Blader door transcripties » Stadsarchief Mechelen

archieftoegang 2, inventarisnummer 951, pagina 2

I
Borch, Vos, Peter de Cock tot behoef van Lysbetten vanden Velde, weduen
van wylen Marten Blanckaert synen wive als tot haerer tocht ende tot behoef
van Kathelinen ende Barblen Blanckaerts haeren kynderen, als tot haerer erfflicheyt
heeft verreyct, Twee huysen metten hove gronde etcetera die Cristiaen
Blanckaerts ende Margrieten van Roesbroeck synen wive toe plagen te
hoeren, gelegen deen neven dandere buyten der Oeverstepoorten inde
Rechtstrate tusschen Dierix van Sintruyden erve aen deen zyde ende Jan
Cools erve aen dander zyde, Ende de helft van eenen hove metten
gronde etcetera, die oic den voerscreven Cristiaen ende synen wive toe plach te hoeren
houdende int geheel omtrent anderhalf vierendeel, gelegen oic aldaer
achter de voerscreven twee jerste huysen, tusschen des voerscreven Dierix van
Sintruyden erve aen deen zyde ende des voerscreven Jan Cools erve aen dander
zyde
Ex censu
XXI february
Borch, voir de voerscreven Peter de Cock tot behoef als boven heeft verreyct
Seven moeken rogs ende een half erfpachts, die de voergenoemde Margriete
van Roesbroeck, te hebben plach, op eenen hof metten gronde etcetera toehoerende
Willem Walschaerts, gelegen buyten der Oeversterpoorten, byde vester
van Mechelen, tusschen Janne vander Hoeven erve aen deen zyde ende des
voerscreven Margrieten erve aen dander zyde. Item eenen hof metten gronde etcetera
houdende een halfbuender, die de voerscreven Margrieten toe plach te hoeren
gelegen aldaer aende Broecstrate tusschen de selve Broecstrate aen deen
zyde ende des voerscreven Willem Walsschaerts erve aen dander zyde, Ende
Een huys metten hove gronde etcetera dat oic der voergenoemde Margrieten toe plach
te hoeren, houdende omtrent een half vierendeel, gelegen aldaer byde
voirgenoemde Broecstrate tusschen der voerscreven Margrieten hof aen deen zyde
ende der voerscreven Willem Walsschaerts erve aen dander zyde
Ex censu
Ut supra tempre
Rende, Hulst. Rommont vander Laet heeft vercocht Henricken Balleman
Twee gouden Rynsguldenen elken van dien tot veertich grooten Vlaems gelts
gerekent erffelic chys, Te heffene altyt opten jersten dach van meerte
vutgenomen den jersten dach van meerte nu naest toecomende op
ende aen des voirgenoemde Rommonts huys metten hove gronde gelegen over
de Coremarct inde Hooghstrate tusschen Henrix vander Bruggen erve
aen deen zyde ende Jans vander Beke erve aen dander zyde
A Anthonio de Oeyenbrugge, Waranderende. Op twee chysguldenen drie capuynen
ende dertich scellinge payments daer jaerlix voir vutgaende
XXVII february
Keyenoege, Vos. Jan Peters van Peter diemen heet van Heysbroeck, heeft
opgedragen ende overgegeven, tot behoef van Lodewycken van Heyst, Een
stuck lants metten gronde etcetera houdende de twee vieren lutte
dat hy den voerscreven Jan tander sterven hier
min oft meer, gelegen buyten Sinte Kathelinen poorte tusschen der
infirmarien erve vanden crancken beghinen staende binnen den beghynhove
vander voerscreven stad aen deen zyde ende der weduen ende kinderen erve van
wylen Claes Schermers aen dander zyde comende opgaens tot aen
de Heeren strate. A Domino Mechliniensi, Waranderende. Op alle den chys ende commer daer jaerlycx
vutgaende. Behoudelic den voerscreven Janne Peters ende Kathelinen
vanden Wouwere, synen wive haerer beyder tocht, alsoe lange als sy ende
de langhstlevende van hen beyden leven zelen daer inne paysselic ende
vredelic te gebruykene
XXVI february