Blader door transcripties » Stadsarchief Mechelen

archieftoegang 2, inventarisnummer 951, pagina 17

deselve
daerop ende over beyden, alsoe hem dat goetduncken sal
Ende dat de voerscreven heer Jacop Eveloege, noch oic de voerscreven
syne nacomelingen besittenen van synen voerscreven gecochten
huyse, nemmermeer en zelen maken oft doen maken
gheender hande versteren inden muer vanden selven
synen gecochten huyse staende, tot des voerscreven heeren Willems
cleynder plaetsen waert voerscreven boven de voerscreven voirt
liggende, noch oic inden muer vanden selve synen
gecochten huyse, staende tot desselfs heeren Willems
achterste plaetsen waert, van synen voerscreven anderen huyse
XIII Juny tempore simile
de jouffrou Lysbeth Dop, wettige dochter
van wylen Jan Dop beghyne, by bywesene wetene wille ende
volcomen consente van Janne van Overbeke ende van Henricken
Truyt haeren momboren, heeft by
ende van Vrouwen
Kathelinen van Cuyct
synder gesellynen
Heer Anthonis vander Aa
Ridder
Dyest, Hulst. Jouffrou Lysbeth Dogghe, wettige dochter van
wylen Jan Dogghe, beghere, met Jan van Overbeke ende Henricken
Truyt haeren momboiren, heeft by bywesene ende volcomen consente
van Gielis van Muysene, commoingmeester vander voerscreven stad
Opgedragen ende overgegeven vut zaken van wysselingen voer
zekeren erffeliken chys, tot behoef van heeren Anthoenis vander
Aa Ridder, de helft vanden erffeliken goeden metten gronde
ende haeren toebehoerten, dat hy hier na bescreven, die der
voerseyde jouffrou Lysbetten, by wylen Henricken Claes diemen
hyet vanden Dale haeren goeyheere, gemaect ende met synen
testamente gelaten in heeft van eenen wyfhuyse metten
ende alsoe hy die verten heeft
hove schueren ende stallen ende anderen me toebehoerten, gelegen
inde prochie van Hevere tot Sceplaken, tusschen des voerscreven
heeren Anthoenis erve aen deen zyde ende des Heeren strate aen
dander zyde. Item van eenen bloke geheeten dBeeckblock
houdende int geheel omtrentst:t; anderhalf buender luttel min
oft meer gelegen aldaer, tusschen des voerscreven sHeeren strate ende
de Beke geheeten den Eelevoert, aen deen zyde ende desselfs
heeren Anthoenis erve aen dander zyde, Item van eenen bloke
geheeten Snackaert, houden int geheel omtrent neghen
tvierendeel, gelegen aldaer, tusschen Peter Caluwaert erve
aen deen zyde ende des Heeren strate aen dander zyde, Een
van twee bloken, geheeten de vier buenderen houdende int
geheel omtrent vier buenderen, gelegen aldaer, by des voerscreven
Heeren strate. Item van eenen bloke geheeten Barblen block
houdende int geheel vyf vierendeel, gelegen aldaer, tusschen
der haer voerscreven heeren Anthoenis erve aen deen zyde ende
wylen heeren Godevaerts Vylain oic Ridders erve aen dander
zyde, open van eenen bloke, houdende int geheel omtrent
anderhalff buender gelegen aldaer voer tvoerscreven Wynhof, tusschen
by des voerscreven heeren Anthoenis erve ende by des voerscreven heeren
state, Item van eenen stuck lants, houden int geheel
omtrent een vierendeel, gelegen aldaer op Baerle, by Jan
vander Hayct erve, Item van eenen bloke, houdende int geheel
omtrent Sesse vierendeel, gelegen aldaer, tusschen tvoert
deselve
eeussel ende de toe eeussel een van eenen eeussel
geheeten tPeert eeussel houdende int geheel omtrent twee
buenderen ende een half, gelegen aldaer tusschest:t; by des voerscreven
Peter Caluwaerts erve scomende metten eenen eynde, tot
opte Leybeke aldaer, Item van eenen eeussel houdende int geheel
omtrent drie vierendeel, gelegen aldaer, by tvoerscreven tPeert eeussel
ende comende oic tot opte selve Leybeke, oem van eenen eeussel
geheeten tweeussel houdende int geheele eenen vierendeel
luttel min oft meer, gelegen aldaer, by des voerscreven wylen heeren
Godevaerts Vylain erve streckende oic tot opte selve Leybeke
Ende van eenen busselken, houdende int geheel, een buender luttel
min oft meer gelegen inde prochie van Muysene, tusschen der
kynderen erve van wylen Jan vanden Brande, aen deen zyde ende
de Heverheyde, aen dander zyde, comende aender weduen ende
kynderen erve van wylen Anthoenis Caluwaert. A Domino Mechliniensi, Waranderende. Opten
chys commer daer jaerlix vutgaende
XIII Juny tempore simile
Jouffrou Lysbeth daeghs
Item. De voergenoemde heer Anthoenis vander Aa ende vrouwe Katheline
Brabants gelts e erffelix chys, Te heffene altyt tot twee terminen
van Cuyct segesellyne, hebben vut zaken van wysselingen voer
andere erfgoede, gegeven ende bewesen, der voergenoemde jouffrou Lysbetten
Dogghe, Twee pond sestien scellinge ende drie penninge grooten
Te wetene deen helft daeraf tot Sinte Jansmisse ende dander helft
tot Kersmisse daeraf den jersten termyn van betalingen syn sal tot
Sinte Jansmisse naestcomende, Op ende aen alle haere erffelike ende
onberuerlike goeden metten gronde ende haeren toebehoerten, bynnen
der stad ende verheyt van Mechelen, gelegen, die sy nu ter tyt hebben
ende hier namaels oic hebben ende vercrigen zelen. A Domino Mechliniensi, Waranderende etcetera.
met alsulker condicien, dat de voergenoemde heer Anthoenis ende synen
gesellyne, den voergenoemde erffeliken chys zelen moegen altyt als
hen dat gelieven sal, ende bewysen de voerscreven jouffrou Lysbetten
op zekerst:t; andere goede ende vaste genoemde pande, bynnen der voerscreven
vryheyt gelegen daer dat haer zeker zy, Ende dat bewys alsoe
de
gedaen zelen der voerscreven heeren Anthoenis ende synder voerscreven gesellyne
erffelike goeden, boven genoemt vanden voerscreven verbande los
van ende quyt syn ende bliven, sonder eenich wederseggen
supra tempore simile
Jan de Wolff zyn
wyf
Borch, Keyenooghe. Machiel vanden Broeke bruedere, heeft
vercocht Jan de Wolff ende Lysbetten sBeckers synen wive
vive gouden Peters elken van dien tot XXXVI grooten
Vlaems gelts gerekent, erffelix chys die hy hadde, op die gelike
gouden Peters vander myten etcetera goede etcetera erffelix chys
die de selve Jan ende Lysbeth syn wyf hebben, Op een huys
metten hove gronde etcetera dat toe te hoeren plach Jan vanden
Plassche ende dat nu toehoert Jan de Weend, gelegen inde
Hanswyckstrate opten hoeck vander Bruesselstraten tusschen
de selve Bruesselstrate aen deen zyde ende Jan Smants huys
aen dander zyde. A Domino Petro de Herbaye, milite, Ende de
der voergenoemde Jans de Wolf ende syns wyfs huys, den Roeden
Hane geheeten met eenen boeken conduyte oft ghooten