Blader door transcripties » Stadsarchief Mechelen

archieftoegang 2, inventarisnummer 951, pagina 22

Marie vanden Hove
Cortryke, Keyenooghe. Laurette Cranaerts met Gielis Dierix
haeren man ende Kerstiaen de Vooght inden name
van Marien Cranaerts synen wive ende de voerscreven
Lauretten zuster, die hy in hem vervingh, hebben
Quytgesconden los vry ende ledich, Marien vanden
hove weduen van wylen Henricken Cranaert
van allen den haeffeliken goeden, die de voergenoemde
Lauretten ende Marien Cranaerts, byder doot vanden
voerscreven wylen Henricken Cranaerts haeren broeder
ende der voerscreven weduen man doen hy leefde in
eeniger manieren, gebleven ende verstorven syn ende
alle andere dies quitancie behoeven geheelic ende al
prima July tempore simile
Gielis Kerman
Borch, Vos. Pauwels tSerneels verboevende tot Berlaer
heeft gelooft ongevrydt na der divisen recht te geven ende tot
Mechelen te leveren, Gielis Kerman, oft den brenger van desen
drie pond groote Brabants gelts ende veerthien veertelen
Rogs goede ende custbare Mechelscher maten, totten Trynen hier
na volgende, Te wetene, de voerscreven drie pond groete tot Bamisse
naestcomende. Item de helft vanden voerscreven veerthien veertele
Rogge, te inde maend van meerte daer naer volgende
Ende dander helft vanden selven veerthien veertelen Rogs
inde maend van meerte daer naer oic ter stont volgende
sonder eenich wederseggen
VIII aprilis
de
Langhe, Dyest. Margriete de Busschere, natuerlike dochter
van wylen Jan de Busschere, cum tutore als eene tochtenersse, Ende Gheert
vander Schueren vanwylen Goessens vander Schueren soon, die hy
vander voerscreven Margrieten synen wive vercregen heeft als erfgenaem
hebben vercocht Jan Sarens tot behoef van Jan ende Anthoenis Sarens
synen voerkinderen vier gouden Rynsgulden van haeren acht
gouden Rynsgulden ende eenen halven, elken van dien tot veertich
grooten Vlaems gelts gerekent erffelix chys, die sy hebben, Op een
huys, dat den Zwarten Haen plach te heeten ende dat nu Spaengien
geheeten toebehoerende, den voergescreven Jan ende Anthoenis Sarens
gebroederen, gelegen aenden Steenwech van Mechelen, tusschen thuys
Henegon geheeten, toehoerende Barblen van Post, wylen Jans van
dochter
Post soe aen deen zyde, Ende thuys den Olyfaert geheeten, toehoerende
der weduen ende kynderen van wylen Arthur van Neder. A Domino Mechliniensi, Waranderendest:t;
aen dander zyde. A Domino Mechliniensi, Waranderende etcetera.
Assignavit den XXVI denier
X July tempore simile
Joes Gielevoirts
Pot Retro
dale, Vos. Jan de Schoezittere, heeft Terve gegeven Joes
Gielevoorts vettewarier, Een huys metter plaetsen gronde etcetera
gelegen tot Neckerspoele inde Rechtstrate tusschen Aerts van
Liebroeck erve aen deen zyde ende Peter Hevens erve aen dander zyde
A Domino Mechliniensi. Te besittene op eenen jaerliken ende erffeliken chys van
dest:t; eenendertich scellinge groote Brabants gelts Te betalene altyt
tot Kersmisse daeraf den jersten termyn van betalingen syn sal
tot Kersmisse naestcomende, Ende opten voerchys van acht chysgulden
daer jaerlix vutgaende, Om welke eenendertich scellinge de
voerscreven chys, alsoe te betalen ende om der meerder zekerheyt, den
voergenoemde Jan de Schoezittene, daeraf te doen, Soe heeft
de voerscreven Joese den selven Jan daervoer verbonden ende
te pande geset, zyn vierendeel van eenen huyse dat twee
woeningen syn metten gronde etcetera gelegen inde Keyserstrate
tusschen Claes de Dryvere erve aen deen zyde ende de Hofstad
aldaer aen dander zyde, met alsulker condicien, dat de voergenoemde
Joes sal moegen lossen ende quiten altyt als hem dat gelieven sal
de voergenoemde eenendertich scellinge groote des voerscreven chys, met
ve scellinge der selver grooten, tot elken male ende niet min
ende elken penning daeraf met sestien geliker penningen ende
met vollen chyse
XIIII July tempore simile
Peter ende
Langhe, Dyest. De voergenoemde Jan de Schoezittere, heeft
Terve gegeven, Peteren vanden Velde voldere, Een huys
metten hove gronde etcetera gelegen tot Neckerspoele inde
Mandestrate tusschen Rommonts de Dryvere erve aen deen zyde
ende Jan Wynants oic Wevens erve aen dander zyde streckende
achterweerts tot aen dwater vanden vesten van Mechelen
A Domino Mechliniensi. Te besittene op eenen jaerliken ende erffeliken chys van
Sesse mottoenen, elken van dien tot neghen grooten Vlaems
gelts gerekent, Ende die te betalen altyt tot Sinte Jansmisse
Ende opten voerchys van twee pond payments, daer jaerlicx
vutgaende, met alsulken gouden, dat de voerscreven Peter sal
alsoe hem dat gelieven
moegen lossen ende quiten, de voerscreven sesse mottoenen, de
voerscreven chys, tot twee malen ende anders niet, Ende elken mottoen
daeraf met sestien geliker mottoenen ende met vollen chyse
muere
Jan van he zelen
Borch, Hulst. Matheeus ende Jan van Ezelen, wettige kynderen
van Jan van zelen ende van wylen Lysbetten Kenens synen wive
Lysbeth van Ezelen, haer zuster met Jan scoliers haeren man ende
Gheertruyt van Ezelen, oic haerlieder zuster met Wouteren vander
Moelen, oic haeren man, hebben Quytgesconden los vry ende ledich
den voergenoemde Jan van Zzelen, haeren vader van allen den haeffeliken
goeden, die den voergenoemde Matheeus, Janne, Lysbetten ende Gheertruyden
van Ezelen synen kynderen, byder doot vander voergenoemde wylen Lysbetten
Kenens, haerer moeder ende desselfs Jans van Ezelen wive, den
sy leefde in eeniger manieren, gebleven ende verstorven moegen syn
ende alle andere dies quitancie behoeven, geheelic ende al
ut supra tempore simile
et Peter Persoen
priester
tot behoef vanden
broederscap van
Sinte Rommonts
bynnen Mechelen
Langhe, Dyest. Lysbeth Scheelkens, wettige dochter van wylen
Willem Sceelkens met Anthoenis Persoons haeren man, heeft
vercocht heeren Peteren Persoons priester, desselfs Anthoenis
broeder vier gouden Peters elken van dien tot sessendertich
grooten Vlaems gelts gerekent erffelix chys, Te heffene altyt
tot twee terminen, Te wetene deen helft daeraf opten jersten
dach van Januario ende dander helft opten jersten dach van julio
Op ende aen haer twee vyfstedeelen van Twee huysen daeraf
deen Cranenborch geheeten is, gelegende metten hove plaetsen