Blader door transcripties » Stadsarchief Mechelen

archieftoegang 2, inventarisnummer 951, pagina 11

Henrick Truyts
Borch, Keyenoegen. Lysbeth vander Haghen, wedue van wylen Jan
Tymmerman, cum tutore voer deen helft, ende Lysbeth de Haze wylen
tutore
Jan de Haze wettige dochter voer dander helft, hebben
vercocht, Henricken Trouts wylen Willem Trouts soon, Een
block, metten gronde, houdende omtrent anderhalf vierendeel
gelegen inde prochie van Muysene, tusschen des gasthuys van
Onser Vrouwen erve aen deen zyde, Jan van Laken erve aende
tweede zyde ende des Heeren strate aende derde zyde. A Domino Mechliniensi, Waranderende.
sonder eenigen last van chyse, oft van anderen commer daer jaerlicx
vutgaende
Assignavit XX Rynsgulden
VIIIa may tempore simile
Wouter Ghelders
Lange, Vos. Willem van Halle, diemen heet de Kemmere heeft
Opgedragen overgegeven ende getransporteert ende Wouteren Gelden
ende Barblen van Halle synen wive ende des voerscreven Willems dochter
in recompensatien ende vergeldingen van vele ende groote diensten
helden ende vyfstenticheyden, die sy hem die wylen gede ende tot diversen
tyden gedaen hebben dagelix doen ende oft de wilt noch doen zelen
alle syne haeffelike goeden ende beruerlike goeden, waer die bynnen
synen huyse oft daer buyten syn, oft in eeniger manieren bevonden zelen
worden, transferende die met allen den rechte ende actien, die hy
daer aen heeft oft hebben mach inde personen vanden voerscreven
Wouteren ende van Barblen synen wive, Ende woude daer toe ende
begeerde vuterlic de voerscreven Willem, dat de selve Wouter ende
Barble syn wyf met allen den voerscreven haeffeliken goeden, gelyc
met haers selfs eyghen ende pren goeden zelen moegen disponeren
ende ordineren, den wederseggen van yemande niet tegenstaende
aen dander zyde, hebben oic de voergenoemde Wouter ende Barble syn wyf gelooft
ende elc van hen besunder ende voer al, de voergenoemde Willem bynnen
haeren huyse te houdene ende hem eten drincken cleederen schoenen ende
al tgene dat synen leven noot ende behoeffelic syn sal, alsoe wel in
synder zycheyt als in synder gesontheyt, tamelic te geven, sonder
eenich wederseggen, Ende om die gelooften, alsoe volstentelic te
onderhouden ende om der meerder zekerheyt des voerscreven Willem
daeraf te doen, Soe hebben de selve Wouter ende Barble syn wyf
den voerscreven Willemen daervoer verbonden ende te pande geset
alle haere haeffelike goeden, waer die bevonden zelen worden
die sy nu tertyt hebben ende hier namaels oic hebben ende vercrigen
zelen
II may tempore simile
Claes Reyniers
Langhe, Hulst. Henrick Wychman Coelemaker, heeftst:t; vercocht
veerthuys
ende Martine vanden Bloke syn wyf heeren
Claes Reyners van Bruessel, vyfthien gouden Rynsguldenen ende
eenen halven, elken van dien tot veertich grooten Vlaems gelts
gerekent erffelix chys die hy hadde op twee huysen metten hoven
gronde etcetera daeraf deen costen Gommaer spellemaker ende dander
Aert de Groote scoemaker, toebehoerende, gelegen deen neven dander
over de Coremarct inde Hooghstrate, by Sinte Jacop Capellen
tusschen Willem Everaerts Hellen slagen erve aen deen zyde ende
Jan van Rogbroeck erve aen dander zyde, streckende achterweerts
totten hove van Milze, Ende op een huys metten hove gronde etcetera
toebehoerende Gheerde van Dyest Pellemaker, gelegen inde
voergenoemde Hooghstrate tegen de voergenoemde Twee huysen over tusschen
des voerscreven Henricx Wychmans erve aen deen zyde ende Henricx
vander Bruggen erve aen dander zyde, A Anthonio de
Oeyenbrugge, wart, op Sesse chysgulden, de helft van vier
scellinge Loevens, twee capuynen ende eenen halven, twee
ende eenen halven oude groote Turnoysen ende dertich pond
thien scellinge payments vuten voirgenoemde drie huysen jaerlicx
voer vutgaende
Assignavit den XXIIII denier
XVIII may tempore simile
Gommaer de Pottere
Hulst, Keyenoege, Willem Willems diemen heet Meeus ende Jan
Willems diemen heet Meeus syn soon, woenende tot Beerzele
hebben gelooft ende elck van hen besunder ende voer al, ongevrydt
et
na der divisen, Te leveren, Gommaer de Poirtere, tot sinen huyse
bynnen Mechelen vyf dusent goet ee Leverbaers ende custbaere
Cleyn Houte, tusschen dit ende den jersten dach van Septembry
nu naestcomende, sonder eenich wederseggen
XXI marty tempore simile
Johannes de Hoevorst
Dale, Vos. Gielis ende Henrick de Beckere gebroederen
inden name van henselven ende oic inden name van Janne de Beckere
haeren broeder, die sy in hen vervangen zelen, Katheline de Beckere
haerlieder zuster met Pauwels Goessens haeren Margriete de
Beckere oic haere zuster met Jan de Hack haeren man, Thorie de Beckere
oic haerer zuster, cum tutore, Ende de voergenoemde Gielis ende Henrick de Beckere
Katheline ende Margriete hoe de Beckere met haeren voerscreven Marien
ende Thorie de Beckere, inden name van Dignen de Beckere, Aerts
Boele wive ende van Lysbetten de Beckere oic haerer zustere, absent
wesende ende van Barblen Goessens, wettige dochter van wylen
Diericken Goessens ende van wylen Barblen de Beckere synen wive ende
der voerscreven gebroederen ende zuster de Beckere zuster doen sy leefde, onder
haere jaeren etcetera wesende, die sy in hen vervingen, Katheline
vanden Lyeboem met Janne vander Ramen, oic haeren man, Jan van
Boechout, diemen heet Perck voer hem selven, Ende Denys Claes in
synen name ende oic inden name van Lysbetten ende Jacomynen Claes
synen zusteren, die hy in hem verving, Ende Jan de Langhe inden
name van Henricken ende Jan Claes de voerscreven Denys, Lysbetten ende
Jacomen Claes broederen, die hy by crachte vander macht hem by
henlieden gegeven, gelyc ons dat by eender procuracien daerop gemaect
cum bezegelt metten zegel ten zaken vander voerscreven stad, claerlic verreke
in hem vervinghe, hebben vercocht Jan van Hoevorst Steelen booghmake
haerlieder drie vierendeelen van ende alle trecht dat sy hadden
in een huys de Croene geheeten metten hove gronde etcetera dat wylen
Andries van Boechout, diemen heet Prick toe plach te hoeren
gelegen over de Coremarct inde Hooghstrate, tusschen Jan noch
Marchants erve aen deen zyde ende Jan Verman, diemen heet
Magerman erve aen dander zyde streckende metten voerscreven hove
doer een poorte achterweerts tot inde Oudegheemstrate
A Domino Mechliniensi, Waranderende. Opte weerde van Eenentwintich scellingen
grooten Brabants gelts vuten voerscreven geheelen huyse metten hove
jaerlix gaende, Behoudelic dien gaet min vut dat
sal den voerscreven vercoepen te baten comen
XXIamay