Blader door transcripties » Stadsarchief Mechelen

archieftoegang 2, inventarisnummer 951, pagina 31

Katheline Ghorys, wedue van wylen Aert
van Eyke, als eene tochtenersse cum tutore, Ende Henrick
ende Jan van Eyke gebroeder
Vlemings, Hulst. Peter Mersoel heeft opgedragen syn tocht
die hy hadde inde plaetse van sinen huyse oft woeningen
inde Hoofstrate in Sinte Jans prochie gelegen, daer hy
nu tertyt in woent ende daer over hy dagelix vanden
selver hofstraten hadde, synen inganck doer een poerte tot int
selve syn huys ende synen vutganck daer deselve poorte tot inde voirscreven
selve Hofstrate, met eenen borreputte voir, Ende met eenen
stal oft houthuyse, wesende ende staende int eynde vander voerscreven
plaetsen beneden eender cameren, die toebehoert hueghen die
mont Raid ende argene, ons genadigen heeren des Roemen
Conincx ende coort achterwaerts tot opte Dele, welke plaetsen
met haere voerscreven toebehoerten is gelegen vast aen tvoerscreven
huyse oft woeningen, tusschen tselve huys aen deen zyde ende
des voerscreven Haghen du Mont huysen ende erven aen dander
zyde. A Domino Mechliniensi, Juravit etcetera tot behoef van Willem ende Annen Merssoele
synen kynderen, die hy van wylen Barblen vanden Hove synen
Nuwive vercregen heeft tot wiens behoef haer
momboiren, hier na bescreven ierst gegoet waren, Ende
daer na hebben Jan Robs Meester Peter van Cruybeke ende
Robeert van Blaersvelt, als momboren ende inden name vander
voerscreven kynderen onder haere jaeren etcetera wesende, die sy in hen
vervingen vercocht Jan Quarre, heer van Buytencourt
tot behoef vanden voerscreven Haghen du Mont de voergenoemde
plaetse metten gronde ende haer voerscreven toebehoerten, waranderende
die de voerscreven Peter met hen gelooft heeft, sonder eeniger
last van chyse daer jaerlix vutgaende, met alsulken
condicien, dat de voerscreven Peter Merssoel ende synen voerscreven kynderen
alsoe lange als sy besittenen zelen syn van haeren voerscreven
huyse oft woeningen inde voerscreven Hoffstrate gelegen ende henlieden
dat toebehoeren sal ende niet langer, zelen moegen gebruyken
des voerscreven borreputs altyt als hen dat gelieven sal, gelyc
den voerscreven Huyghen du Mont doer een vestere, die de voerscreven
Peter Merssoel vast aenden selven borreputte inden muer
van sinen ende synder voerscreven kynderen huyse oft woeningen
voergenoemde sal doen maken, sonder eenich wederseggen
Ultima augusty
alregen erve
Hulst, Consaert. Helm Thorys, wedue van wylen Aert van
Eyke cum tutore ende Barble ende Katheline van Eyke haere kynderen en
tyt ende Henrick ende Jan van Eyke gebroederen van des vadere
weghen ende Janne Ghorys ende Anthoenis vanden Hoede vander
moeder weghen, als momboren ende inden name van Janne
Lysbetten ende Margrieten van Eyke, onder haere jaeren etcetera wesen
Ende oic inden name van Peteren van Eyke, absent wesende
oic de voerscreven weduen ende haers voerscreven mans kynderen, die
in hen vervingen, hebben als erfgenamen, hebbende deselve
momboren, om tgene te doen dat hier na bescreven staet
vanden selven Peteren volcomen macht gelyc ons dat claer
heeren Aert Aert priester Cureyt vander kerke
bleke, hebben vercocht Jan Barblen tot behoef vanden
vanden
beghynhove
vander voirscreven
stad
Convente van Sweens voer deen helft ende tot behoef
vanden Convente vander banck staende bynnen deen
selve beghynhove vanden voerscreven stad voer dander helft
haerlieder helft van twee ponden grooten Brabants
gelts erffelix chys, die de voerscreven wedue ende alle haere
voerscreven kynderen, hebben, Op ende aen Een huys oft woeninge
dat wylen Bartelmeus vanden Bossche toe plach te
hoeren ende dat nu synder weduen ende kynderen toehoert
metten plaetsen ende poerten voer ende met eenen grooten
hove achter tselve huys liggende ende oic metten gronde
ende synen toebehoerten, gelegen inde Coestrate, byde leste
Balen
brugghe, tusschen des voerscreven Bartelmeus andere twee huysen
aen beyde zyden streckende metten voerscreven hove metter
eender zyden, tot inde Lange Byest ende metten ander zyden
tot opte Voldershergracht, A Domino Mechliniensi, Waranderende etcetera.
ultima augusti tempore simile
Langhe, Hoeven heeren Meesteren Henrick Tucbake ende Gheerd
Willeman priesteren ende Meester Jan Hemelryck als executeurs
ende inden name vander executien vanden testamente ende vutersten
wille van wylen heer Matheeus Godevaerts diemen heeft
Verlysbetten, oic priester ende Canonick doen hy leefde vander
prochie kerken van Sinte Rommonts staende inde voerscreven stad
hebben vercocht heer Jan vanden Weene Ridder, van vander
stede vander daer, Een huys oft woeninghe met twee cameren
daer by staende ende oic metten hove gronde ende anderen synen
toebehoerten, dat de voergenoemde heer wylen heeren Matheus toe
plach te hoeren, gelegen inde Augustynstrate tusschen een ander
huys, dat oic deselven wylen heeren Matheus toehoert, aen
deen zyde, ende des goidshuys van Blydenberge erve inder voerscreven
drie
stad staende aen dander zyde. A Conventu de Lelyendale, waranderende.
op twee capuynen ende vive scellinge Loevens, daer jaerlicx
vutgaende
VIaseptembris
Vleming, Hulst. Barble Houwe, wettige dochter van wylen
Gheerd Houwe met Wouteren van Deelen haeren man, heeft
Terve gegeven, Henricken van Eelwyt ende Kathelinen
Selcke synen wive, Een huys metten hove gronde etcetera dat
den voerscreven wylen Gheerde Houwe haeren vader toe plach
te hoeren ende dat haer by synder doot gebleven ende
verstorven is, gelegen tot Neckerspoele opten hoeck vander
Ballemansstrate tusschen de Hergracht aen deen zyde
ende Laureys Yuetens erve aen dander zyde. A Domino Mechliniensi. Te besittene
Op eenen jaerliken ende erffeliken chys van Eenen gouden
Peter Te wetene sessendertich grooten Vlaems gelts voer
dien gerekent, Ende dien te betalen altyt tot Sinte Jansmisse
Ende sonder eenigen voerchys, daer jaerlix vutgaende, met