Blader door transcripties » Stadsarchief Mechelen

archieftoegang 2, inventarisnummer 952, pagina 91

soe die nu ter tyt naer vutwysen der ordinancien dair op gemaect
cours ende ganck hebben, oft de weerde dair voir, erffelix chys Te
heffene altyt tot twee terminen, Te wetene deen helft dairaf tot
Sinte Jansmisse ende dander helft tot Kersmisse, dairaff den jersten
termyn van betalingen zyn sal tot Sinte Jansmisse nu naestcomende
Op ende aen des voerscreven Laureys drie vierendeelen vanden voerscreven huyse
met synen voerscreven toebehoorten inde voerscreven tweede Vleeschouwerstrate
Jans
gelegen, Ende voirtaen op alle syne haeffelike ende erffelike goeden
by
metten gronde etcetera bynnen etcetera wesende ende gelegen die zy nu ter tyt heeft
ende hier namaels oic hebben ende vercrigen sal. A Domino Mechliniensi, Waranderende.
Opte weerde van sevenentwintich scellingen ende sesse penningen
groten Brabants vuten voerscreven geheelen huyse ende op twee gouden
Andries gulden vanden voerscreven pryse vuten eenen vierendeele vanden
selven huyse metten synen toebehoirten jaerlix voir vutgaende
I tempore simile
de
Jordaen vanden Dyck
Stocman, Zoeten. Katheline vanden Dycke, Joerdaens vanden Dycke
dochter, heeft Quytgesconden los vry ende ledich, den selven Joerdaen
haeren vader van allen den haeffeliken goeden, die haer byder doot van
wylen Barblen van Ryemen haer moeder ende desselfs Joerdaens ierste
wyf doen zy leefde in eeniger manieren toecomen gebleven ende verstorven
moegen zyn ende alle andere dies quitancie behoeven
X Juny tempore simile
Anthonis van Heyst
Dale, Zoeten. Gielis van Gottingnies onse medescepen, heeft oppende
voir ons bekent, dat Anthoenis van Heyst van wylen Adriaen van Heyst
zyns vaders wegen, hem goede ende rechtverdige rekeninge ende bewys
gedaen heeft van allen den bewinde ende administracien, dat de voergenoemde
wylen Adriaen van des voirgenoemde Gielis goeden, soe int ontfangen
de
soe int vutgeven van dien, in eeniger manieren gehadt heeft vanden welken
ende oic van al tgene, dat de voergenoemde Gielis van Gottingnies, den voirscreven
wylen Adriaen ende oic den voerscreven Anthoenis synen soon, soude moegen
heysschen, heeft de selve Gielis Quytgesconden los vry ende ledich
den selven Anthoenis tot synen ende des voirgenoemde zyns vaders behoef
ende alle andere dies quitancie behoeven geheelic ende al
X Juny
Henrick de Bock
Stocman, Zoeten. Katheline de Borgere wylen Willems dochter, met
Henricken van Schore haeren man, heeft vercocht, Henricken de Cock
Sesse gouden Andries gulden, elken van dien tot veertich groten Vlaems
gelts gerekent, Ende eenen scellinge der selver groten Vlaems erffelicx
chys Te heffene altyt tot Sinte Jansmisse vutgenomen Sinte
Jansmisse naestcomende Op ende aen der voergenoemde Kathelinen
huys metter schueren stallen hove gronde etcetera houdende omtrent int geheel
een dachwant, gelegen tot Heffene ten Nuffle, tusschen der
kynderen sBorgers erve aen deen zyde ende de strate aldair aen dander
zijde, Opte weerde van drie groten Brabants gelts daervoir vutgaende
Item. Op der selve Kathelinen drie stucken lants metten gronde etcetera
houdende tsamen twee buenderen oft een luttel meer gelegen deen
aldair deen neven dandere, tusschen Jans de Cale erve aen deen zyde
ende des Heylichs Geests erve vander prochiekerken van Sinte Peters
bynnen Mechelen aen dander zyde comende metten eenen eynde aen
sHeeren strate, Opten twaelf scellinge ende sesse penninge der voerscreven
groten Brabants gelts lyftochten dair voir vutgaende, Ende op ende
geheeten Gaesbeecx thof
aen der voerscreven Kathelinen hof metten gronde etcetera houdende omtrent
een dachwant, gelegen aldair tegen de tvoerscreven huys over, tusschen
Anthoenis de Borger erve aen deen zyde ende de strate aldair aen
dander zyde, zonder eenigen last van chyse dair voir vutgaende. A Domino Mechliniensi,
Waranderende etcetera met alsulker condicien, dat de voerscreven Katheline sal
moegen lossen ende quiten altyt als haer dat gelieven sal, de
voirgenoemde Sesse gouden Andries gulden ende eenen scelling groten
Vlaems des voerscreven chys, tot drie malen, ende elken gulden
dairaff met sesthien geliker gouden Andries gulden eens
met alsulken ende geliken penningen als nu ter tyt by ordinancien
van onsen genadich heeren ende vanden staten van hueren landen, inder
voerscreven stad van Mechelen cours ende ganck hebben met vollen chyse
dair voir te betalen
tempore mile
Barble vander Strate
Meester de Micasius van
terschate
Stocman, Zoeten. Peter van Outerschate wylen Nicasius van Outersgate
soon, heeft Quytgesconden los vry ende ledich, Barblen vander Straten
weduen vanden voerscreven Nicasius synder moeder van allen den haeffeliken
goeden, die hem byder doot vanden selven wylen Nicasius synen
vader ende der voerscreven weduen man doen hy leefde in eeniger manieren
toecomen gebleven ende verstorven moegen zyn, ende alle andere dies
quitancie behoeven
sy
Cornelis van Nyspen
Item Jan van Vorspoele wylen Rommonts ende Jan Kerman, woende
ende elc van hen beyden te voirscreven
tot Londersele, hebben gelooft ongevrydt naer der divisen recht Te geven
te betalen ende bynnen Mechelen te leveren, Cornelisen van Nyspen oft
den bringer van desen, bynnen, eenen halven jaer tyts naestcomende
sevenendertich veertelen Rogs goede ende custbair Mechelscher maten op
eenen grooten naest den besten, Eenendertich wyssen hout ende vyf
hondert custbair mutsaerts, zonder eenich wederseggen
ut supra