Blader door transcripties » Stadsarchief Mechelen

archieftoegang 2, inventarisnummer 952, pagina 93

de wedue ende kynderen
de Sceppere
Lange, Soe, Vos. Jacop de Sceppere heeft Opgedragen ende overgegeven vuten
zaken van wisselingen voir ander erve, tot behoef van Marien
Belyanen weduen van wylen Janne de Sceppere als tot haer tocht
ende oic tot behoef van Janne Jacoppen, Ambrosius, Lysbetten Marien
ende Margrieten de Sceppere der selver weduen kynderen als tot haeren
erffelicheit, de helft van Eenen stuck lants houdende omtrent
een half buender, dairaff dander helft der selver weduer
ende kynderen toebehoert gelegen tot Muysene over de Wielenbrugge
tusschen
A Domino Mechliniensi, Waranderende etcetera.
XVI Juny tempore simile
quade
de kynderen Henricx vanden
Wyct
Voesdonck Gheylinc henrick vander Wyct ende Clare vander Stappen syn
wyf, hebben gewilt ende openbairlic voir ons geordineert, dat
alle haere kynderen alsoe wel meyskens als knechtkens ende knechtkens
als meyskens, die zy nu ter tyt deen vanden anderen vercregen
hebben ende hier namaels oic deen vanden anderen vercrigen zelen
Evengelyc ende in geliken deele ende porcien, hebben houden ende
deylen zelen, alle haer haeffelike ende erffelike goeden, bynnen
ende buyten der stad ende vryheit van Mechelen wesende ende gelegen
die na eensyegelycx doot van hen beyden zelen bliven
ut supra
ende Katlyne de Neve
Magdaleene Scheelken
Voesdonck, Gheylinck. Henrick van Beemen, heeft vercocht Magdaleenen
Machielen halven man
by bywesene ende consente vanden selven
sceelkens, Machiel Nootens wyf tot haeren behoef, als tot haer tocht
ende oic tot behoef van Kathelinen de Neve der voerscreven Magdalenen
dochter die wylen Jan de Neve vander selver Magdaleenen jersten
man doen hy leefde van have vercregen heeft, als tot haer
erffelicheit, Een huys metten hove gronde etcetera gelegen inde
Vooghtstrate, tusschen desselfs Henricx erve aen deen zyde
ende Meester Lodewycx Conroy erve aen dander zyde. Ab eodem
Magriete Ludovico Conroy, Waranderende. Op twee cuypst:t; capuynen
ende neghen scellinge grote Brabants gelts daer vutgaende
Assignavit XXV Rinsgulden
ut supra tempore simile
Jan Sol
Voesdonc, Zuetens. Lysbeth van Couwelaer, wettige dochter van Janne van
Couwelair met Lodewyck van Cortryke haeren man, heeft vercocht
den selven Janne van Couwelair haeren vader ende Henricken vanden Dycke
als momboeren ende tot behoef van Janne Sol wettich soon van wylen
de wetene
Janne Sol, Eenen gouden Rynsgulden elken van denst:t; veertich
jaerlix vallen ende verschynende tot
groten Vlaems gelts gerekent erffelix chys die zy als haer deel ende paert
voir dien
van acht gelike gouden Rynsgulden, desselfs chys hadde Op ende
dat heyligemisse
aen de helft van Eenen huyse metten hove gronde etcetera dLam geheeten
Wouteren vander Varent toebehoerende staende tot Wouters sBriesen huyse
waert, gelegen opte Groote Marct van Mechelen tusschen desselfs
Wouters sVryesen erve, aen deen zyde ende wylen Henrick Aert Goessens erve
aen dander zyde, Alsoe die helft vanden voerscreven huyse, aldair genoech
gescheiden ende gedeylt is vander ander helft, desselfs huys, toehoerende
den kynderen van wylen Peteren vanden Eeghere, Ende op ende aen alle
desselfs Wouters vander Varent andere haeffelike ende erffelike goeden
metten gronde etcetera bynnen etcetera wesende ende gelegen, die hy doen tertyt
hadde ende haer namaels oic soude moegen hebben ende vercrigen
ende die hem byder doot van wylen Janne vander Varent synen
verschende tot Alreheyligemisse
vader verstorven zyn. A Domino Mechliniensi, Waranderende etcetera jaerlix vallende ende
XVII Juny tempore simile
Lysbeth vander Varent
Hulst, Vos. Henrick vanden Dycke droechscheerder, heeft vercocht
Lysbetten vander Varent Jorys vanden Dorpe huysvrouwen, Sesse
wassen keerssen, elke van dien van eenen halven ponden erffeliker
renten, Te heffene altyt tot Kersmisse ende tot Sinte Jansmisse dair
af den jersten termyn van betalingen zyn sal tot Kersmisse naestcomende
Op ende aen des voerscreven Henricx huys metter plaetsen gronde etcetera gelegen
inde Kerchofstrate, tusschen Jan Wabbels erve aen deen zyde ende
Janne Henrycx erve aen dander zyde. A Johannes de Muysene filio
quondam Johannes bastarden, Waranderende. Opte weerde van neghen scellingen
groten Brabants gelts, twee Rynsgulden, elken van dien
tot veertich groten Vlaems gelts gerekent, ende drie pondt
die de voerscreven Lysbeth daerop heeft ende voertaen
was, dair voir vutgaende der mede heeft de selve Henrick
gelooft voir hem zyn hoir ende nacomelingen, dat hy de voerscreven drie
pondt was die de voerscreven Lysbeth vander Varent op tselve erve
tanderen tyden
tegens Paridaen van Overbroeck gecocht heeft jaerlix ten
termine als die verschynen in sesse wassen keerssen elcke
van eenen halven ponde, der voerscreven Lysbetten ende haeren nacomelingen
betalen sal, met condicien dat de voerscreven Henrick sal moegen lossen
ende quiten altyt als hem dat gelieven sal, de voerscreven sesse
wassen keerssen der voirscreven renten, met neghen gouden Ryns
gulden eens ende met vollen chyse
Assignavit II Rinsgulden eens
XI Juny tempore simile
Henrick Smet
Gheylinck, Stocman. Lysbeth Goeyheers met Janne Ydens haeren man, heeft vercocht
Henricken Smet Raymakere, drie veertelen Rogs goede ende custbare
Mechelscher maten, erfpachts Te betalen ende te leveren bynnen Mechelen
tot desselfs Henricx huyse, altyt tot twee terminen Te wetene deen
helft dairaf tot Kersmisse ende dander helft tot Sinte Jansmisse dair
af den jersten termyn van betalingen zyn sal, tot Kersmisse naestcomende