Blader door transcripties » Stadsarchief Mechelen

archieftoegang 2, inventarisnummer 951, pagina 29

Behoudelic dien, dat als deselve Gheerd de quitingen alsoe sal willen doen, dat hy dan terstont, metten penningen van dier quitingen comende, gehouden ende verbonden sal syn, te coepene, totter voerscreven taflen behoef tot men coste ende laste, gelyke seven ponden groeten erffeliker renten, opte voerscreven stad van Mechelen ende voir elken penning van dien geven, twintich gelyke Penningen sonder eenich wederseggen XXIIIa Augusti Hulst, voir de voergenoemde Gheerd vanden Dale heeft openbaerlic voir ons bekent, dat de voergenoemde proviseurs vander voerscreven taflen wegen hem trouwelic gecontenteert ende gepaeyt hebben vander helft van drie veertelen Rogge erfpachts, die deselve tafle hadde, Op een stuck beempts den Roest geheeten dat de voerscreven wylen jouffrou Lysbetten vanden Venne, toe plach te hoeren ende dat nu ter tyt deen selver taflen toebehoert tot Heffene gelegen ende die de voerscreven wylen Jan vanden Dale ende de selve wylen jouffrou Lysbeth syn huysvrouwe, bynnen haeren levender tyt daeraf gelost ende gequeten hebben, Ende van dier helft vanden voerscreven erfpachte ende oic van al tgene, dat de voerscreven Gheerd de voerscreven proviseurs ende taflen van dier soude moegen heysschen, heeft de selve Gheerd Quytgesconden los vry ende ledich, de voerscreven proviseurs totter voerscreven taflen behoef, haer voerscreven stuck beempts ende alle ander die quitancie behoeven, geheelic ende al ut supra tempore simile Bart Beringen, Consaert, Hubrecht voirsst:t; inden name vanden goidshuyse van Sinte Nicolaer berge staende inder stad van Merchof, hebbende om tgene te doen, dat hierna bescreven staet vander pryormen ende gemeynen convente des voerscreven goidshuys volcomen macht, gelyc ons dat by eender procuracie daer op gemaect ende bezegelt metten gemeynen zegel den selfs goidshuys clairlic bleke, heeft vercocht opgedragen ende overgegeven tot behoef van Jan vander paelt, thien zessendertich gouden Peters elken van dien tot ve grooten Vlaems gelts gerekent, jaerliker lyfrenten, die zuster Katheline vander paelt professe int voerscreven goidshuys, de voerscreven Jan vander paert dochter, tot haeren live hadde, Op alle de selfs Jans haeffelike ende erffelike goeden metten gronde etcetera bynnen etcetera wesende ende gelegen. A Domino Mechliniensi, Waranderende etcetera. XXVIIIaaugusti Steynemoele, Vos. Katheline van Calsterbroeck, wedue van wylen Peteren de Raeymakere, cum tutore, Ende Henrick de Raeymakere haer soon inden name van hem selven ende oic inden name van Francen ende Kathelinen de Raeymakere, synen broeder ende zuster, onder haere jaeren wesende die hy in hen vervingh, hebben vercocht Willem de Weend, wylen Willems soon, Tderde deel van Eenen stuck lants metten gronde etcetera, houdende int geheel, drie vierendeel gelegen tot Hevene, op Hevervelt, tusschen Willem Cools erve aen deen zyde ende Martinen ende Anthonine vander Wilgen erve aen dander zyde, van welken stuck lants dander twee derdedeelen, Margrieten van Calsterbroeck, den voerscreven Kathelinen zuster ende den kynderen van wylen Clemencien van Calsterbroeck, der selve Kathelinen ende Margrieten zuster, doen sy leefde toebehoeren A Domino Mechliniensi, Waranderende onder last van chyse, daer jaerlix vutgaende XXVI augusti tempore simile Pot Reter Voesdonc, Hulst. Marie van Tyelt, wedue van wylen Bartelmeus Cants cum tutore heeft opgedragen haer tocht, die sy hadde in metten gronde een plaetse daerop een huys dat verbeert is, heeft plegen te staen, gelegen buyten der Hanswyckpoerten inde Rechtstrate tusschen Peter Bogaerts erve aen deen zyde ende Gheerds vanden Mane erve aen dander zyde. A Domino Mechliniensi, Juravit etcetera tot behoef van dien ende Dignen Bartelmeus, de Barblen Cant haeren kynderen, tot winne behoef daer deselve Digne tot haeren ende totten selven Bartelmeus ende Dignen haeren broeder ende zuster behoef ierst inne gegoedt voir waert, Ende daer naer hebben de selve D cum tutore, Ende oic Jan van Hevere ende Henrick van Hevere syn soon, ende Peter Mennens ende Joes Coetmans, als momboren ende inden name Dignen vanden voerscreven Bartelmeus ende Barblenst:t; tant onder haere jaeren haeren bewesene ecetera wesende, die sy in hen vervingen vercocht Rommond Caluwaert wettich soon van wylen Jacoppen Caluwaert huyvettere, de voerscreven plaetse, waer opte weerde van vyf geheeten scellingen sesse penningen ende eenen hellinge Brabants gelts daer jaerlix vutgaende IX January Hulst, Vos. Lysbeth tSermartens wylen Wouteren tSermartens wettighe dochter ende wedue van wylen Rommond Lucbake, cum tutore heeft opgedragen haer tocht die sy hadde in tvierendeel van twee huysen metter plaetsen hove vetterien ende met anderen huysen, daerby ende achterstaende ende oic metten gronde ende allen anderen haeren toebehoerten ende gelegen deen neven dander op Nuwelant byde Heymeysbrugghe, tusschen Marten Smouts erve aen deen zyde ende der weduen erve van wylen Jan vander Beke aen dander zyde Ende van eenen plancke met eender boven overdert gelegen aldaer tegen de voerscreven Twee huysen over tusschen Jorys Caluwaerts erve aen deen zyde ende der weduen ende dochter erve van wylen Cornelis van Boxhem aen dander zyde. A Domino Mechliniensi,