Blader door transcripties » Stadsarchief Mechelen

archieftoegang 2, inventarisnummer 952, pagina 92

Marten Van Waes
Gheylinck, Stocman. Katheline Stuers wylen Henricx dochter met Jacoppen vanden
ende haeren man, heeft vercocht Marten Van Waes, haer derdendeel
van Tweentwintich scellingen ende sesse penningen groten Brabants gelts
erffelix chys, dat zy hadde ende oic haer helft van vier scellingen
ende sesse penningen der selver groten Brabants oic erffelix chys, die
haer byder doot van wylen Barblen Stuers beghinen haer moeyen
gebleven ende verstorven zyn, Op een huys metten gronde etcetera
den voerscreven Marten toehoerende, gelegen inde Tweede Vleeschouwers
tusschen
streckende met eender plaetsen ende met eenen anderen huysen achterweert
tot inde jerste Vleeschouwersstrate tusschen Lambrechts van Puersse
erve aen deen zyde ende Pauwels Bernaerts erve aen dander zyde
A Domino Mechliniensi, Waranderende etcetera.
te
Assignavit den
XIIII Juny tempre simile
Gielis van Guyke
Lange, Vos. Barble Scheers met Luyck Palmaerts haeren man, heeft
vercocht Gielisen van Guylke, de de helft van Eenen stuck
lants metten gronde etcetera houdende int geheel een dachwant, dair
af dander helft Aerden de Leeuw toehoert, gelegen tot Hevere
opt Velt geheeten de Boven Rot tusschen ten eenen gemeynen
wech aldair aen deen zyde ende
A Beato Rumoldo, Waranderende. Op twee Turnoyse der vuten voerscreven geheelen
stuck lants jaerlix gaende
Assignavit V Peters eens
XIIII Juny
Jan Nouts
Vos, Gheylinck. Machiel vanden Bossche heeft Terve gegeven Joosen
Nyelen tot behoef van Janne Nouts Aert Nouts soon, Een huys metten
hove ende met eenen anderen huyse dair achter staende ende oic metten gronde etcetera
gelegen in Sinte Kathelinen strate byde poirte tusschen der weduen erve
van wylen Willem Winricx aen deen zyde ende Bartelmeus Heryons erve aen
dander zyde. A Beato Rumoldo. Te besittene Op eenen jaerliken ende erffelicx
chys van vyf gouden Andries gulden elken van dien tot veertich groten
Vlaems gelts gerekent ende vanden drie vierendeelen van eenen
geliken gouden Andries gulden, Ende die te betalene altyt tot Sinte
Jansmisse vutgenomen Sinte Jansmisse naestcomende, Ende opten
voirchys van Sesse chysmottoenen twee capuynen ende van vyf
pond payments daer vutgaende. Behoudelic met alsulker condicien
dat de voerscreven Jan Nouts sal moegen lossen ende quiten altyt als hem
dat gelieven sal, de voerscreven vyf gouden Andries gulden ende de drie
vierendeelen van eenen geliken Andries gulden des voerscreven chys, met
eenen van dien te male, Ende elken gulden dairaff met sestien
geliker gulden eens met vollen chyse, dairvoir te betalen
Assignavit XIII Rinsgulden eens
X Juny tempore simile
Jan vander Berct
Vos, Gheylinck. Marie Belyanen wedue van wylen Janne de Sceppere ende
tutore, heeft Opgedragen haer tocht die zy hadde inde helft van Eenen
hove gronde etcetera gelegen inde Lange Nieuwstrate byde Bruesselpoorte
opten hoeck van eenen cleynen straetken aldair, tusschen tselve straetken
aen deen zyde ende Willems de Wolf erve aen dander zyde streckende
achterweerts met eenen cleynen poirtken tot int voerscreven cleyn straetken ende
totter Herbergen van Percke erve toe. A monialibus, Juravit tot behoef van Janne
Jacopen Ambrosius, Lysbetten Marien ende Margrieten de Sceppere haeren kynderen
haer
welke Jan ende Jacop tot behoef ende de momboeren hier naer bescreven
tot des voerscreven Ambrosius, Lysbetten Marien ende Margriete behoef waerder
dair ierst inne geerft, Ende dair naer hebben de selve Jan ende Jacop
brueder
de Sceppere voir hen selven, Ende Jacop de Sceppere des voerscreven wylen Jans
de Sceppere brueder ende Machiel Peters van svaders wegen, ende Gielis
de Blaeuwe vander moeder wegen, als momboeren ende inden name vander
voirgenoemde Ambrosius, Lysbetten Marien ende Margrieten de Sceppere der voerscreven
kynderen de Scepperen brueder ende zusteren infra annos die zy in hen vervingen
voir de voerscreven helft, Ende de selve Jacop de Sceppere voir dander helft
de voerscreven kynderen oic
vercocht Janne vander Berct, den voergenoemde hof metten gronde ende
synen toebehoerten boven gescreven, Waranderende. Op dertich scellinge paymentst:t;
Opte weerde van twaelf groten Brabants gelts daer vutgaende
Assignavit IX Rinsgulden
Ultima Juny tempore simile
Asse
dair opte
Lange Senior, Hulst. Felix Bellens tot behoef vander infirmarien vanden Armen
beghinen staende buyten den beghynhove van Mechelen, heeft verreyct
Een huys metten hove gronde, dat den kynderen van wylen Willem
Muyl toe plach te hoiren, gelegen inden Nieuwen Bruel, tusschen
Jans vander Hulst erve aen deen zyde ende
aen dander zyde
Ex censu
Juny tempore simile
de selve
Item. De selve ad opus penningen heeft verreyct Eenen hof metten
gronde etcetera die den kynderen van wylen Janne tSerneels toe plach
te hoeren, gelegen tot Neckerspoele inde Grevenstrate tusschen
Willem Bollaerts erve aen deen zyde ende de selve Gruenstrate
aen dander zyde. Ex censu
ut supra tempore simile
Jouffrou Katlyne vanden
Lysbeth Robs
ven beghyne ende
Lange, Vos, Vos. Jouffrou Katheline vander Hoeven beghyne heeft
Robs wedue Jans de Man he
ende Lysbeth
de tusschen
verreyct, Een hofstad dair op een huys heeft plagen te stane dat
metten hove gronde etcetera die Op Kerstinen vanden Campe toe
plach te hoiren, gelegen tot Hofstaden, tusschen een strate gaende
te Schouwenbroeck weert aen deen zyde ende der kinderen erve van
wylen Willem de Visschere aen dander zyde
en capit
de
Ex censu oct
te