voerscreven chys, tot
twee malen, op dat sy wille ende elken van dien, met
sestien geliker guldenen ende met vollen chyse
prima octobry tempore simile
Hulst, Vos. Jorys de Weend ende Katheline sWilden syn
wyf, hebben vercocht met Mathys ende Barblen vander Hayct
syn wyf synen wive drie gouden Peters elken van dien
tot zessendertich grooten Vlaems gelts gerekent erffelicx
chys, Te heffene altyt deen helft opten jersten dach van
Apel ende dander helft opten jersten dach van octobbest:t; op
ende aen haerlieder huys metten hove gronde etcetera gelegen
inde Penningstrate opten hoeck vander Yperstraten, tusschen
de selve Yperstrate aen deen zyde ende der kynderen erve van
wylen Godevaert Yswyn aen dander zyde, Ende op alle
haerlieder haeffelike goeden waer die bevonden zelen
worden ende alle dander haere erffelike goeden metten
gronde etcetera bynnen etcetera gelegen, die sy nu tertyt hebben
ende hier namaels oic hebben ende vercrigen zelen. A Domino Mechliniensi,
Waranderende opte weerde van twaelff scellinge groten Brabants gelts
ende drie gouden Rynsguldenen, elken van dien tot
vive scellingen der selver grooten Brabants gelts gerekent
vuten voerscreven huyse metten hove jaerlix voir vutgaende
ut supra tempore simile
Item de voergenoemde Aert Mathys ende syn wyf, hebben gewilt ende
openbaerlic voer ons geordineert, dat alle haere kynderen
alsoe wel meyskens als knechtkens ende knechtkens als meysken
ter tyt
die sy deen vanden anderen vercregen hebben ende hier namaels
oic deen vanden anderen zelen vercrigen, Evengelyc ende in
geliken deele ende porcien hebben houden ende deylen zelen
alle haer haer haeffelike ende erffelike goeden bynnen der
in eeniger manieren zelen bliven
stad ende vryheyt van Mechelen wesende ende gelegen, die
eenenyegelike van
henliedenst:t;, na de doot van haeren voerscreven ouden
ut supra