Blader door transcripties » Stadsarchief Mechelen

archieftoegang 2, inventarisnummer 951, pagina 27

Borch, Dyest. Margriete vander Specht, wettige dochter van
Jan vander Specht ende van wylen Marien Bogaerts synen jersten
wive met Peteren van Schoeten haeren wettigen man ende
momboer, heeft openbaerlic voer scepenen bekent, dat wille
vanden Slyke ende Aert van Eyke, Ende oic wylen Jan van
Couwenberghe ende wylen Marten Van Puersse, haere momboren
hen trouwelic in haer gequeten hebben ende haer goet bewys
gedaen hebben van allen den haeffeliken ende erffeliken goeden
waer die gelegen syn ende bevonden moegen worden, die der
voerscreven Margrieten, byder doot vander voerscreven wylen Marien
Bogaerts haerer moeder in eenige manst:t; gebleven ende
verstorven syn, Ende daeraf ende oic van alle tgene dat de
voerscreven Margriete den voerscreven haeren momboren vut zaken
van dien goeden in eeniger manieren soude moegen heysschen
heeft de selve Margriete metten voerscreven Peteren haeren sal
Quytgesconden los vry ende ledich, den voerscreven Willem
vanden Slyke ende Aert van Eyke tot haeren behoef ende oic tot
behoef vanden voerscreven haeren medemomboren ende alle ander
dies quitancie behoeven, geheelic ende al
X augusty tempore simile
Hulst, Vos. Gielis Putteman, wettich soon van wylen
Jan Putteman, heeft vercocht Willem vanden Slyke, Een
stuck beempts metten gronde etcetera geheeten de Saghe houden
tderdedeel van eenen halven buender luttel min oft meer
gelegen inde prochie van Muysene, tusschen Jans de Lange
erve aen deen zyde ende Gielis de Vos wylen Jans de Vos
soons erve aen dander zyde, Ende een stuck bosch metten
meer
gronde etcetera houdende oic luttel min oft dan een halff
buender, gelegen aldaer, tusschen der weduen erve van
wylen Jan Lane aen deen zyde ende Jan vanden Broeke
erve aen dander zyde. A Domino Mechliniensi, Waranderende. Op twee scellinge
Loevens vuten voerscreven stuck beempts jaerlix gaende
Ende sonder eenigen last van chyse vuten voerscreven stuck
beempts gaende
Assignavit LXXX Peters
XVII Augusti tempore simile
Dyest, Rende, Opten van Oeyenbrugghe, wettich soon van wylen
Jan van Oeyenbrugge, Ende jouffrouwen Barble ende Katheline
van Oeyenbrugge inne zusteren, hebben vut haeren vryen wille
voer ons bekent dat sy, die langen tyt deen metten anderen
gewoent ende haere dingen, te samen gehanteert hebben alle
de haeffelike ende beruerlike goeden in wat wesen die syn, die
hen drien, byder doot vanden voerscreven wylen Jan van Oeyenbrugge
haeren vader ende van wylen jouffrouwen Kathelynen van
dienen heet van Haeghem
Moelendonck synder huysvrouwe haerer moeder, Ende oic van
wylen Henricke ende jouffrouwen Gheertruyden van
Oeyenbrugge haeren broeder ende zuster toecomen gebleven
verstorven ende met testamente gemaect ende gelaten syn, Ende
die sy oic hamentlic gecocht ende gecregen hebben
mynliken ende vriendeliken gescheyden ende evengelyc
ende in gelyken deele gedeylt hebben, Ende dat eenyegelyck
van hen drien van allen dien goeden, na dier deylingen
syn deel ende paert gehadt, ontfangen ende tot hemweerts
genomen heeft daeraf sy, wel te vreden waren, ende
hen hielden wel gepaeyt ende geconteert, alsoe sy seyden
vanden welken ende oic van al tgene dat sy deen deen
anderen vut zaken van dien goeden in eeniger manieren
souden moegen heysschen, hebben de voergenoemde Osten ende
Jouffrouwen, Barble ende Katheline van Oeyenbrugge syn
zusteren, Quytgesconden malcanderen los vry ende
ledich ende alle andere dies quitancie behoeven, geheelic
ende al, Ende hebben daer toe de selve Osten ende zynen
zusteren, gelooft, dat sy deselve quitancie, ten eeuwigen
dagen vast overbrekelic ende van goede weerden
houden ende onderhouden zelen, sonder daer tegen
te doen te seggen oft eenichsins te comen, oft oic malcanden
daerom te moeyen, oft te quellen
XVIII augusti tempore simile
Hulst, Vos. Jan van Lyle, heeft opgedragen syn tocht
die hy hadde in een huys metten hove gronde etcetera dat wylen
Jan van Hylle synen vader toe plach te hoeren, ende dat hem by
synder doot gebleven ende verstorven is, gelegen buyten der
Hanswycpoorten, tusschen inde Rechtstrate tusschen Henricx
de Cuypere erve aen deen zyde ende der weduen ende
kynderen erve van wylen Jan vanden Zype, st:t; aen
dander zyde. Ancella Johanne vander Aa jur
tot behoef van Jan van Lylle sinen soon, die ierst inne
gegoedt waert, Ende daer naer heeft de selve Jan van
Lybbe, de soon vercocht, den voergenoemde Jan van Hylle een
vader tvoergenoemde huys metten hove ende anderen syne toebehoerten
Waranderende. Opten chys daer jaerlix vutgaende
XXII augusti
Anno Domino Millesimoquadringentesimonagesimoen
die live post festum assumptior van Marie Vregen
vicesima die mense Augusti Renovabatur Cons
Consel ville Machlinen, Et Remanserunt scabri
in eorum ultimo anno Egidius de Gottingnies
Anthonis de Voesdonck, Arnoldus de Dyest
Johannes vander Hoeven, Johannes vander Hulst
Egidie voer, de novo vero elect, Johanne