Blader door transcripties » Stadsarchief Mechelen

archieftoegang 2, inventarisnummer 951, pagina 24

selver wylen Lysbetten van Neckelbroeck, de voirscreven
Jan van Nekelbroeck zuster ende de voerscreven wylen
Barblen ende Romanen van Nekelbroeck zuster doen sy
leefde, gebleven ende verstorven syn ende die henlieden
oic byden voerscreven wylen Mathys van Boren met synen
voerscreven testamente gemaect ende gelaten is ende syn, Ende
van dien twee hondert Rynsgulden vanden voerscreven pryse
ende oic vander helft van allen den voerscreven haeffeliken goeden
hebben de voerscreven beke, Ende oic van alle tghene dat de
voerscreven bekenden vut zaken van dien ende vanden erffeliken
goeden na des voerscreven wylen Mathys van Booren ende der
voerscreven Lysbetten van Nekelbroeck syne wyfs doot gebleven
wylen
ende oic anderssins, den voerscreven executeurs daeraf in eeniger
manieren, soude moegen heysschen, hebben de selve bekende
inden name als voer Quytgesconden los vry ende ledich
den voerscreven executeurs ende alle andere dies quitancie behoeven
geheelic ende al gelovende ende den selven executeurs
de
tegen de voerscreven die sy in desen vervangen hebben ende haere
medeerfgenamen, op datter eenige andere bevonden worden
altyt scadeloes quyt te houden ende tontlaste sonder eenich
wederseggen
XVII July tempore simile
van haeren
jersten bedde
Hulst, Keyenooghe. Jan Willem van des vaders weghen
Ende heer Peter Aertens priester ende Jan Aerters syn broeder
vander moeder weghen, als momboren ende inden name
van Hefken block, wettich soon van wylen Gheerd Block
recht
ende van wylen Kathelinen Aelters synen wive ende de voerscreven
heeren Peters ende Jan Alters zuster, doen sy leefden, onder
syne jaeren te wesende, die sy by synen bynne ende volcomen
consente in hen vervangen hebben, hebben opgedragen ende
overgegeven tot behoef van Jan van Schotteputte, wylen
Jan van Schotteputte soon, weduere vander voerscreven wylen
Kathelinen Aelters, de helft vanden huysen metten gronde
ende haeren toebehoerten hierna bescreven, die den voergenoemde
heffen block, byder doot vander voerscreven vander voerscreven wylen
Kathelinen Aelters synder moeder gebleven ende verstorven
is ierst van eenen huyse metten hove gelegen tot
Neckerspoele, tegen tdrincsel aldaer over tusschen der
kynderen erve van wylen Wouter Goemans aen deen zyde
ende Lodewycx Bellaerts erve aen dander zyde, Ende van
eenen anderen huyse metten hove, gelegen aldaer inde
Rechtstrate tusschen Jan vander Tommen erve aen deen
zyde ende der weduen ende kynderen van Offle erve aen dander
zyde. A Domino Mechliniensi, Waranderende. Opten chys ende commer daer jaerlicx
vutgaende
XVIII July tempore simile
Item de voergenoemde momboren inden name vanden voerscreven hoefken
die sy by synen wille van ende volcomen consente in hen
vervinghen, hebben Quytgesconden los ende ledich, den voerscreven
Janne van Schotteputte weduere vanden voerscreven wylen Katheline
Aelters van allen den haeffeliken goeden, die den voergenoemde
heffen, byder doot vander selver wylen Kathelinen Aelters
synder moeder den des voerscreven Jan van Schotteputte, wyf
doen sy leefde in eeniger manieren, gebleven ende verstorven
moegen syn ende alle andere dies quitancie behoeven, geheelic
ende al aen dander zyde, heeft de selve Jan van Schotteputte
gelooft, te gelden ende te betalen alle de sculden, die hy ende
de voerscreven wylen Katheline Aeltens syn wyf ten tyde, dat sy
starf, sculdich waren ende de costen van haerer vutvaert
met haeren legaten ende makingen, Ende de be, die
ende te betalen
de voerscreven heffen, der voerscreven stad van veertich Rynsgulden
elken van dien tot veertich grooten Vlaems gelts gerekent
die de voerscreven momboren, tot desselfs heffene behoef bekenden
oic voer ons vanden voerscreven Jan van Schotteputte gehadt
ende ontfangen te hebbene voer den afcoop de voerscreven
haeffeliker goeden ende oic der erffeliker goeden, den voerscreven
Lyekene, by synder voerscreven moeder doot verstorven, Ende
dat hy van allen dien, den selve hebben ende den voerscreven
momboren, tegen der voerscreven stad ende elken anderen altyt scadeloes
quyt houden ende ontlasten sal, sonder eenich wederseggen
Ende daervoer heeft hy hem verbonden ende te pande geset
alle sine haeffelike gode ende erffelike goeden, bynnen etcetera gelegen
die hy heeft ende hier namaels oic hebben ende vercrigen sal
XVII July tempore simile
houdende die
# ende een eeussel
dachwant
Lange, Dyest. Alyt Noydens wedue van wylen Machiel van Horst
Ende Jan Machiel ende Gheerd van Hoest haere kynderen alle woenende
inde prochie van Eppegheem onder des hoeve van Nassou hebben
openbaerlic voer ons bekent, dat sy die vanden goidshuyse van
Bethanien, staende buyten den Wyken van deser stad in hueringen
genomen hebben, Tweentwintich dachwanden lants g, den
selven goidshuyse toebehoerende, gelegen tot Heyenbeke inde prochie
van Grymbergen, opt Wilvelt ende byde Hontstrate, den tyt ende
termyn van Neghen jaeren langh geduerende ende deen na dander
ter stont volgende, die inne gingen ende begonsten, tot Kersmisse lestleden
ende van dan voertaen zelen gedueren, den selven tyt ende termyn
Ende vut zaken van deser hueringen, hebben de voerscreven wedue ende
haere kynderen ende oic Jan vanden Bossche ende Jan vanden Vekene
oic woenende inde voerscreven prochie van Eppegheem gelooft ende
elck van hen besunder ende voer al onge de na der den recht
ende tot Mechelen bynnen de voerscreven goidshuyse te leven
te geven ende te betalen Diericken Loemans, als rentmeester ende
tot behoef vanden voerscreven goidshuyse, alle jaere, den voerscreven tyt ende
termyn duerende, altyt tot Kersmisse vierendertich veertelen
Rogs goede ende custbaere Mechelscher maten ende twaelff scellinge
gebeten Brabants gelts daeraf den jersten termyn van betalingen
syn sal tot Kersmisse naestcomende, des es in desen bevorweert
ende tondersproken, dat oft gebeurde, dat de voerscreven wedue ende haere
kynderen, den voerscreven goidshuyse niet en betaelden van jaere te jaere
de voerscreven XXV veertelen Rogs ende twaelff scellinge groete
ende sy daerinne gebreckelic waren, dat dan die vandest:t; die
vanden selve goidshuyse, tot henweerts man zelen moegen neven
tvoergenoemd verhuende lant ende eeussel ende zelen dat anderest:t; die hen
gelieven sal voert moegen verhueren sonder haer wederseggenst:t;
Ende dat de selve wedue ende haere kynderen tot haeren afscheyden
zelen sculdich zyn te laten, de elf dachwant tot braken, geackert
met eender voren ende dander elf dachwant wel gedreven ende
gene gemeest te braken ende begaert, alsoe de voerscreven wedue
ende haer voerscreven man, die voirden, Ende worde beter bevonden
dat sal hem te baten comen ende eest weghen, dat zelen syn
den voerscreven goidshuyse op achten, sonder wederseggen
XXI July tempore simile