Blader door transcripties » Stadsarchief Mechelen

archieftoegang 2, inventarisnummer 951, pagina 21

Jouffrou Magriete
beghyne
vanden Bossche
beghinne
Hulst, Keyenooghe. Jouffrou Katheline sKempeneren, wettighe
dochter van wylen Jan de Kempenere ende van wylen Dignen
vanden Bossche synen wive by bywesene ende volcomen consente
van Henricken Toets haeren momboir, heeft openbaerlic
voer ons bekent dat jouffrou Margriete vanden Bossche
oic beghine, haer moeye haer goede ende rechtverdighe
Rekeninge ende bewys gedaen heeft van allen den haeffeliken
ende erffeliken goeden, die haer byder doot van haeren
voerscreven vader ende moeder ende van haerer zuster gebleven
ende verstorven syn ende van allen den penningen, die sy
daer van dien gehadt ende ontfangen heeft, Ende daer
af ende oic van al tgene, dat sy de voerscreven jouffrou
Margrieten haerer moeyen van allen dien soude
moegen heysschen, heeft de voerscreven jouffrou Katheline
Quytgesconden los vry ende ledich, de voerscreven jouffrou
Margrieten haerer moeyen ende alle andere dies quitancie
behoeven, geheelic ende al
XXI Juny tempore simile
zyn wyf
Cornelis Schat
Hulst, Keyenooghe. Joes Vrancx heeft opgedragen syn tocht, die hy
hadde in een huys oft woeninghen met eender groeter Poirter
ende met eender plaetsen voer ende met eenen hove achter, die afgetuyne
ende afgescheyden is van des voerscreven Joes ende synder kynderen hof ende
metten gebruyke van eenen putte achter aen deen zyde vanden
selven huyse staende ende oic metten gronde ende allen anderen synen
toebehoerten, gelegen inde Kerchofstrate tusschen heeren Henricx
van Orssele priester huys aen deen zyde ende de voerscreven Joes
nakinderen huys, aen dander zyde, streckende ende comende
achterweerts ter eender zyden, over den voerscreven hof met eenen
vutgange ende achterhuyse metten hove tot opte Voldershergracht
tusschen Marien Rogmans huys aen deen zyde ende
ende Jan Vekemans erve aen dander zyde Ende ter ander zyde
va over de voerscreven plaetse, met eenen weghe oft ganghe
doer een cleyn poerte, tot inde Langhe Byest, tegen tkerchof vander
prochie kerken van Sinte Jans over. A Domin beneficiaten de Zellaer
juravit etcetera tot behoef van Gielisen ende Margrieten Vrancx synen
voerkinderen ende oic tot behoef van Cornelis, Agneten, Lysbetten
Kathelinen ende Annen Vrancx synen nakinderen, die hy van wylen
Lysbetten vander Heyden synen native gecregen heeft tot wien
behoef de voerscreven Gielis tot syne ende totter voerscreven Magrieten syn synder
zuster behoef ende de momboren, totter vierscreven nakinderen behoef waerde
hierna bescreven
daerinne ierst geerft, Ende daer naer heeft de voerscreven Gielis Vrancx
voer alle syn recht ende deel vanden eenen vierendeel, Ende
Meester Peter van Cruybeke, Jan Waes diemen heet de Zeghere
ende Jorys Consaert, als momboren ende inden name vanden voerscreven
Cornelisen, Agneten, Lysbetten, Kathelinen ende Annen Vrancx, onder
haere jaeren etcetera wesende, die sy by bywesene ende volcomen consente
vander selve Agneten in hen vervingen voer dander der
voirgenoemde
vierendeelen vanden huyse, hier na bescrevenst:t; vercocht, Cornelis
s schat tot men behoef ende oic tot behoef vander voerscreven
Magrieten Vrancx synder huysvrouwen, de alle tvoergescreven recht
ende deel vanden voerscreven eenen vierendeel, Ende de voergenoemde der
andere vierendeelen vanden voerscreven huyse oft woeninghen, met
allen syne voirscreven toebehoerten, Waranderende op neghen penningen Loevens
deselve
ende twee hynnen, onsen geneden heer, vier chysgulden, den
voerscreven heeren van Zellaer, neghen scellinge Loevens den ouden
ambachte ende Twee scellinge sesse penninge Loevens, twintich
scellinge payments ende twee hynnen den Nieuwen ambachte
in Sinte Rommonts kerken, jaerlix te betalene vuten voerscreven
geheelen huyse, met allen synen voerscreven toebehoerten jaerlicx
gaende, des es in desen, tusschen de voerscreven partien ondersproke
ende bevorweert, dat den muer van des voerscreven Joes Vrancx
ende synder voerscreven kynderen anderen groeten huyse staende achter
vast aen tvoerscreven vercochte huys in deynde vander voerscreven plaetsen
sal, tusschen henlieden ende den voerscreven Cornelis Schat ende synder
voerscreven huysvrouwen ende haeren nacomelingen besittenen van
dien groten huyse, ten eeuwighen dagen gemeyn syn ende bliven
Ende dat deselve Cornelis syn huysvrouwe ende de selve haere
nacomelingen inde selven muer zelen moegen varen, altyt
als hen dat gelieven sal, soe men in gemeynen mueren sculdich
is te doen, Item dat de voerscreven Joes, noch de voerscreven de kynderen
oft oic haer nacomelingen inde selven muer vanden selven
haeren groeten huyse ter voerscreven plaetsen waert, nemmermeer ende
zelen moegen maken, noch doen maken, vensteren, oft gaten
daer die sy ter selve plaetsen waert in eeniger manieren
zelen moegen syn vutgenomen dat de verstene, staende indest:t;
onder den voer vanden dake vanden selven muer sal daer bliven
staende, met gheen yseren gheerden ende gelaes vensteren, besloten
alsoesse nu tertyt staet ende ander met hem dat oic de voerscreven
Joes, noch syn voerscreven kinderen oft haere voerscreven nacomelingen, tot
gheenen tyde gheen ander verster oft versterven inden eenen
ghevel vanden voerscreven haeren groeten huyse, staende te voerscreven weghe
oft gange waert gaende inde voerscreven Lange Byest en zelen moegen
maken, oft doen maken, dan alsulke versterven van Neghen
voeten hoeghe vander Eerden ende van acht voeten hooge vanden
solder besloten met yseren Gheerden ende met Ghelaers vensteren
datter nyemant doer en sal moegen zynen vutgenomen de
vensteren vanden Coren soldere, Item dat de Heymelicheyt
staende inden selven swech oft ganck in des voerscreven Joes ende
synder kynderen erve ende in haeren muer sal aldaer altyt bliven
staende, Ende de voerscreven Cornelis Schat syn huysvrouwe haer
nacomelingen ende haer huysen, zelen dien altyt sonder
wederseggen, paysselic ende vredelic gebruyken, Ende dat oic de
voerscreven Joes, tot des voerscreven Cornelis ende synder huysvrouwen
Vermaren, sal doen af doen, alsulken tymmeringe, als hy boven
de voerscreven cleyn poirte, staende inde voerscreven Lange Byest, heeft doen
maken, Alsoe dat die poerte van hem ende synen nacomelingen
altyt onbecoment van tymmeringen ende van metselen sal bliven
XXX Juny tempore simile
Joes Vrancx
Hulst, Keyenooghe. De voergenoemde Cornelis Schat heeft bewesen den
voergenoemde Joes Vrancx, tot sinen live veerthien gouden Rynsguldenen
ende eenen halven elken van dien tot veertich grooten Vlaems
gelts gerekent jaerliker lyfpensien Te heffene altyt tot Sinte
Jansmisse Op ende aen syn voirgenoemde huys, met allen synen voerscreven
toebehoerten, A beneficiaten de Zellaer, daer
ut supra tempore simile
voertaen hebben de voerscreven momboren inden name vanden voerscreven nakinderen
toegeseet ende gelooft, dat ende oic in desen bevorweert, dat men
inden muer vander selver kynderen huyse voerscreven staende by tvoerscreven vercocht
huys, ter selven huyse ende plaetsen waert van dien nemmermeer
verster noch versteren en sal doen maken oft doen maken, in
gheender cammere