Blader door transcripties » Stadsarchief Mechelen

archieftoegang 2, inventarisnummer 952, pagina 87

opten Scheyselberch, tusschen Willem Wabbels erve, aen deen zyde
ende Jans vander Hoeven, diemen heet int Anckerken erve aen dander
zyde, welke vierendeel vanden selven twee huysen met haeren voerscreven
toebehoerten is den voerscreven nacomen ende pretten boghe byder doot
van wylen Lysbetten Storms, haer nichten, toecomen gebleven ende verstorven
Ende oic alle de haeffelike ende beruerlike goeden waer die bevonden zelen
worden, die den selven kynderen, byder selver haer nichten doot, oic
gebleven ende verstorven zyn van van heffeliken goeden na zynder gelieften te desest:t;
A Domino Mechliniensi, Waranderende. Opten chys ende commer dair vutgaende
Ultima may tempore simile
Jan Zwenen
Hulst, Stocman. Marten vanden Vekene heeft vercocht Janne Zwenen
Sesse gouden Andries gulden, elken van dien tot veertich groten Vlaems
gelts gerekent, erffelix chys Te heffene altyt tot Sinte Jansmisse
vutgenomen Sinte Jansmisse naestcomende, Op ende aen des voerscreven
Martens vanden Vekene, Twaelf gouden Rynsgulden vanden voerscreven
pryse erffelix chys, die de selve Marten heeft, Op een huys den
Eenhoven geheeten metten gronde etcetera Janne vanden Vekene des
voirgenoemde Martens sone, toehoerende, gelegen byde Vischbrugge tusschen
thuys den Ancker geheeten toebehoerende den kynderen van wylen
Lanseloot Hoendermans aen deen zyde ende wylen Rommonts van
Puersse erve aen dander zyde. A Domino Mechliniensi, Waranderende etcetera. Met
alsulker condicien, dat de voergenoemde Marten sal moegen
lossen ende quiten altyt als hem dat gelieven sal, de voergenoemde
Sesse gouden Andries gulden des voerscreven chys tot eenen
male ende elken van dien met sesthien gelikest:t; veerthien
gelike gouden Andries gulden eens den voerscreven Janne oft
penningen
synen nacomelingen met alsulken ende geliken gelest:t; als
nu ter tyt by ordinancien van onsen alre genadichsten heeren
ende byden staten van haeren landen in deser haer stad van Mechelen
cours ende ganck hebben, dair voir te betalen
XX may tempore simile
Wouter van Voesdonck
Lange Senior, Stocman. Machiel vanden Moirtere wylen Jans vanden Moirter soon
heeft Opgedragen ende overgegeven tot behoef van Wouteren van
Voesdonck Rentmeester vander stad van Mechelen, Een huys
metter plaetsen hove gronde etcetera dwelck hy tanderen tyden deen
selven Wouteren vercocht ende tot sinen behoef vertegen heeft gelyc
dat by eenen anderen scepenbrieve dair op gemaect, claerliker blyct
gelegen byde Wollemarct van Mechelen, tusschen Gielis Vrancx
erve aen deen zyde ende Jan Wyts erve aen dander zyde
A Johanne Schermer, Waranderende. Opte weerde van thien groten
Vlaems gelts goede erffelic ende op Sesse Rynsgulden lyfpensien
staende ten live van wylen Henrix van Merende dochter profes
int goidshuys van Muysene dair vutgaende
XXa may
Wagewyns alias de Zagher
Borch, Hulst. De volle wyl ende voirsingen heere, heer Lodewyck van ge
Brugge, heer vanden Gruythuyse, Greve van wynestre prince van Steenhuyse
etcetera Ende vrouwe Margriete van Borssele zyn huysvrouwe, hebben openbairlic
voir ons vut haeren vryen wille bekent, dat Jan Wagewyns diemen
heet de Zagere, henlieden tot haeren versuecke ende begheerten in hueren noot
geleent heeft, de somme van vierhondert ponden groten Vlaems gelts
welke somme van vierhondert ponden der selve groten, de voirgenoemde heer
Lodewyck ende vrouwe Margriete zyn huysvrouwe hebben gelooft ende geloven
met desen, ende elck van hen besunder ende voir al weder te geven ende wel
te gelden ende te betalen, den voerscreven Janne Waggels oft den bringer van
desen tot synen, oft desselfs bringers briefs manissen, Ende om die
haer gelooften alsoe volstentelic tonderhoudene, ende om der meerder zekerheit
den voerscreven Janne Wagewyns dairaf te doene, Soe hebben de voirgenoemde
heer Lodewyck ende vrouwe Margriete zyn huysvrouwe, den selven
Janne Wagewyns in tytule van gewarigen pande dair voir verbonden
ende te pande geset, alle haer haeffelike goeden wair die bevonden zelen
worden, die zy nu tertyt hebben ende hier namaels oic hebben ende vercrigen
zelen, Sunderlinge haerlieder huys oft woeninge metten hoven plaetsen
stallen achterhuysen gronde ende allen anderen synen toebehoerten, gelegen
opten Berthoutshof van Mechelen, in Sinte Peters prochie, tusschen
alle
Raes aen deen zyde ende de gemeynestrate aldair aen dandere zyden
vutgange
streckende ende gaende achterweerts met eenen ge doer een poirte
tot inde Augustynstrate. Alsoe de voirscreven heer Lodewyck ende zyn
met synen voerscreven toebehoerten
huysvrouwe dat huys oft woeninge aldaer, houden ende besitten
XXII martempre simile
Magriete van Merende
ende tcap
gelyck hem dat byder
doet vanden voirscreven synen wee
gebleven ende verstorven is
Heylinck, Stocman. Joes van Merende wylen Henricx soon, heeft
achtervolgende der bewysenissen van alsulken zesse ponden groten
Brabants gelts jaerliker lyfpensien als hij Kathelinen van achte
Aensteel Aelbrechts dochter synder huysvrouwen voir haer
Duware bewesen heeft ende daer verre hy alle syne goeden
haeffelike ende erffelike bynnen der stadt etcetera wesen verbonden
heeft, gelooft dat hy naer syn doot in dien hen voir haer
aflivich wert, haer die sal doen gelden ende betalen ende
dat hy alsulken huys metten hove gronde etcetera als hy tanderen
tyden vercocht heeft Margriete van Merende synder zuster
weduwe wylen Ypols Barra dwelck voir de voege
ware verbonden heeft staet gelegen opte Mylane tusschen
de Herberge van Sinte Bernaerts aen deen zyde ende heeren
Joes Machiels erve aen dander zyde, altyt daeraf
ontlast quyte ende vry houden sal sonder eenich wederseggen
ende om der meerder zekerheyt daer af te doene
toe heeft zy der voirscreven synder zuster, daer voire verbonden
ende te pande gezet zyn huys metten hove gronde etcetera
gelegen opte Dekenye tusschen des goidshuys erve ander
Sinte Marie Magdaleene te de zyde ende een gemeyn
straetken ten waer toe gaende aen dander zyde. A Domino Mechliniensi,
van
ultima may