Blader door transcripties » Stadsarchief Mechelen

archieftoegang 2, inventarisnummer 951, pagina 16

De voergenoemde jouffrou Margriete van Hofstaden
de wedue cum tutore heeft vercocht Joes Vrancx tot behoef
ende ten live van Kerstinen Clercx, wettigen selve van Peter
vander Bruggen cuypere ende van Clasen vander Bruggen
haerer beyder soon ende tot des langhstlevenden live van hen
beyden, drie veertelen Rogs goede ende custbaere Mechelscher
straten jaerlix lyfpachts Te betalen ende te leveren altyt tot
Kersmisse, daeraf den jersten termyn van betalingen syn
sal, tot Kersmisse naestcomende, Op ende aen der voergenoemde
jouffrou Magrieten, hoeve metten huysen schueren, hoven
wylende landen beempden gronde ende alle anderen haeren
toebehoerten, tot Hombeke in diversen plaetsen ende in
diversen parcheelen gelegen. A Domino Mechliniensi, Waranderende Calvo
Cristia et es Marien peerden, levabit
Item de voergenoemde jouffrou Margriete cum tutore heeft vercocht
den voerscreven Joes Vrancx tot behoef ende ten live van Kathelinen
vanden Bossche wylen Rommonds vanden Bossche dochter ende
van Kathelinen Vrancx haerer natuerliker dochter ende tot des
langhstlevenden live van hen beyden, Sesse veertelen rogge
goede ende custbare Mechelscher maten ende Sesse gouden Ryns
guldenen elken van dien tot veertich grooten Vlaems gelts
gerekent, jaerlix lyfpachts ende lyfpensien, Te betalen altyt
tot Kersmisse daeraf den jersten termyn van betalingen syn sal
tot Kersmisse naestcomende, Op ende aen de voerscreven jouffrou
Margrieten hoeve, met allen haeren voerscreven toebehoerten
A Domino Mechliniensi, Waranderende etcetera. Salio dictus inde Vrancx, evabit et
inde disponet
Henrick de Neve
Borch, Hulst. Katheline de Moldere, wylen Henrix de Moldere
dochter met Marck Nootens haeren man, heeft vercocht Henrick
de Meyere scoemaker, Tot behoef des goidshuyse van Lelyendale
twee gouden Rynsguldene, elken van dien tot veertich grooten
Vlaems gelts gerekent, erffelic chys, Te heffene altyt opten lesten
dach van meye, Op ende aen de voerscreven Kathelinen vier gelyke
gouden Rynsgulden oic erffelix chys, die sy heeft op de huysen
metten hoven gronde etcetera toebehoerende, Henricken, Marten
Peteren ende Barblen de Moldere, de voergenoemde Kathelinen bruederen
ende zuster, gelegen deen neven dander over de Veemarct tusschen
Jan vanden Dorpe erve aen deen zyde ende Jorys Cleynaerts
erve aen dander zyde, Ende oic op alle der selver haerer brueder
ende zuster ander erffelike goeden metten gronde etcetera ende oic haere
haeffelike goeden, bynnen ende etcetera wesende ende gelegen, die sy nu
hebben ende hier namaels oic hebben ende vercrigen zelen. A Domino Mechliniensi, Waranderende.
opte weerde van drie pond acht scellinge ende seven penningen
grooten Brabants gelts vuten voerscreven drie huysen metten hove jaerlicx
voer vutgaende
IX aury tempore simile
Jan vander Wilgen
Item. Jan de Bye Wullenwevere, heeft vercocht Jan vanden
wylghen, Een huys metten hove gronde etcetera dat Jacoppen de
Sceppere toe plach te hoeren, gelegen inde Bogaertstrate
achter tgoidshuys vanden minderbroeder, tusschen Henricke
Maes erve aen deen zyde ende Kathelinen vander Hulst
wylen Martens vander Hulst dochter erve aen dander zyde. A Domino Mechliniensi,
was op eenen chysgulden thien pond payments, eenen
ouden grooten Turnoysen ende Seven scellinge groote Brabants
gelts daer jaerlix vutgaende
Assignavit XX Rinsgulden
IX Juny tempore simile
ende
Borch, Hulst. Katheline vanden Percke, wylen Daneel vanden
Prycke dochter cum tutore heeft opgedragen ende overgegeven tot
behoef van Beatris vanden Percke haerer moeyen, de haer
helft van eenen stuck lants oft blocx, houdende int geheel
omtrent een buender, gelegen tot Hombeke inde Cleyn Zypstrate
tusschen der weduen ende kynderen erve van wylen Andries
vanden Percke aen deen zyde ende der kynderen erve van wylen
Cornelis van Dormale, aen dander zyde, van welken stuck
lants oft blocx, dander helft der selver Beatris toebehoert
A Domino Mechliniensi, Waranderende. Opten chys ende commer daer jaerlix vutgaende
ut supra tempore simile
Heer Jacop Eveloge erve
Rogge, Rende. Heer Willem van Coudenberge priester, heeft vercocht
heeren Jacoppen Eveloege, oic priester, Een huys met eender voirten
wesende ende liggende, onder des voerscreven heeren Willems cleyn plaetse, die
voer syn ander huys aldaer heet ende oic metten gronde etcetera gelegen
achter den voeren van Onser Liever Vrouwen prochien bynnen Mechelen
by tkerchof van dier kerken, tegen den borreputte aldaer over in
een cleyn straetken, geheeten de Corte Nieuwstrate gaende ter
Hooghstraten waert, tusschen de voerscreven heeren Willems ander huys
voerscreven daer hy nu in woent, aen deen zyde ende des voerscreven heer Jacops
ander huys daerinne hy oic nu in woent, aen dander zyde. A Domino Mechliniensi, Waranderende.
opte weerde van thien scellingen grooten Brabants gelts vuten voerscreven
vercochten huyse ende vut des voerscreven heeren Willems cleynder plaetsen
voerscreven jaerlix gaende, welke thien scellinge der selver groeten heeft
de voerscreven heer Jacop gelooft voer hem ende syne nacomelingen besittenen
van synen voerscreven gecochten huyse van nu voertaen alle jaere, ten
eeuwigen dagen te gelden ende te betalen, tot alsulken terminen, als die
jaerlix vallen zelen, Ende daeraf den voerscreven heeren Willem ende oic synen nacomelingen
besittenen van synen voerscreven anderen huyse ende van synder voerscreven cleynder
plaetsen altyt scadeloos quyt houden ende ontlasten sonder eenich wederseggen
Om welke gelooften alsoe tonderhouden ende om der meerder zekerheyt
den voerscreven heeren Willem daeraf te doen, Soe heeft de voerscreven heer
Jacop Eveloege, de selven heeren Willem daervoer verbonden ende
te pande geset syn voerscreven gecochte huys met synen voerscreven toebehoerten
met alsulker condicien in desen bevorweert ende onderspreken, dat de
voerscreven heer Willem noch oic syne voerscreven nacomelingen besitten van sinen
voerscreven anderen huyse tot gheenen tyde ende zelen moegen, niet tymmeringen
Metteleren oft anderssins belasten, de voerscreven cleynen plaetse, dat daeraf
der voerscreven voirten, daer onderliggende eenich synder oft achterdeel
sal moegen comen, Ende dat de selve heer Willem ende oic deselve syne
nacomelingen, alle tegen ende tween water vallende ende comende
achterweerts vanden voerscreven huysevercochten huyse ende vanden slaper
daerop liggende ontfangen zelen, op des voerscreven heeren Willem achterste
plaetse van synen voerscreven anderen huyse, daer hy nu in woent, Ende dat