Blader door transcripties » Stadsarchief Mechelen

archieftoegang 2, inventarisnummer 951, pagina 12

Idem
Lange, Vos. Jan Bartelmeus ende Henrick van Boechout
wettighe kynderen van wylen Henricken van Boechout, hebben
vercocht, den voerscreven Jan van Hoevorst, tvierendeel oft
een luttel min, alsoe hen dat by wylen Andries van Boechois
diemen heet Prick haeren oem gebleven ende verstorven is
dwelck sy hadden int voirgenoemde huys de Croene geheeten
met allen synen voirgenoemde toebehoerten, over de voerscreven Corenmarct
inde voerscreven Hooghstrate gelegen. A Domino Mechliniensi, Waranderende. Opte weerde van
Eenentwintich scellingen grooten Brabants gelts vuten voerscreven
geheelen huyse met synen voerscreven toebehoerten jaerlix gaende
Ende oft daer min vutgange, dat sal den voerscreven vercoeperen
te baten comen
XX may tempore simile
Jan van Boechout
Item de voergenoemde Jan van Hoevorst, heeft bewesen den voergenoemde
Jan van Boechout, diemen heet Prick in dander zyde genomen
Twintich scellinge groote Brabants gelts erffelix chys Te heffene
alhier
altyt opten jersten dach van junio vutgenomen den jersten
dach van Junio nu naestcomende, op ende aen syn voerscreven huyse
metten hove gronde etcetera, de Croene geheeten, ende andere zyde
hiervoer bescreven. A Domino Mechliniensi, Waranderende ut supra
ut supra tempore simile
de liberys de Beckere
es Barbara Giel
Item de voerscreven Jan van Hoevorst heeft bewesen, den voerscreven
Gielisen ende Henricken de Beckere gebroederen, tot haeren behoef
ende oic tot behoef van Janne, Kathelinen, Magrieten Thorien
Dignen ende Lysbetten de Beckere haeren broeder ende zusteren
Ende oic tot behoef van Barblen Goessens, wettige dochter van
wylen Diericken Goessens ende van wylen Barblen de Beckere
synen wive ende der voerscreven broederen ende zusteren de Beckere zuster
doen sy leefde achtien scellinge groote Brabants gelts erffelicx
chys, Te heffene, gelyc voir, Op syn voerscreven huys met synen
voerscreven toebehoerten, de Croene geheeten. A Domino Mechliniensi, Waranderende. ut supra
ut supra tempore simile
Barbele
heboem
Katheline van
Item de voerscreven Jan van Hoevorst, heeft oic bewesen Jan de Barber
ae tot behoef vanden voerscreven Katheline vanden st:t; hyboer
Jans vander Ramen wive, achtien scellinge groote Brabants
gelts erffelix chys Te heffene, gelyc voir, Op syn voerscreven
huys de Croene met synen voerscreven toebehoere A Domino Mechliniensi, Waranderende.
ut supra
ut supra tempore simile
de kinderen van wylen
Everaert de Ste
Borch hoeven, Jan Barbier, tot behoef vander weduen ende
kynderen van wylen Everaert de Sluytere, heeft verreyct, Een huys
Rane geheeten metten gronde etcetera
ut supra
Jacop Loot
Langhe, Vos. De voirgenoemde Jan van Hoevorst, heeft vercocht
Jacop Loot tot synen live, thien gouden Peters elken van
dien tot XXXVI grooten Vlaems gelts gerekent, jaerliker
lyfpensien, Te heffene altyt tot twee termynen, Te wetene
deen helft daeraf opten jersten dach van November
Ende dander helft, opten jersten dach van Meye, Op
ende aen des voirgenoemde Jans huys metten hove, gronde etcetera
^
de Croene geheeten, dat wylen Andries van Boechout
diemen heet Prick toe plach te hoeren, gelegen over de
Corenmarct inde Hooghstrate tusschen Jan Marchants
erve aen deen zyde ende Jan Vermans diemen heet
Magermans erve aen dander zyde, streckende achterweerts
metten voerscreven hove doer een poerte, tot inde Oudegheem
strate. A Domino Mechliniensi, Waranderende. Opte weerde van Eenentwintich
scellingen ende sesse penningen grooten Brabants daer jaerlicx
voer Ende op twee pond sestien scellinge der selver
groeten daer jaerlix voer vutgaende, Ende op alle daer
voergenoemde Janne haeffelike goeden, waer die bevonden zelen
worden, die hy nu tertyt heeft ende hier namaels oic
hebben ende vercrigen sal
XXII may tempore simile
Henrick Balleman
Hulst, Vos. Robbrecht van Blaersvelt ende Katheline
Ballemans syn wyf hebben openbaerlic bekent dat sy gehadt
ende ontfangen heeft dest:t; hebben van Henricken Balleman, der
voerscreven Kathelinen vader de somme van vyfhondert gouden Peters
elken van dien tot sessendertich grooten Vlaems gelts gerekent
die de selve Henrick den voerscreven Robbrechten ende Kathelinen
synen wive in behulpe van haeren huwelike, gelooft ende
toegeseeght heeft te geven ende te betalen, Ende van dien
sommen van vyfhondert gouden Peters vanden voerscreven pryse
Ende oic van allen den haeffeliken ende erffeliken goeden, die
der voergenoemde Kathelinen, byder doot van wylen Kathelinen vanden
Hoede haerer moeder ende des voerscreven Henricx iersten wive
doen sy leefde in eeniger manieren, gebleven ende verstorven
moegen syn, Ende die der selver Kathelinen byder doot vanden
voergenoemde Henricken haeren vader oic bliven ende versterven
zelen hebben de voergenoemde Robbrecht ende Katheline syn wyf, Quytgesconden
den voerscreven Henricke ende alle andere die des quitancie behoeven, van
geheelic ende al
Ultima may tempore simile
Borch, Keyenoeghe, zuster Lysbeth van Eyndoven vrouwe, des
gasthuys van Onser Liever Vrouwen, staende inde voerscreven stad
heeft by bywesen ende volcomen consente van zuster Jehannen
wilen haernove de voerscreven gasthuys ende van heeren Anthoenis
vander Aa Ridder proviseur desselfs gasthuys, Terve gegevenst:t;
inden name vanden selven gasthuyse, Terve gegeven