Blader door transcripties » Stadsarchief Mechelen

archieftoegang 2, inventarisnummer 951, pagina 18

daer doer dwater, datmen vuter Delen put
synen loop ende ganck heeft, tot int voerscreven huys
dat een bruwerie is ende oic metten hove gronde
ende anderen synen toebehoerten, gelegen in Onser
Vrouwen straten tusschen Godevaerts van onder
ende Barblen Lyedekens syns wyfs huys, aen deen
zyde ende Jan Vleming huyse aen dander zyde
A domicella Johanna vander Aa, Waranderende etcetera
XVIII Juny tempore simile
Cristoffel Goes
oft van Sesse gouden
Rynsguldenen ende
eenen halve
elken van dien
tot vive scellinge
der voerscreven Groeten
Brabants
Borch, Keyenooghe. De voergenoemde Jan de Wolf ende
terve gegeven
Lysbeth sBeckers syn wyf, hebben vercocht Cristoffel
twee bruedere ende Barblen vander Heyden synen wive
tvoergenoemde huys den Roeden Hane geheeten metten gronde
ende allen synen voerscreven toebehoerten, A Domicella
Jehanna vander Aa. Te besittene, Op eenen jaerlik
ende erffeliken chys van twee pond ende twaelfst:t; thien
betalene
scellinge groote Brabants gelts, Te heffene altyt
tot twee termynen, Te wetene, deen helft daeraf
tot Kersmisse ende dander helft tot Sinte Jansmisse
Ende opten voerchys van Sesse scellingen Loevens
twee pond paymente ende vander helft van
twintich scellingen grooten Brabants gelts daer jaerlicx
vutgaende, Ende oic op alsulken voer last dat tselve
huys den Roeden have, metten selven syne toebehoerten
onderpant is ende bliven sal, voir dander helft vanden
voerscreven twintich scellingen groeten vut des voerscreven
Godevaerts ende syns wyfs huyse voerscreven jaerlicx oic
gaende, met alsulker condicien, dat de voerscreven
Cristoffel ende Barble syn wyf sculdich zelen syn
te quitene ende te lossene, de vyftien scellinge grooten
Thys
vanden voerscreven twee pond ende twaelfst:t; scellinge der
selver groeten, bynnen twee jaeren tyts naestcomende
ende elken penning daeraf, met sestien gelyker
penningen ende met vollen chyse
Assignavit VI Rynsgulden den XX
ut supra
allen den ghenen die deselven zelen synen Jan vander Hulst ende
Gielis de Vos, cepenen van Mechelen Calut met kennissen der
waerheyt wy doen te wetene, dat opten dach van heden voer
onse pren persone, geweest heeft, Wouter tSermartens huyvetter
Ende heeft vuten vryen wille by bywesene ende volcomen consente
van Kathelinen vanden Dorpe, synen wive behoudelic nochtan
der selver Kathelinen in allen desen haeren recht voir syn
testament ende vutersten wille geordineert gemaect ende gesloten
de makingen, pointen ende ordinancien hier naer volgende, de
welke hy woude ende vuterlic begheerde, dat overbrekelic na
syn doot onderhouden voldaen ende tot volcomeliker executien
by synen executeurs hier naer genoemt gestelt ende gevueght
worden, inden jersten heeft de voergenoemde Wouter tSermartens
gewilt ende begheert, dat alle syne wettige sculden metten
costen van synder vutvaert, ierst ende voer al van allen synen
gereetsten goeden betaelt worden, de, Ende datmen opten
dach van synder vutvaert voer synder zyelen zalicheyt, geven
sal den ende distribueren den armen eysschen, om de myne
goede, dertich scellinge groote Brabants gelts eens, Ende oic
dat syne executeurs terstont na syn doot, zelen doen doen ende
celebreren, in elke vanden drie bydenden ordenen bynnen
Mechelen, Een dertichste ende elken van dien bredenen, daervoer
geven, Eenen scellinge ende Sesse penninge groote Brabants eens
daer naer, heeft de voergenoemde Wouter tSermartens gemaect, beset
ende gelaten, tgene dat hierna bescreven staet ierst voir syn
onrechtveerdich goet, op dat hy eenich hadde, der kerken van
Onser Liever Vrouwen van Cameryck voer deen helft ende de
fabriken vander prochie kerken van Sinte Rommonts bynnen
Mechelen voer dander helft, vive scellinge groote Brabants eens
Item synen over ende onder prochiaen vander prochie kerken
daer hy op synen sterfdach woenen sal, te samen vive scellinge
groote Brabants eens. Item Peteren, Anthoenis ende Adriaen
tSermartens synen natuerliken kynderen, te wetene elken van hen
drien, een pond groote Brabants gelts eens, Ende Augustinen
Lysbetten, Kathelinen ende Margrieten tSermartens synen wettigen
kynderen die hy van wylen Lysbetten vanden Wouwe, synen
jersten wive vercregen heeft Te wetene oic eenenyegeliken
van hen vier kynderen, Een pond groote Brabants gelts eens
met welken vier ponden der selver groeten, de voergenoemde Wouter
tSermartens woude ende voer synen vutersten wille begheerde
dat de selve Augustyn, Lysbeth, Katheline ende Margriete synen
voerkinderen te vreden syn ende bliven zelen, sonder eenich
recht m oft deel meer te hebbene, oft te moegen heysschene
in eenighe haeffelike oft erffelike goeden, waer die bevonden
zelen worden, die na syn doot in eeniger manieren zelen bliven
alle deselve syne voerkinderen, daeraff vutsluytende, ende geheelic
ende al van dien priverende, om der navolgender Redenen wille
die was, alsoe hy seyde, dat de voerscreven syne voerkinderen, als sy vanden
de haeffelike goeden, henlieden gebleven ende verstorven byder
doot vander voergenoemde wylen Lysbetten vanden Wouwe, haerer
moeder, tegen den voerscreven haeren vander verdeylt ende verscheyden waer