Blader door transcripties » Stadsarchief Mechelen

archieftoegang 2, inventarisnummer 951, pagina 28

de Beringen, Philippus Kerman, Peters de
Steynemoelen, Henricus Langhe, Rumoldus
Vlemings, et Georgis Consaert
Magritatien
Johannes Heelt
Gerardus vanden Dale
Decany Lanificy
Johanne Schoef
Egidius de Muysene
een jurati
Egidius de Gestelle
Egidius Kerman
Willem vander Borch
Johanes de Culixerde
Hubertus de Cortryke
Johanne Lange junior
et Reynaldus Keyenoege
Receptores ville
Walterus de Voesdonck
Johanne Lange Senior
die voer
et Jacobus Robynen
Hulst voor Anselmus Roelants ende Jan Reyers diemen heet Delssene
alle proviseurs ende inden name vander taflen des Heylichs Geests vanden
prochie kerken van Sinte Peters staende inder stad van Mechelen
hebben vut zaken van wysselingen voer erffeliken chys van Eenen
pond grooten Brabants gelts opgedragen ende overgegeven, tot behoef
van Gheerd vanden Dale, wettich soon van wylen Peteren vander
Dale, de helft vanden erffeliken goeden ende renten, metten gronde
en haeren toebehoerten, hierna volgende ende bescreven, die de
voerscreven taflen des Heylichs Geests by wylen jouffrouwen Lysbetten
vanden Venne weduen van wylen Jan vanden Dale des voerscreven
wylen Peters vanden Dale broeder doen hy leefde met haeren
testamente gemaect ende gelaten is, Ende daeraf dander helft, den
voerscreven Gheerd vanden Dale toebehoert ierst van eenen beemde
geheeten Papegaeys ham metter onder delen int middel van dien
wesende, gelegen inde prochie van Muysene in Myspeldonckroeck
opte Dele daerloepende, tusschen des voerscreven Gheerde anderen Beem
aen deen zyde ende Symoens de Meyere beempt, aen dander zyde
streckende metten eenen eynde, totter selver Dele een van
Eenen stuck beempts geheeten de Weelt, houdende int geheelen
vyf vierendeel luttel min oft meer, gelegen inde voerscreven
prochie van Muysene int voerscreven Myspeldonbroeck, tusschen
de Moelenbeke ende een ander beken loepende ter Boeymeren waert
aende drie zyde ende Jans de Mol erve aende vierde zyde, Een
van Eenen stuck eeussels oft broeclants, houdende int geheel
anderhalff vierendeel oic luttel min oft meer, gelegen aldaer
tusschen des voerscreven Gheerds vanden Dale erve aen alle zyde
Ende van twee derdedeelen van eenen stuck beempts houdende
int geheel omtrent drie vierendeel, die wylen Henricken
ende Wouteren de Byn gebroederen toe plagen te hoeren, gelegen
oic aldaer tusschen heeren Henrix van Ridders erve aen deen
zyde ende des voerscreven Gheerds vanden Dale erve aen dander zyde
streckende metten eenen eynde toter voerscreven Delen. Item van
Eenen gouden Rynsgulden, Te wetene veertich grooten Vlaems
gelts voer dien gerekent erffelix chys, die de voerscreven wylen Jan
vanden Dale ende de voerscreven wylen jouffrou Lysbeth syn huysvrouwe
hadden, op wylen Wouters de Byn derdedeel vanden voerscreven
lesten stuck beempts by des voerscreven heeren Henricx van erve gelegen
Item van Seven chysgulden erffelix chys die deselve wylen Jan
vanden Dale ende syn huysvrouwe hadden, opte helft van vier
huysen oft woeningen metten hoven bogaerde, gronde ende anderen
haeren toebehoerten, die wylen Cornelis van Boxhem toe plach
te hoeren ende die nu der weduen ende kynderen van wylen Anselmus
van Meerbeke toehoert gelegen deen neven dander inde
Augustynstrate opten hoeck vanden Berthoutshove, tusschen
eenen wech, toehoerende den heer van Gaesbeke, aen deen zyde
Ende de strate gaende ten voerscreven Berthoutshove weert, aen dander
zyde, Ende van Twee huysen metten hove ende doergange ende oic
metten gronde etcetera gelegen deen neven dander opten voirscreven
Berthoutshof tusschen Gheerds vanden Broeke erve aen deen zyde
ende der weduen ende kynderen erve van wylen Wouteren vander
straten, aen dander zyde. A Domino Mechliniensi, Waranderende. Opten chys ende last daer
jaerlix vutgaende
XXIIII augusty
Item de voirgenoemde Gheerd vanden Dale, heeft oic vut zaken van
wisselingen voir de helft van zekeren erfgoeden, die hem de voerscreven
proviseurs inden name vander voerscreven taflen, heden voer ons wettelic
overgegeven ende geresigneert hebben bewesen den selven proviseurs
totter selver taflen behoef, Seven pond grooten Brabants gelts
erffelix chys Te heffene altyt tot Kersmisse daeraf den jersten
termyn van betalingen syn sal van Kersmisse naestcomende, over
een jaer daer naer terstont volgende, Op ende aen alle des voergenoemde
Gheerde erffelike ende onberuerlike goeden metten gronde etcetera
bynnen der stad ende vryheyt van Mechelen wesende ende gelegen
A Domino Mechliniensi, Waranderende etcetera met alsulker condicien, dat de voerscreven Gheerd
sal moegen lossen ende quiten altyt als hem dat gelieven sal, de
voergenoemde Seven ponde groeten, des voerscreven chys ende elken penning
daeraf met twintich geliker penningen ende met vollen chyse