Blader door transcripties » Stadsarchief Mechelen

archieftoegang 2, inventarisnummer 951, pagina 14

derfgenamen van
wylen jouffrou
Machtilden vanden
poorten
Hulst, Keyenooghe. De voergenoemde Philips ende Joes vanden Eede gebroederen
hebben openbaerlic bekent, dat de voergenoemde Henrick vander Poorten
Lodewyck van Heffene, Cristoffel Gheerd ende Peter Speelberch
als erfgenamen van wylen jouffrou Machtilden vander Poorten
hen wel ende trouwelic gecontenteert gepaeyt ende te vreden
gestelt hebben, van allen alsulken haeffeliken goeden, als den
voergenoemde gebroederen, byder selver wylen jouffrou Machtilden syn
haerer ouder moeyen d met haeren testamente gemaect
ende gelaten heeft, Ende daeraf ende oic vander sommen van
syn
Brabants gelts, die sy vut zaken vanden voerscreven haeffeliken goeden
acht ponden negenthien scellingen ende sesse penningen grooten
bekenden vanden voerscreven erffgenamen gehadt ende ontfangen
te hebbene, hebben de voergenoemde gebroederen Quytgesconden
los vry ende ledich, den selven erfgenamen ende alle andere dies
quitancie behoeven geheelic ende al
VII Juny tempore simile
Jan Andries
Item Jan Smet, willen wevere, heeft vercocht Jan Adriaene
wettich soon van Diericken Adriaen Twee gouden Ryns
guldenen ende eenen halven, elken van dien tot veertich
grooten Vlaems gelts gerekent erffelix chys die hy hadde op
des voerscreven Jan Adriaens vierendeel van Twee huysen metten
hoven ende met eenen anderen huyse daer achterstaende ende oic
metten gronde etcetera geheeten den Groeten enden cleynen
Wildemans, gelegen deen neven dander aenden Steenrecht
van Mechelen tegen der scepenen huys aldaer over, tusschen
Henrick Huens erve aen deen zyde ende Jan van Ryemen
erve aen dander zyde, voir welken erffeliken chys, des voerscreven
Jan Adriaens vierendeel van eenen anderen huyse oft woeningen
metten plaetsen hove ende synen toebehoerten inde Nieuwen Bruel
gelegen, tusschen des goidshuys van Sinte Machiels erve aen
deen zyde ende Jan Stuers ende synder kynderen erve aen dander zyde
oic verbonden ende tonderpande sto. A Domino Mechliniensi, Waranderende etcetera.
ut supra tempore simile
Jan Smet
Langhe, Hulst. Anthoenis Adriaens wettich soon van Diericken
Adriaens, by consente vanden selven Diericken synen vader, heeft
vercocht den voerscreven Janne Smet, wullen wevere, Sesse gouden
Rynsguldenen, elken van dien tot veertich grooten Vlaems
gelts gerekent erffelix chys, Te heffene altyt opten sevende
dach van junio, Op ende aen des voergenoemde Anthoenis vierendeel
vanden voergenoemde Twee huysen met haeren voerscreven toebehoerten, deen
neven dander aende voerscreven Steenwech gelegen, de vanden voerscreven
huyse oft woeningen met synen voerscreven toebehoerten inden voerscreven
Nieuwen Bruel gelegen, Ende van twee huysen metten hove
gronde etcetera gelegen oic deen neven dandere inde Beghinenstrate
tusschen Jan Ghoetens erve aen deen zyde ende Henricx Relmans diemen heet
erve aen dander zyde, Ende op alle dandere des voergescreven Anthoenis
erffelike goeden metten gronde etcetera bynnen etcetera gelegen, die hy nu
tertyt heeft ende hier namaels oic hebben ende vercrigen sal. A Domino Mechliniensi,
Waranderende opte weerde van elff scellingen grooten Brabants gelts vuten
voerscreven twee jersten huysen met haeren voerscreven toebehoerten, opte weerde
van vierentwintich gelike scellingen groeten vuten voerscreven geheeten
tweeden huyse oft woeningen met synen voerscreven toebehoerten, op deen
chysgulden vuten voerscreven twee derden huysen, met
haeren voirscreven toebehoerten, Ende op drie gouden Ryns
gulden vanden voerscreven pryse vut des voerscreven Anthoenis
vierendeel van allen den selven huysen jaerlix voer
vutgaende
VII Juny tempore simile
Claes van Bost
Lange, Hulst. Jan Daems diemen heet Maegh
Voldere ende Margriete vander Berct syn wyf, hebben vercocht
Claes van Rost ende Aert Coeman, als geswoerene ende tot
behoef vanden ambachte vanden Vettewariers twee gouden
Rynsgulden elken van dien tot veertich grooten Vlaems
gelts gerekent erffelix chys, Te heffene altyt opten
sevenden dachwan junio Op ende aen haerlieder twee
huysen metten hove neven deselve huysen ende met eenen
duyfhuyse, achter deselve huysen liggende, die wylen jouffrou
Matheit vander Poerten, toe plagen te hoeren, gelegen
deen neven dandere buyten der Zantpoorten, opt Zants
tusschen Jan Ghoetens erve des ouden erve aen deen zyde
ende der taflen des Heylichs Geests erve van Sinte Peters
prochien ende Jan Suls Schuere aen dander zyde, comende
achterweerts tot desselfs Jan Ghoetens erve opte weerde
van vierentwintich groeten ende neghen myten Brabants gelts
daer jaerlix voer vutgaende, Ende op haerlieder drie huysen
metten hoven gronde etcetera deen neven dander tot Neckerspoele
inde Mandestrate gelegen, tusschen Jans van Hevere erve
aen deen zyde ende Willeme van Bynnenbeke hof aen dander
zyde, op Sesse chysgulden, twee capuynen, een hynne ende
drie pond thien scellinge payments erffelic chys, Ende op
twee gouden Rynsgulden, vanden voerscreven pryse lyfpensie
staende ten live van Janne ende jouffrou Kathelinen Schoefs
natuerliken kynderen van wylen Jacoppen Schoefs ende tot des
langhstlevenden live van hen beyden, daer jaerlicx oic voer
vutgaende. A Domino Mechliniensi, Waranderende etcetera voertaen, hebben de voergenoemde
Jan Daems ende Margriete syn wyf, geloeft ende den voerscreven
geswoerenen toegeseet dat sy he in thien jaeren
tyts nu naest toecomende, den voerscreven erffeliken chys
van twee gouden Rynsgulden vanden negeenssen
quiten noch lossen en zelen, den statute daeraf ter
contrarien geordineert niet tegenstaende
ut supra tempore simile
Wouter de behore
Borch van Jan vander commen inden name van hem selven ende oic
inden name van Lysbetten Loens synen wive, die hy in hem vernueght
heeft bekent, dat hy gehadt ende ontfangen heeft van Wouteren de Belzere
van vier vanden vier gouden Rynsguldenen vanden voerscreven pryse
thien gouden Rynsgulden elken van dien tot veertich grooten Vlaems
gelts gerekent voir de lossinge ende quitinge van eenen gouden Rynsgulden
jaerliker lyfrenten, die de voerscreven Jan ende Lysbeth syn wyf tot haeren
liven ende tot des langhstlevenden live van hen beyden hebben, op des
voerscreven Wouters huys metten hove gronde etcetera gelegen inde Vooghstrate
in Sinte Peters prochie tusschen Claes van Hasselt, diemen heet Smout
erve aen deen zyde ende Henrick Lauwaerts erve aen dander zyde