Blader door transcripties » Stadsarchief Mechelen

archieftoegang 2, inventarisnummer 951, pagina 13

Jan vanden Breyne ende
zyn wyf
Jan vanden Breyne ende jouffrou Lysbetten de Moor
diemen heet inden Palmboem synder huysvrouwe
Een stuck beempts metten gronde etcetera houdende omtrent
een halfbuender gelegenst:t;st:t;
gelegen blect, gelegen tot Gheerdegheem, byde
Boesbrugge, tusschen der voerscreven jouffrou Lysbetten de
Moor beempt aen deen zyde ende des huys vanden
Yekenlieden erve aen dander zyde. A Domino Mechliniensis. Te
besittene op eenen jaerliken ende erffeliken chys van
Twee gouden Peters elken van dien tot sessendertich
grooten Vlaems gelts gerekent, Te heffene altyt tot
Kersmisse daeraf den jersten termyn van betalinge
syn sal van Kersmisse naestcomende, over een jaer
daer naer terstont volgende, Ende sonder eenigen
last van voerchyse, daer jaerlix vutgaende
Om welke twee Peters des voerscreven chys, alsoe te
betalene ende om der meerder zekerheyt den voergenoemde
gasthuyse, daeraf te doen, Soe heeft de voerscreven
jouffrou Lysbeth de Moor metten voerscreven Jan haeren
zuster
man, die voergenoemde vrouwest:t; Lysbetten, tot des voerscreven
gasthuys behoef, daervoer verbonden ende te panden
geset haer stuck beempts de Bleect geheeten metten
voerscreven
gronde etcetera gelegen aldaer, tusschen der huys vanden
Zyeken lieden erve aen deen zyde ende des voerscreven
gasthuys erve, aen dander zyde, op twee
penninge Loevens daer jaerlix voir vutgaende
prima Juny tempore simile
Jan Andries
Hulst, Vos. Jan vander Zennen, wettich soon van Peteren
vander Zennen, heeft vercocht Jan Andries pasteybeckere
elken van dien tot veertich grote Vlaems gerekent
acht gouden Rynsgulden erffelic chys die hy hadde op een
huys met eenen anderen huyse daer achter staende ende oic
metten gronde etcetera dat den voerscreven Janne vander Zennen toehoirde
ende dat nu den voerscreven Jan Andries toebehoert gelegen achter
streckende achterweerts tot Lambrechte Percke hys. A Domino Mechliniensi, Waranderende.
tVleeschuys van Mechelen opten hoeck vander jerster
Vleeschouwersstrate, tusschen de selve strate aen deen zyde
ende wylen Peters van Walem huys aen dander zyde
IIa Juny
Pot Retro
Jan Nouts
Hulst, Keyenooghe. Aert Nouts wettich soon van wylen Jan Noute
heeft vercocht Jan Nouts natuerlic soon vanden selven wylen
ende Barblen de Rycke synen wive
Jan Nouts, Een huys metten eender plaetsen oft thuys voer
ende met eenen hove achter tselve huys liggende, gelegen buyten
den Wykete van Mechelen opte Dele tusschen der weduen ende
erfgenamen erve van wylen Peteren van Muysene, aen deen zyde
ende Jans van Muysene erve aen dander zyde. A Domino Mechliniensi, Waranderende. Op
Twee chysgulden, daer jaerlix vutgaende
Assignavit XL Rynsgulden
VII Juny tempore simile
Pot Rets
Aert Nouts
ende Barble syn wyf hebben
Hulst, Keyenoege, De voergenoemde Jan Nouter heeft bewesen, den voergenoemde
Aert Nouts tot synen broeder, tot men live ende oic tot behoef ende
van ten live van heer Cornelis Nouts priester, synen soon
ende tot des langhstlevenden live van hen beyden, thien gouden
Rynsgulden, elken van dien tot veertich grooten Vlaems gelts
gerekent jaerliker lyfpensien, Te heffene altyt tot twee termynen
Te wetene deen helft daeraf, opten tot Kersmisse ende dander
helft tot Sinte Jansmisse daeraf den jersten termyn van betalinge
syn sal, tot Kersmisse naestcomende, Op ende aen syn voirgenoemde huys
met synen voerscreven toebehoirten. A Domino Mechliniensi, Waranderende. ut supra met alsulker
condicien dat de voergenoemde Jan ende syn wyf zelen moegen lossen ende
quiten altyt als hen dat gelieven sal, de voergenoemde thien gouden Ryns
gulden des voerscreven chys, met drie van dien guldenen tot elken
male ende niet min ende elken van dien, met thien gelyker guldenen
ende met volder renten, halve den Arnoldus Nouts, de vitale
pensien percepiet et Lauwers
VIIIa Juny tempore simile
de
de
priester
Peter Henrick Tuck
de
Langhe, Vos. Derthem, Vlemings, diemen heet Blocx cum tutore
heeft opgedragen ende overgegeven, tot behoef van heeren Henricken
Tucbake priester, Een huys metter plaetsen gronde etcetera daer inne sy
niet lange geleden vanden selven heeren Henricken gegoet ende geerft is
gelegen opt kerchof vander prochie kerken van Sinte Peters tusschen
der weduen ende kynderen erve van wylen Jan vanden Weerde, aen
deen zyde ende de Cluyse aldaer aen dander zyde, streckende achterweerts
metten eenen eynde tot Andries Mylemans erve toe. A Domicelle
Johanna vander Aa, Waranderende etcetera
I juny tempore simile
neghe
de lands
Hulst, Keyenooghe. Henrick vander Poorten ende Lodewyck van Heffene
voer hen selven Cristoffel Speelberch wylen Jacops Speelberchs ende wylen
Cristinen vander Poorten syns wyfs ende des voerscreven Henricx zuster, doen
sy leefde wettich soon inden name van hem selven ende oic inden name
van Gheerde Speelberchs synen broeder, absent wesende, die hy in hem
vervingh, Ende Philips vanden Eede ende Joes vanden Eede wettige kynderen
van wylen Meesteren Janne vanden Eede ende van wylen jouffrou Lysbetten
van Heffene synder huysvrouwen ende des voerscreven Lodewycx van Heffene
zuster doen hy oic leefde, Ende oic de voerscreven Henrick Lodewyck, Cristoffel
Philips ende Joes inden name van Peteren Speelberchs des voergenoemde
buyten lants wesende die
Cristoffel ende Gheerde Speelberchs broeden diemen heet
sy in hen vervingen, hebben vercocht Jan de Maegh voldere, Twee
huysen metten hove neven deselve huysen ende met eenen duyfhuyse
achter deselve huysen liggende, st:t; die wylen jouffrou Machtelden
vander Poorten toe plagen hoeven ende die den voergenoemde vercoeperen
als haer rechte erfgenamen
by haerer doot gebleven ende verstorven syn, gelegen deen neven dander
buyten de Zantpoorte opt Sant tusschen Jan Ghoetens des ouden eene
aen deen zyde, der taflen des Heylichs Geests erve van Sinte Peters
prochien ende Jan Suls Schuere aen dander zyde, comende achtweerts
tot desselfs Jan Ghoetens erve. A Domino Mechliniensi, Waranderende. Opte weerde van vierentwintich
goeten ende neghen myten Brants gelts daer jaerlycx vutgaende
Assignavit XXXII croenen
VII Juny tempore simile