Blader door transcripties » Stadsarchief Mechelen

archieftoegang 2, inventarisnummer 952, pagina 90

Rommond Muyl
Gheylinck, Zoeten. De voirgenoemde Jan Muyl heeft bewesen den voerscreven Rommonde
Muyls synen brueder tot synen live, drie pond eenen scellinge ende sesse
penninge grote Brabants gelts, jaerliker lyfpensien, Te heffene altyt
tot twee terminen, Te wetene deen helft dairaf opten vierden die
van decembry, Ende dander helft opten vierden dach van Junio
Op ende aen alle des voirgenoemde Jan Muyls haeffelike ende erffelike
goeden metten gronde etcetera bynnen etcetera wesende ende gelegen, die hy nu
ter tyt heeft ende hier namaels oic hebben ende vercrigen sal. A Domino Mechliniensi ende
IIII Juny
De kynderen Anthoens
van Maldere
Gheylinck, Zoeten. Meester Arthur van Maldere docteurs in
medicinen, heeft gelooft voir hem syn hoir ende nacomelingen
dat hy alsulken pond groote Vlaems gelts erffelix chys als
Lysbeth van Laken wedue van wylen Arthur de van Milden
syn moeder, hem bewesen heeft, haer leven langh geduerende
te hebbene ende jaerlix te heffene, op zekere goeden, buyten de
vryheyt van deser stad va gelegen naer der selver syn wedue
synder moeder doot inder deylingen ende scheydingen, die
alsdan tusschen hem een broederen ende broeder kynderen
een
A
geschieden sal van allen den goeden, na haer doot blivende
in dat alsoe in gebracht sal hy dair ende niet een metten
voerscreven synen broederen ende broeder kynderen o evengelyc hebben
ende deylen, alle deselve goeden, sonder eenich wederseggen
IIII Juny
Jan Rabbouts
Gheylinck, Stocman. Dierick Leeman als rentmeester ende inde namest:t; vanden goidshuys
van Bethanien staende buyten den Wykete van deser stad, inden name vanden
selven goidshuyse, als des volcomen macht hebbende vanden selven goidshuyse
gelyc ons dat by eender procuracien dair op gemaect ende bezegelt metten
gemeynen zegel desselfs goidshuys claerlic bleeck, heeft vercocht Janne
Rabbouts acht chysguldenen erffelix chys, die tvoerscreven goidshuys hadde
Op een huys oft woeninge metten hove beempde gronde ende allen anderen
synen toebehoerten geheeten tgoet van Milze, houdende omtrent drie
vierendeel den voerscreven Janne Rabboots toehoerende, gelegen buyten der
Oversterpoirten ter Eyken, tusschen tVrybroecstraetken aldair aen deen
Ende
zijde ende Kathelinen van Campenhout erve aen dander zyde, te op
een stuck lants metten gronde etcetera houdende omtrent drie vierendeel ende
voerscreven Janne oic toehoerende, gelegen aldair tegen over, tusschen des
selfs Jans ander erve aen deen zyde ende de strate aldair aen dander
zijde. A Domino Mechliniensi, Waranderende etcetera.
Assignavit XVI denier
VI Juny tempore simile
Jouffrou Beatris Hals
ende Magriete vander Heyden
de
Stocman, Zoeten. Henrick vander Hoegen, ende Lysbeth van Blarenberge
syn wyf hebben vercocht R jouffrou Peters haers beghynen
tot haren live ende oic tot behoef ende ten live van Margrieten
vander Heyden, Martens vander Heyden dochter haeren
nichten, ende tot des langhstlevenden huer vanden voerscreven jouffrou
Beatris ende vander voerscreven Magrieten, vier veertelen Roefs
goede ende custbare Mechelscher maten, jaerlix lyfpachte
Te betalen ende te leveren tyt opten achtsten dach van Juny
Op ende aen haerlieder huys metten hove ende met drie
stucken lants houdende omtrent st:t; daer aen gelegen, houdende
omtrent twee buenderen gelegen buyten Sinte Kathelinen
Poerten, byde Waelems berge tusschen Gielis Vrancx erve aen
deen zyde ende de Heerstrate aen dander zyde comende
achterweerts totter kerken erve van Sint Ja. A Domino Mechliniensi, Waranderende.
op twee capuynen twee scellinge bove Loevens, Twee
gouden Peters ende eenen gouden Rynsgulden, daer jaerlicx
voer vutgaende, Cale et Domicella be Beatris
levabit et inde disponet
VIIa Juny tempore simile
Meere Jan van Ophem
Lange, Zoeten. Gielis van Muysene commoingmeesters van deser stad ende
Jan Mol als proviseurs ende inden name vanden Conventen van Sweens
ende vander banck staende bynnen den beghynhove van deser stad hebben
vercocht meester Janne van Ophem, de helft van Twee ponden groten
Brabants gelts, erffelix chys, die de voerscreven conventen hadden, Op
des voerscreven meester Jans huys oft woeninge dat wylen Bartelmeus vanden
synen schoenen vader
Bossche toe plach te hoeren, metten plaetsen ende poirten voir ende met eenen
grooten hove achter tselve huys liggende, ende oic metten gronde etcetera
gelegen inde Coestrate, byde leste brugge, tusschen des voerscreven
Meester Jans erven aen beyde zyde. A Domino Mechliniensi, Waranderende etcetera.
VII Juny tempore simile
Jan van Haesdonck
Gheylinc, Stocman. Jan van Haesdonck heeft verreyct Een huys metten hove gronde
etcetera te geheeten tClootken, dat Janne vander Biest toebehoerde, gelegen in Sinte
Kathelinenstrate over de Honsbrugge, tusschen thuys den Yngel geheeten Henricken
Merssys toehoerende aen deen zyde ende Joes de Hane erve aen dander zyde, Ende
eenen hof metten gronde etcetera dien meester Aerde van Dueren toebehoerde, gelegen
inde Nonnenstrate tusschen Jans de Doeve erve aen deen zyde ende Jan
Byermans erve aen dander zyde
Ex censu
supra tempore simile
Katheline de Borgere wylen Willems de Borgere dochter met Henricken
van Schore haeren wettigen man, heeft vercocht Henricken de Cock
Meys Bleeck
Voesdonc, Zoetens. Henrick ende Jan van Eyke diemen heet de Kemmere gebruederen als
executeurs vanden testamente ende vutersten wille van wylen Lysbetten van Oliven
Nieuwere
de
wylen Jans de Sweest:t; huysvrouwe, inden name vander execucien vanden
selven testamente, hebben vercocht Laureys Blieck vleeschouwere, de twee vierendeelen
van Eenen huyse metten stallen hove gronde etcetera dairaf tderde vierendeel den
selven Laureys toebehoert gelegen inde Tweede Vleeschouwersstrate tusschen
den vliet aldair aen deen zyde ende Laureys Yuetens erve aen dander zyde
A Domino Mechliniensi, Waranderende. Opte weerde van sevenentwintich scellingen ende sesse
penningen groten Brabants gelts vuten voirscreven geheelen huyse jaerlix gaende
Juny tempore simile
Jan van Eyke alias
de Kemmere
Item. De voirgenoemde Laureys Blieck, heeft vercocht den voerscreven Janne van
Eyke, Twee gouden ge Andries gulden goede ende gerechte oft de weerdest:t;