Blader door transcripties » Stadsarchief Mechelen

archieftoegang 2, inventarisnummer 951, pagina 30

Pot Retro op twee capuynen vuter voerscreven twee huysen met haeren voirscreven toebehoerten de jura etceter tot behoef van Peteren ende Rommonden Tucbake haeren kynderen de daer haere momboren, hierna bescreven ierst inne gegoedt waren, Ende daer naer hebben heer Henrick Tucbake priester ende Henrick Schaerlaken van des vaders wegen, ende de voirgenoemdest:t; Augustyn tSermartens ende Jan van Fonteynen vander moeder weghen, als momboren ende inden name vanden voergenoemde Peteren ende Rommonden Tucbake, onder haere jaeren, wesende die tvoerscreven sy in hen vervingen, voir de vierendeel, Ende de voerscreven Augustyn tSermartens voer dander vierendeel, Katheline tSermartens met Peteren Reymere haeren man voer tderde vierendeel ende Margriete tSermartens metten voerscreven Jan van Fonteynen oic haeren man, des voergescreven Lysbetten tSermartens broeder ende zusteren, voir tvierde vierendeel hebben vercocht, den voergenoemde Rommonden Caluwaert de voergenoemde Twee huysen met haeren voerscreven toebehoerten ende tvoerscreven plancke, met synen voerscreven overdeel in alle der vuegen ende manieren, Alsoe de voerscreven wylen Wouter Jacop tSermartens, haerlieder vader, die aldaer hyelt ende beset, Waranderende op vier cleynen zwarte Turnoyse vander metten sConincx van Vranckerycke vuten voerscreven planckier ende sonder eenigen last van chyse vuter voirscreven twee huysen met haeren voerscreven toebehoeren jaerlix gaende. Behoudelic dien gaeter min vut dat sal den voerscreven coeper te baten comen gaeten oic meer vut dat zelen de voerscreven vercoeperen den voerscreven coeper voir elken penninge den meer chys geven ende restitueren, Twintich geliker penningen, sonder eenich wederseggen XXaaugusty Dyest, Hulst. Meester Jan vander Straten heeft Terve gegeven Jan van Back, Twee huysen metten hove gronde etcetera gelegen deen neven dander inde Kerchofstrate tusschen Peters van Blayele erve aen deen zyde ende Aerts vander Hulst erve aen dander zyde. A Johannes de Muysene, Te besittene, op eenen jaerliken ende erffeliken chys van vier gouden Rynsgulden elken van dien tot veertich grooten Vlaems gelts gerekent Ende die te betalen altyt tot twee tamenst:t; Sinte Jansmisse daeraf den jersten termyn van betalingen syn sal, tot Sinte Jansmisse die wesen ende comen sal, int jaer dusent vierhondert neghenentachtentich naestcomende, Ende opten vorchys van twee capuynen ende van elff scellinge Loevens daer jaerlycx vutgaende, met alsulker condicien, dat de voerscreven Jan van Bavele, sal moegen lossen ende quiten altyt als hem dat gelieven sal, de voerscreven vier Rynsgulden des voerscreven chys, Te wetene tot elken Cale eenen van dien ende niet min ende elken met XVI geliker guldenen ende met vollen chyse Domino XXaaugusti Dyest, Hulst. De voergenoemde Jan van Bavele, heeft vercocht den voerscreven Meester Jan vander Straten, tvierendeel van negenthien scellinge ende sesse penningen groote Brabants gelts dat hy hadde, Op een huys metten hove gronde etcetera toehoerende Jan Lauwaerts, Henricx soon, geheeten Dendeken gelegen inde Kerchofstrate tusschen Henrix vanden Dycke erve aen deen zyde ende Jans de Neve erve aen dander zyde. A conventu de Lelyendale Waranderende. Op sessentzeventich scellinge Loevens drie capuynen ende twee ende eenen halven penningen payments vuten voerscreven geheelen huyse metten hove jaerlix voir vutgaende XX augusti tempore simile Katelinen Heryoens Hulst, Vos. Henrick van Massene, diemen heet vander Hoeven, heeft vercocht Bartelmeus Heryoens de helft van Twee huysen de Cogghe geheeten metten hove gronde etcetera gelegen deen neven dandre in Sinte Katheline strate tusschen der kynderen erve van wylen Jan van Begnen, aen deen zyde ende der weduen ende kynderen erve van wylen Fransen de Grove aen dander zyde streckende achterweerts metten voerscreven hove, tot opten vlyet aldaer, Ende de helft van Twee huysen oft camer metten hove gronde etcetera gelegen oic deen neven dander inde Nokerstrate tusschen Cornelis de Reyere erve aen deen zyde ende d gasthuys vander Heylige Drievuldicheit erve aen dander zyde aen dander zyde. A Domino Mechliniensi, Waranderende. Op vyftien chysguldenen vuten voerscreven jersten twee geheelen huysen metten hove ende op Sesse oude groote Turnoyse, thien pond payments geheelen ende eenen chysgulden, vuten voerscreven lesten twee huyse metten hove jaerlix gaende # welke helft vanden voerscreven vier huyse metten voerscreven hove Henricken byder in den voerscreven doot van wylen Kathelinen van Malssene synde zuster geblevenen verstorven XXaaugusti selven ut mach Cassatus ende Jan te quyde ende et Roelant es Magriete Jan Picot curatore adhoc consent Katheline Kermans vidua ende van Malssene XXXVI quonde Henricx may anno XC Bosschen Hulst, Vos. De voergenoemde Bartelmeus, debet den voerscreven ten termynen hierna volgende, Te wetene de viventwintich Henricken, tzestich gouden Rynsgulden, elken van dien tot veertich grooten Vlaems gelts gerekent Te betalen Rynsgulden daeraf tot Sinte Martensmisse naestcomende ende dander vivendertich Rynsgulden daeraf tot Sinte Martensmisse daer naer ter stont volgende, Ende daervoer heeft hy hem verbonden alle sine haeffelike goeden waer die bevonden zelen worden, Ende oic alle syne erffelike goeden metten gronde etcetera bynnen etcetera gelegen, die hy nu heeft ende hierna hebben ende vercrigen sal supra tempore simile