Blader door transcripties » Stadsarchief Mechelen

archieftoegang 2, inventarisnummer 951, pagina 23

gronde ende allen anderen haeren toebehoerten, gelegen
deen neven dander achter tVleeschuys van Mechelen
tusschen der weduen van wylen Rommond vanden Steene
diemen heet Quaeyvoer erve aen deen zyde ende der
weduen ende kynderen erve van wylen Jan vanden Eynde
aen dander zyde streckende achterweerts tvoerscreven huyse
Cranenborch geheeten, tot inde Derde Vleeschouwersstrate
A Domino Mechliniensi, Waranderende. Opte weerde van twee pond grooten Brabants
gelts vuten voerscreven twee geheelen huysen met haeren
voerscreven toebehoerten jaerlix voer vutgaende
XII July tempore simile
Langhe, Dyest. Jacop Hals ende Katheline Gheraerts syn wyf
hebben gelooft ende elck van hen besunder ende voer al voer hem
haer hoir ende nacomelingen, dat sy van nu voertaen alle
jaere gulden ende betalen zelen, totten termynen in onsen anderen
brieve daer op gemaect begrepen, alsulke vier gouden Peters
elken van dien tot sessendertich grooten Vlaems gelts gerekent
jaerlix ende erffelix chys, als de voerscreven Lysbeth Sceelkens, den
voerscreven Kathelinen dochter, die sy van wylen Willem Scheelkens
vercregen heeft
haeren iersten man met Anthoenis Persoons haeren man, tot
haerer beden ende begeerten opten dach van heden voer ons op
haer Twee vyfstedeelen vanden voerscreven Twee huysen met haere
toebehoerten, daeraf deen Cranenborch geheeten is deen
neven dander achter tvleeschuys van Mechelen gelegen
wettelic vercocht heeft, Ende daeraf de voerscreven Jacop Halle
ende Katheline syn wyf de penningen daeraf gecomen gehadt
ende ontfangen ende in haeren nootorvoer bekeert hadden, alsoe
sy dat oic voer ons bekenden, Ende dat sy daeraf de voerscreven
Lysbetten Sceelkens ende de voerscreven Anthoenis haeren man
ende oic haeren hoir ende nacomelingen altyt scadeloes quyt houden
ende ontlasten zelen, sonder eenich wederseggen, Om welke
gelooften, alsoe volstentelic tonderhouden ende om der meerder
vasticheyt de voerscreven Lysbetten Sceelkens ende haeren voirscreven
man daeraf te doen, toe hebben de voerscreven acop Hals ende
Katheline Gheraerts syn wyf den voerscreven Anthonisen Persoens
ende Lysbetten synen wive daervoer verbonden ende te pande
geset alle haere haeffelike goeden waer die bevonden zelen
worden ende oic alle haere erffelike goeden metten gronde etcetera
bynnen etcetera gelegen, die sy nu tertyt hebben ende hier namaels oic
hebben ende vercrigen zelen, Ende hebben daer toe de voergenoemde
Jacop ende Katheline Gheraerts syn wyf in meerder verzekertheyden
van haeren voerscreven gelooften ende om haerer voirscreven dochter vanden
voers vercoepe te lossene, voer ons oic gewilt ende openbaerlic
geconsenteert dat de voerscreven Anthoenis Persoons ende Lysbeth
Sceelkens syn wyf ter stont na de doot van Herman diven
jaerlix hebben ende heffen zelen alle de vruchten baten ende
proften, die van comen zelen vander helft van eender hoeven
met alle haerer toebehoerten inde prochie van Leest gelegen
daeraf de voerscreven Katheline Gheraerts tochtenersse ende de voerscreven
Lijsbeth Sceelkens haer dochter erfgenaem syn, Ende dat soe lange
tot dat de selve Anthoenis ende Lysbeth syn wyf, soe vele daeraf
ontfangen zelen hebben, dat sy daermede den voerscreven erffeliken
chys vanden voerscreven vier gouden Peters metten vollen chyse
geheelic ende al gelost ende gequeten zelen hebben
ut supra tempore simile
Aert vanden Hoede
Borch, Vos, Katheline Mersselys wedue van wylen Willem
Verspeckenen, met Henrick Myleman nu tertyt haeren
man, cum tutore heeft opgedragen, haer tocht, die sy hadde in
dachtstedeel van eenen huyse metten hove ende twee cameren
ende oic metten gronde etcetera gelegen inde Cortepenningstrate
tusschen Aerts vanden Hoede erve aen deen zyde ende Daneels
Dregge erve aen dander zyde, streckende achterweerts
metten voerscreven hove, totter kynderen erve van wylen Godevaert
Yswyn. A Domino Mechliniensi, Juravit etcetera tot behoef van Willem Verspeckene
haeren soon, tot wiens behoef, Cornelis Verspeckenen syn
broeder ierst geerft waert, Ende daer naer, heeft de selve
Cornelis inden name vanden voerscreven Willem Verspeckenen
synen broeder, absent wesende, die hy in hem vervingh, hebbende
vanden selven synen broeder, om tgene te doen, dat hierna
bescreven staet volcomen macht gelyc ons dat by eender
procuracien daer op gemaect ende bezegelt metten zegel
ten zaken der voerscreven stad, claerlic bleke, vercocht, den
voerscreven Aerde vanden Hoede, tvoergescreven achtstedeel vanden
voerscreven huyse met synen voerscreven toebehoerten, waranderen opten
chys ende commer daer jaerlix vutgaende
XV July tempore simile
Katheline Messelys
Item de voergenoemde Aert vanden Hoede, debet der voerscreven
Kathelinen der weduen drie pond veerthien scellinge
groote Brabants gelts Te betalen tot twee termynen, Te
wetene, deen helft daeraf, tot haeren manissen ende dander
helft daeraf tot Kersmisse nu naestcomende, Ende daer
voer, heeft hy haer verbonden ende te pande geset, alle sine
haeffelike goeden, waer die bevonden zelen worden, Ende
oic alle syne erffelike goeden metten gronde etcetera bynnen etcetera
gelegen, die hy nu tertyt heeft ende hier namaels oic
hebben ende vercrigen sal
ut supra tempore simile
executeurs vanden
Mathyse van Boven
testamente van wile
Hulst, Vos. Jan van Nyekenbroeck diemen heet van
Heysbroeck voer henselven, Ende Jan ende Lijsbeth van Bennebeke
wettige kynderen van wylen Henricken van Beuyenbeke ende van
wylen Barblen van Neckelbroeck synen wive inden name van hen
selven ende oic inden name van Kathelinen van Beyenbeke haerer
zuster, haerer discrecien dervende, die sy in hen vervinghen, Ende
oic inden name van Kathelinen van Beryenbeke, wettighe dochter
van wylen Gheerd van Bennenbeke ende van wylen Romanen van
Nekelbroeck synen wive ende de voerscreven wylen Barblen van Nekelbroeck
zuster doen sy leefde ende van allen den anderen haeren medeplegeren
Jan Hemelryck ende Jan vander Heyden, als executeurs vanden testamente
die sy oic in hen vervinghen, hebben openbaerlic voer ons bekent
dat Meesteren Lambrecht de Poirtere docter in medicinen ende
ende vutersten wille van wylen Mathys van Boven, henlieden
dueghdelic vernueght gepaeyt ende wel gecontenteert hebben
vander sommen van Twee hondert gouden Rynsgulden, elken van
dien tot veertich grooten Vlaems gelts gerekent ende vander helft
van allen den haeffeliken goeden, die den voerscreven bekendenen ende
haeren voerscreven medeplegen, als gerechte ende eenige erfgenamen van
wylen Lysbetten van Nekelbroeck, diemen heet Peters wettigen
wive vanden voerscreven wylen Mathys van Boven, byder doot vander