Blader door transcripties » Stadsarchief Mechelen

archieftoegang 2, inventarisnummer 951, pagina 15

Ende van dien thien gouden Rynsguldenen ende vanden
voerscreven Eenen gouden Rynsgulden der voerscreven lyfrenten
heeft de voerscreven Jan vander Tommen inden name als voer
Quytgesconden los vry ende ledich, den voergenoemde Wouteren
de Belzere, syn voerscreven huys metten hove ende alle andere
dies quitancie behoeven
IIasupra uny tempore simile
hur van Beemen
Burch, Voesdonck. De voergenoemde Wouter de Belzere heeft vercocht
Henricken van Beemen wullen weve, tvoergenoemde huys metten
hove gronde, gelegen inde voerscreven Vooghstrate, tusschen
tusschen Claes van Hasselt diemen heet Smout erve aen
deen zyde ende Henrick Lauwaerts erve aen dander zyde
Magriete Licx Conen, Waranderende opte weerde van elf
scellingen ende drie penningen grooten Brabants gelts erffelic
ende op drie gouden Rynsguldenen, elken van dien tot
veertich grooten Vlaems gelts gerekent jaerliker lyfrenten
staende ten live van Jan vander Toren ende van Lysbetten
Hoens synen wive ende tot des langhstlevende live van hen
beyden, daer jaerlix vutgaende
Assignavit XXXVII Rynsgulden
ut supra tempore simile
Meere Cornelis Kerman
Dyest, Hulst.
Item Cornelis Rogman, heeft gewilt ende openbaerlic voer ons
geordineert voer synen vutersten wille, dat Cornelis Paste
man ende Katheline Rogmans synen kynderen, die hy van wylen
gelyken deele ende porcie hebben houden ende aenveerden zelen
Lysbetten Croots synen wive vercregen heeft, Evengelyck ende in
alle sine haeffelike goeden, waer die bevonden zelen worden
die na syn doot boven syne wettighe sculden costen van synder
vuttaert ende boven syne legaten ende makingen, overschieten
ende bliven zelen, de selve syne kynderen, daerinne alleene
syne gerechte ende eenige erfgenamen noemende ende instituerende
den wederseggen van iemande niet tegenstaende
VIII Juny tempore simile
ende zyn wyf
Jan van Wielenbeke
Langhe, Dyest. Jan de Wytte ende Lysbeth Rutsaerts syn
wyf, hebben vercocht Jan van Wyelenbeke ende Marien
ghenen synen wive, Een huys met eenen cleynen hove
gronde etcetera gelegen buyten de Hanswyckpoerten inde
Rechtstrate, tusschen desselfs Jans van Wyelenbeke erve
aen deen zyde ende Aert vander Elst erve aen dander zyde
A domicella Johanna vander Aa, Waranderende. Op eenen chysgulden
daer jaerlix vuytgaende
Assignavit XI Peters
supra tempore simile
Jan vander Hulst
Lange, Rende Katheline van Beemen, met Aert vander Hulst
haeren man, heeft vercocht Jan vander Hulst onsen
medescepen, Twee gouden Rynsguldenen, elken van dien
tot veertich grooten Vlaems gelts gerekent erffelix chys
die h sy hadde, op een huys metten hove gronde, toehoerende
Janne Cools ende sinen kynderenst:t; van Hamme, diemen heet Cools
ende synen kynderen, gelegen inde Kerchofstrate tusschen Jan
Bruyninck erve aen deen zyde ende Jan Gilsmans wullewever
he erve aen dander zyde, streckende achterweerts metten
voerscreven hove doer een doene, over een straetken totter
Voldershergracht, A conventu de Lelyendale, op Seventhien
oude groote Turnoysen, drie capuynen ende neghen pond acht
scellinge payments daer jaerlix voer vutgaende, Ende op een
huys metten gronde etcetera, den voerscreven Jan van Hamme ende synen
kynderen toehoerende gelegen inde Naustrate, tusschen der
weduen ende kynderen erve van wylen Jan de Ruysschere, aen
deen zyde ende een cleyn straetken gaende totter Delen, aen
dander zyde op eenen capuyn ende thien chysgulden daer
jaerlix voir vutgaende. A Domicella Johanne vander Aa
VII Juny tempore simile
Aert vander Hulst
de
Hulst, Keyenooghe. Willem Willems heeft vercocht Aert
vander Hulst ende Kathelinen van Beemen synen wive, Een huys
metten hove gronde etcetera gelegen inde Jeudestrate opten hoeck
vander Kerchofstrate tusschen de selve Kerchofstrate aen
deen zyde ende Meester Jans vander Straten erve aen deen
zyde ende Jan vanden Gouberge ende synder kynderen erve aen dander
zyde, A conventu de Lelyendale, waranderende, op eenen gouden Peters
elken van dien tot XXXVI grooten Vlaems gelts gerekent daer
af de vier gouden Peters van dien, ter quitingen staen, met twee
Peter tot elken male ende elken van dien Peters met sestien
geliker peters ende met vollen chyse, daer jaerlix vutgaende
Assignavit XL Peters
supra tempore simile
Jouffrou Magriete
van Hofstaden
Borch, Hulst. Jouffrou Marie Lane diemen heet Cornelis van
Scaepenissen met Meester Jacop vander Crommen docteur in medicinen
haeren man, heeft opgedragen ende overgegeven, tot behoef van jouffrou
Margrieten van Hofstaden weduen van wylen Jan Kerman, alsulke
neghen veertelen Rogs Mechelscher maten ende sesse gouden Rynsgulden
elken van dien tot veertich grooten Vlaems gelts gerekent jaerlicx
lyfpachts ende lyfpensien, als deselve jouffrou Margriete tanderen tyden
der voerscreven jouffrou Marien, tot haeren live gegeven ende op haeren
hoeve metten huysen schueren, hoven wynnende landen beempden
gronde ende allen anderen haeren toebehoerten, tot Hombeke in
diversen plaetsen ende in diversen percheelen gelegen
wettelic bewesen heeft. A Domino Mechliniensi, Waranderende etcetera.
IX Juny tempore simile