Blader door transcripties » Stadsarchief Mechelen

archieftoegang 2, inventarisnummer 952, pagina 86

van tot behoef van Peteren Janne, Claese Willeme ende Margrieten
vanden Hove synen kynderen, dier ierst inne geerft werden, Ende
dair naer, hebben de selve Peter Jan Claes ende Willem vanden Hove ende
de voirgenoemde Margriete vanden Hove haer zuster met Janne Walsschaer
haeren man, vercocht Janne de Cale, tvoirgenoemde stuck lants metten
oft ammer
gronde etcetera, Waranderende. Sonder eenigen last van chyse, dair vutgaende
Assignavit
XIII Juny tempore simile
Lysbetten Loort
Dexecuteurs van wylen
Hulst, Zoetens. Katheline Pauwels met Janne Bellens verwere haeren man, heeft
bekent, openbairlic voir ons dat zy gehadt ende ontfangen heeft van Janne
van Couwelair ende van Cornelis van Culixrode, als executeurs vanden
testamente ende vutersten wille van wylen Lysbetten Loort, Jacops vanden
Velde wettigen wive doen zy leefde, de somme van hondert gouden
Rynsgulden elken van dien tot veertich groten Vlaems gelts gerekent
die de selve wylen Lysbeth Loort, der voergenoemde Kathelinen Pauwels haeren
nichten met haeren voirgenoemde testamente tanderen tyden gemaect ende gelaten
heeft, naer haer doot, te hebbene ende te heffene, van welker somme
van hondert Rynsgulden vanden voerscreven pryse, heeft de voergenoemde
Katheline Pauwels, met haeren voerscreven man, Quytgesconden los vry
ende ledich, den voirgenoemde Janne van Couwelaer, tot sinen ende des
voerscreven Cornelis zyns medegesellen behoeff, ende alle andere dies quitancie
behoeven geheelic ende al
XXVI may tempore simile
Aert vanden Moirte
Gottingnie, Lange. Johanninck vanden Moirtere wylen Machiels vanden Moirter ende wylen
Lysbetten vanden Puddegheem zyns wyfs sone, heeft openbairlic voir ons bekent
dat hy gehadt ende ontfangen heeft van Aerden vanden Moirter synen brueder
de somme van tzestich gouden Andries gulden elken van dien tot veertich
groten Vlaems gelts gerekent, als de voir den afcoop van allen den
haeffeliken ende erffeliken goeden tot wat steden ende plaetsen die gelegen
zyn, ende bevonden zelen worden, die den selven Henricken byder doot vanden
voirscreven wylen Machielen ende Lysbetten synen wive, synen vader ende moeder
in eeniger manieren toecomen gebleven ende verstorven moegen zyn van
welker sommen ende oic van al tgene dat hy den voerscreven Aerden synen
brueder vut zaken vanden voerscreven haeffeliken ende erffeliken goeden, tot
desen dage toe, soude moegen heysschen, heeft de voerscreven Henrick vanden
Moirter Quytgesconden los vry ende ledich, den selven Aerden synen
vader ende alle andere dies quitancie behoeven geheelic ende al
XXVII marty
Jan Zegers
Lange, Stocman. Mathys van Beringnen, heeft vercocht Janne Zegers, Een huys
met eender hofstad hove gronde etcetera gelegen inde Zeelstrate tusschen des voerscreven
wylen
Jan Zegers erve aen deen zyde ende Pauwels vander Donct erve aen dander zyde
A Domino Mechliniensi, Waranderende. Op eenen capuyn eenen scellinge Loevens ende negen
pond payments dair ende erffelic ende op drie veertelen Rogs lyfpens
staende ten live van Pauwelsen vander Beke ende van Lysbetten Daems ende tot
des langhstlevende live van hen beyden, dair vutgaende, welke drie veertelen
Rogs, des voerscreven lyfpachts, heeft de voirgenoemde Mathys van Beringnen, gelooft
te lossene ende te quitene sonder cost oft last vanden voerscreven Janne Zegers
tusschen dit ende den jersten dage vander maendt van augusto naestcomende
ende dairaff den selven Janne Zegers ende zyn voirscreven huys altyt scadeloes
quyt te houdene ende tontlastene, zonder eenich wederseggen, Om welke
gelooften alsoe volstentelic tonderhoudene, Ende om der meerder zekerheit den
voirscreven Janne Zegers dair af te doene, Soe heeft de voerscreven Mathys van
Benignen, den selven Janne dair voer verbonden ende te pande geset, Syn
drie huysen metten hoven gronde etcetera gelegen deen neven dandere inde
Kerchofstrate tusschen der taflen des Heylichs Geests vander prochiekerken van
Sinte Kathelinen aen dest:t; erve aen deen zyde ende Cornelis de Reyere erve
aen dander zyde. A Domino Mechliniensi
Assignavit LXX Rinsgulden
XXVIII may tempore simile
Laureys de Dryvere
Lange, Stocman. Margriete van Calsterbroeck met Janne vanden Venne diemen heet
Smet haeren man, heeft Opgedragen ende overgegeven tot behoef van Laureys de
Dryvere, alle de erffelike goeden metten gronde etcetera bynnen etcetera gelegen, die haer
byder doot van wylen Marien van Calsterbroeck haer moeyen ende desselfs
Laureys wyf doen zy leefde, in eeniger manieren toecomen gebleven ende
verstorven zyn. A Domino Mechliniensi, Waranderende. Voirtaen heeft de selve Margriete met
haeren voerscreven man Quytgesconden los vry ende ledich den voerscreven Laureysen
van allen den haeffeliken goeden, die haer oic byder doot vander voerscreven
wylen Marien hadde moeyen oic gebleven ende verstorven zyn ende alle andere
dies quitancie behoeven geheelic ende al
ut supra
de Nouts
Geylinck, Stockman. Jan Grymmaer als steyt van Willeme Berghe, inden name van
Nicolmen ende Provetten Vigge wettigen kynderen van wylen Claes Vugge absent wesende
die hy in hem verving, hebbende de selve Jan Grymmaer, om tgene te doene, dat
hier naer bescreven staet volcomen macht vanden voerscreven Willeme Brugge momboir
alleene vander voerscreven nacomen ende metten, by consente vanden wethouderen vanden
stede van Bergen opten zoon, gelyc ons dat by eender procuracien dair op gemaect
ende bezegelt metten zegel ten zaken der selver stede van Berghen opten zoon
claerlic bleeck, heeft vut zaken van wisselingen voir andere erffelike goeden
Opgedragen ende overgegeven tot behoef van Aerden Nouts tvierendeel
vanden Twee huysen metten gronde ende haeren toebehoerten hier naer bescreven
ierst van Eenen huyse metter plaetsen achterhuyse ende hove gelegen in
Sinte Kathelinenstrate byde poirte aldaer, tusschen Bartelmeus Heryons erve
aen deen zyde ende der weduen erve van wylen Willem Wyncx aen dander
zyde, Ende van eenen huyse metten hove gelegen buyten der Coepoirten