Blader door transcripties » Stadsarchief Mechelen

archieftoegang 2, inventarisnummer 952, pagina 89

de wedue wylen
Peters van Orssele
Ingelrie, Voesdonck. Jouffrou Jehanne vanden Woelputte beghyne, heeft
ende getuporteert
Opgedragen ende overgegevenst:t; tot behoef van Kathelinen vanden Dorpe
weduen van wylen Peteren Van Orssele, haer heffene dat zy haer leven
lange duerende, ende oic dleven van Jan van Orssele der voerscreven
weduen soon hadde, in elf scellingen ouden groten Turnoyse
vander munten etcetera. Opte stad van Mechelen, Ende oic hair heffen
dat zy hadde duerende haer leven, ende oic dleven van Francen van
Orssele oic de voerscreven weduen soon, in elf gelike scellinge
ouder groten vander voerscreven munten, al jaerliker lyfrenten, opte
Tasseven
selve stad van Mechelen. Ac Renunciantest:t; volens ut in forma
Ende tot desen heeft Wouter van Voesdonck eender rentmeesters
vander voerscreven stad, behoudelic der selver stad dair inne haeren
rechte zyn consent gegeven
prima Juny
Leest
fabrica Petry
Lange, Stocman. Heer Lodewyck Martens priester tot behoef vander fabriken
vander prochiekerken van Sinte Peters bynnen Mechelen, heeft verreyct Twee
huysen metten hoven gronde etcetera die Peteren Huyghs toe plagen te hoeren
gelegen deen neven dander in een cleyn straetken gaende vander
dekenyen tot Sinte Kathelinen Kerchove, tusschen tselve kerchof
aen deen zyde ende wylen Henricx Smets erve aen dander zyde
Ex censu
ut supra
de wedue ende kynderen
Bauwels
Gheylinc, Stocman. Gielis Baillen tot behoef van Lysbetten van de Hondt
synder moeder als tot haeren tocht ende oic tot behoef van hem selven
ende van Kathelinen ende Barblen Bellens synen zusteren heeft van als tot
haer erffelicheit, heeft verreyct Twee huysen metten hove gronde etcetera
die Janne de Gorttere wylen Adams sone toe plagen te hoeren, gelegen
deen neven dander inde Corte Penningstrate tegen den Putte aldair
over tusschen Jans wylen Jans van Halen diemen heet Joes
erven aen beyde zyden, Ende alle dander desselfs Jans de
Gorttere erffelike goeden metten gronde bynnen etcetera gelegen
die hy hadde ende namaels vercregen heeft
Ex censu
ut supra
Wouter vander Eyken
Cassat et proles
de Cottens aldaer
procureur qualite
est des et corum
scabin passate
XXI den Muysen die nu
Barble
Gregoris Stappenst:t;
Hulst, Vos. Peter vander Hoeven, heeft vercocht Daneel van Berch tot behoef
van Wouteren vander Eyken, Sesse veertelen Rogs goede ende custbare Mechelscher
maten jaerlix ende erffelix pachts Te betalen ende te leveren altyt tot twee
terminen, Te wetene deen helft dairaf tot Kersmisse, Ende dander helft tot
Sinte Jansmisse dairaf den jersten termyn van betalingen zyn sal te Kersmisse
naestcomende, Op ende aen des voerscreven Peters vander Hoeven stuck bempts metten
gronde etcetera houdende omtrent een half buender luttel min oft meer, gelegen tot
Hevere int Heverbroeck, tusschen des goidshuys van Gruenendale erve aen
deen zyde ende Peter Caluwaerts erve aen dander zyde, Sonder eenigen last
van chyse dair voir vutgaende, Ende op ende aen des voerscreven Peters vander
Hoeven, drie gouden Peters elken van dien tot sessendertich groten Vlaems
gelts gerekent, erffelix chys, die de selve Peter heeft, Op ende aen Annen van
Calsterbroeck erffelike goeden metten gronde ende haeren toebehoerten, hier naer
bescreven, ierst Op een stuck beempts geheeten Keystryck, houdende omtrent
drie buenderen, gelegen inde prochie van Hevere, aende Heverheyde, tusschen wyle
Anthoenis van Heffene erve aen deen zyde ende Aerts van Diest erve aen dander
zyde. Item op een stuck lants, houdende omtrent een half buender, gelegen aldair
opt Heyndervelt, tusschen der heeren van Zellaer erve aen beyde zyden. Item
op een stuck lants houdende omtrent een half buender, gelegen aldair opt selve velt
tusschen des voerscreven Aerts van Diest erve aen deen zyde ende des voerscreven Daneels
van Lenth erve aen dander zyde. Item op een stuck lants houdende omtrent een
vierendeel, gelegen opt selve Hevervelt tusschen des goidshuys van Muysene erve
aen deen zyde ende Margrieten vander Eect erve aen dander zyde. Item op een
stuck lants houdende omtrent een vierendeel gelegen aldair, tusschen Henricx Scheers
erve aen deen zyde ende eenen wech aldair aen dander zyde. Item op een stuck
wylen
lants, houdende omtrent een vierendeel gelegen aldair, tusschen Peters vanden Rode
erve aen deen zyde ende Peters Nys erve aen dander zyde. Item een stuck lants
houdende oic omtrent een vierendeel, gelegen aldair, tusschen des voerscreven Aerts
van Diest erve aen deen zyde ende Willems de Weend erve aen dander
zyde. A Beato Rumoldo, Waranderende etcetera. Met alsulker condicien, dat de voergenoemde
Peter vander Hoeven sal moegen lossen ende quiten altyt als hem dat gelieven sal
de voergenoemde Sesse veertelen Rogs des voerscreven pachts, met sessendertich gouden
Andries guldenen, elken van dien tot veertich groten Vlaems gelts gerekent
eens met vollen pachte, dair voir te betalen
III tempore simile
Jan Mols
Gheylinck, Zoeten. Rommond Muyl wylen Claes soone, heeft vercocht Janne Muyl synen
brueder, de helft van vier scellinge ende sesse penninge grote Brabants erffelix chys
die hy hadde Op een huys metten gronde etcetera dat wylen Peteren de Greve cappen
toe plach te hoiren, gelegen inden Nouwest:t; ende dat nu toebehoert der weduen
wylen Peteren sConincx gelegen inden Nieuwen Bruel, tusschen meester Jan
Joos ende Victors van Merende erve aen deen zyde ende Henricx Blieck des jongen
erve aen dander zyde. Item de helft van vier scellingen der voerscreven
groten erffelix chys, die hy hadde Op een huys metten gronde etcetera
toebehoerende Janne vander Berct beckere, gelegen achter tvleeschuys van
Mechelen, tusschen Jan Andries erve aen deen zyde ende wylen Jans de
zyde
Keersmakere erve aen dander, Ende de helft van Eenen gouden Wilhelmeus schilden
des voerscreven chys, die hy hadde, Op een huys metten gronde etcetera da
toebehoerende der weduen van wylen ende kynderen van wylen Peteren Ghys
behoeren
de Raet barbier doen hy leefde, gelegen inde Aedegheemstrate tusschen Wouters
aen dander zyde
vander Straten erve aen deen zyde ende Jan Yuetens erve van welken erffeliken
chysen, dander helft den voirscreven Janne Muet toe. A Domino Mechliniensi, Waranderende etcetera
IIII Juny