Blader door transcripties » Stadsarchief Mechelen

archieftoegang 2, inventarisnummer 951, pagina 26

ende syn huysvrouwe hebben
Dyest, Keyenooghe. De voergenoemde Jorys vanden Dorpe heeft belooft
vier hem hoir ende nacomelingen, dat al eest soe dat
Cristoffel van Berlaer, tanderen tyden Te wetene opten
sesten dach van April, int jaer dusent vierhondert
Tweentzestich lestleden vercocht heeft wylen Janne
vander Varen, Sesse gouden Rynsgulden, elken van
dien tot veertich grooten Vlaems gelts gerekent erffelicx
chys, Op syn huys met synen toebehoerten, dat nu de
weduen ende kynderen van wylen Jacoppen Wouters
toebehoert byden Steenwech van Mechelen gelegen, tusschen
der voerscreven stad van Mechelen huys aen deen zyde ende Jans
vanden Bogaerde huys aen dander zyde, Ende op alle dander
des voerscreven Cristoffels haeffelike ende erffelike goeden, bynnen
der vryheyt vander voerscreven stad, gelegen, gelyc dat inder
scepenen brieve daer op gemaect van claerliker begrepen
ende syn huysvrouwe ende zelen
staet, hy de voergenoemde Jorys al nichten, allen den
selfsst:t; den voerscreven anderen Cristoffels haeffeliken ende
erffeliken goeden nemmermeer, om de voerscreven erffeliken chys
de voerscreven
van Sesse gouden Rynsgulden, die hem ende Lysbethen
vander Varent synder huysvrouwen ende des voerscreven wylen
Jans vander Varent dochter, toebehoeren, noch noch
oic om eenigen achterstel die henlieden daeraf sal
moeten verschinen aenspreken moegen noch quellen
in gheender manieren, maer sal dien erffeliken chys ende
oic den achterstel van dien, altyt hebben houden ende
heysschen, Op tvoerscreven huys met synen voerscreven toebehoerten
love ende ledich
ende zyn huysvrouwe
alleene, Quytscildende de voerscreven Jorys alle deselve
des voerscreven Cristoffele andere haeffelike ende erffelike goeden
boven genoemt van dien, geheelic ende al sonder meer
XXVIII July tempore simile
Cale, Dyest. Rommond Lyedekens ende Barble Caluwaerts syn
wyf, hebben gewilt ende openbaert voer ons voer haeren vutersten
wille geordineert ende begheert, dat Anthoenis ende Barble Lyedeken
haere kynderen, die sy deen vanden anderen vercregen hebben ende
alle dandere haere kynderen, die sy hiernamaels deen vander
anderen oic vercrigen zelen, Evengelyc ende in gelyken deele ende
porcien hebben houden ende deylen zelen, alle haere haeffelike
goeden, die na haerer beyder doot in eeniger manieren boven
haer wettige sculden costen van haeren vutvaerden ende boven
haere legaten ende makingen, overschieten ende bliven zelen, alle de
selve haere kynderen, in alle de voirgenoemde haere goeden haeren
gerechte ende eenige erfgenamen, noemende ende instituerende
den wederseggen van des voerscreven Rommonts Lyedekens voerkinderen
van synen jersten bedde ende oic den rechte vander voerscreven stad
van Mechelen desen contrarierende, niet tegenstaende, Op
alsulker condicien, dat de voergenoemde Rommond ende Balle syn wyf
oic wouden ende vuterlic begheerden, dat de voergenoemde haerer beyden
een
kynderen, na haerlieder doot ende niet eer geven zelen, desselfs
Rommonts voerkinderen van synen voerscreven jersten bedde van ende
vut allen den voerscreven haeffeliken goeden vier pond grooten
Brabants gelts eens onder hen allen voerkinderen, gelyc
te hebbene ende te deylene, daermede deselve voerkinderen
ende hen te vreden gehouden
sculdich zelen syn vut te blivene, sonder eenich recht meer
te hebbene, oft te moegen heysschene, in alle de voerscreven
haeffelike goeden, dwelke de voerscreven Rommond oic alsoe
worde ende begeerde vuterlic, Ende over ende desen wille
ordinancien ende begheerten, heeft de voerscreven Rommond Lyedekens
wederroepen ende te nieuwte gedaen, wederroepe ende
doet te nieuwte met desen bekennen vander scult van
hondert gouden Rynsgulden, dat hy tander tyden synen
den voerscreven Anthonisen ende Barblen synen nakinderen voer
scepenen van Mechelen gedaen heeft, om na syn doot
te betalene, met willende dat dat van weerden zy
XX July tempore simile
Lange, Vos. Meester Jan van Rost heeft vercocht Meester
Jan Pycot Canonick de prochie kerken van Sinte Rommonts
als executeur vanden testamente ende vutersten wille van
wylen heeren Jan vanden Kerchove priester ende Canck oic
doen hy leefde vander selver kerken, tot behoef vander
jaergetyde, dat de selve wylen heer Jan vanden Kerchove
tanderen tyden met synen voerscreven testamente, gewilt ende
geordineert heeft, ten eeuwigen dagen gedaen te wordene
inder voerscreven kerken vanden tzestigen gebroedere aldaer
thien scellinge groete Brabants gelts erffelix chys Te
heffene altyt tot twee termynen, Te wetene deen helft
daeraf opten jersten dach van februario, Ende dander
helft, opten jersten dach van Augusto, Op ende aen des
voirscreven Meester Jans van Bost huyse metten hove plaetsen
gronde etcetera gelegen over de Zacbrugge inde Vetterstrate
tusschen Jan Ghoetens des onden erven aen beyde zyde
A Doncella Johanna vander Aa, Waranderende. Opte weerde van
achtien scellingen ende drie penningen grooten Brabants gelts
erffelic, Ende op twintich gelike scellinge groote, jaerliker
lyfpensien, daer jaerlix voer vutgaende
Assignavit XVI
IIII augusty tempore simile
Borch, Dyest. Gielis de Bere, wettich soon van wylen
Jan de Bere heeft vercocht Jan de Beere, wettich soon van
wylen Peteren de Bere des voerscreven wylen Jans de Bere
broeder, doen hy leefde, tvierendeel ende alle trecht, dat
hy hadde in tvyfendeel van eenen huyse dat dair
woeningen syn metten hove gronde etcetera gelegen opte
Coremerct, tusschen thuys den Ketel geheeten toehoerende
den kynderen van wylen Rommond Ymbrecht aen deen zyde
ende Willem Cools huys aen dander zyde comende achterweerts
met eenen anderen cleynen huyse tot int Rogbroeckstraetken
A Domino Mechliniensi, Waranderende. Opten chys daer jaerlix vutgaende
Assignavit IX Rynsgulden
IX augusty