Blader door transcripties » Stadsarchief Mechelen

archieftoegang 2, inventarisnummer 952, pagina 70

ende des huys van Pytsenborch bynnen Mechelen erve aen dander zyde
Sonder eenigen last van chyse vuten selven drie stucken lants jaerlicx
gaende. Item een stuck lants metten gronde etcetera houdende om een
luttel meer dan een dachwant, gelegen aldair opt selve velt tusschen
desselfs Jans Mols erve aen deen zyde ende Barble Bols erve aen
dander zyde, Op twee capuynen dair vutgaende. Item elff moeken
Rogs erfpacht,st:t; die hy hadde, Op een huys metten hove gronde etcetera
toehoerende Augustinen Robbrechts, gelegen aldair by tHangersbeken
Geests
tusschen der taflen des Heylichs erve van Sinte Rommonts bynnen
Mechelen aende twee zyde ende de heyde aldair, aende derde zyde
Ende op omtrent een half buender lants hy metten gronde etcetera gelegen
aldaer den selven Augustinen oic toehoerende, gelegen aldair tusschen
des Heeren strate aende twee zyde ende Laureys Vuystaerts erve aende
deen tocht
gelike
derde zyde, Ende, Sesse moeken Rogs oic erff die hy hadde
Op een huys metten stallen schueren hove ende lande dair aen liggende
ende oic metten gronde etcetera houdende omtrentst:t; een buender int geheel
luttel min oft meer, toebehoerende der weduen van wylen Janne
Storm, gelegen aldair opte Venne tusschen sHeeren strate aldair aen
deen zyde ende der selver weduen ander erve aen dander zyde. A Domino Mechliniensi,
Waranderende etcetera
Assignavit C Andries gulden eens
XI aprilis tempore simile
Anthonis Boots
seels
Geylinck, Zueten, Joos sesse diemen heet de Beckere, heeft Terve
gegeven Anthoenis Boots, Twee huysen metter schueren hove gronde etcetera
gelegen buyten der Aedegheempoirten inde Rechtstrate tusschen
der kynderen Sas erve aen deen zyde ende wylen Aerts van
Puttegheem erve aen dander zyde. A Domino Mechliniensis. Te besittene Op
eenen jaerliken ende erffeliken chys van sessendertich scellingen
groten Brabants gelts, Ende die te betalene altyt tot Sinte
Jansmisse dairaff den jersten termyn van betalingen syn sal
van Sinte Jansmisse naestcomende over een jair dair naer volgende
Ende opten weerde voir voirchys van Sesse chysgulden
dair vutgaende, met alsulker condicien, dat de voerscreven
Anthoenis sal moegen lossen ende quiten altyt als hem dat
gelieven sal, de voirgenoemde sessendertich scellingen groten Brabants
des voerscreven chys, met neghen scellingen van dien te male
ende elken scelling daer af met sesthien geliker scellingen
eens in alsulken gelde als nu ter tyt by ordinancien, onser
genadige heeren ende haeren landen cours ende ganck heeft ende met
vollen chyse
Assignavit IIIen erffelicx
den XXVI denier
ut supra
Lossie van Yndevels
Hulst, Lange ende Jan de Gorttere wylen Adries de Gortter soon, heeft vercocht
Lossyen van Indevelde natuerlike dochter van Claes van Andrelde tot
haeren live, Twee gouden Andries gulden, elken van dien tot veertich
groten Vlaems gelts gerekent, jaerliker lyfrenten, Te heffene altyt opten
elfsten dach van April, Op ende aen des voerscreven Jans twee huysen
metten hoven ende metst:t; ende toegange tot eender heymelicheit int deynde
vanden selven hove staende, ende oic metten gronde etcetera gelegen deen neven
dander inde Corte Penningstrate, tegen den Putte aldair over, tusschen
Jans de Coninck erve aen deen zyde ende Jan Quaeyvoers erve aen dander
zijde. A Domino Mechliniensi, Waranderende. Op vier gouden Rynsgulden ende eenen halven
vanden voerscreven pryse ende de weerde van viventwintich groot twee
scellingen ende eenen penninge groten Brabants gelts, dair jaerlix voir
vutgaende, met alsulker condicien, dat soe wanneer de voirgenoemde Jan de
Gorttere, de voerscreven twee gouden Andries gulden, der voerscreven lyfrenten
sal willen lossen ende quiten, dat de hy dat sal moegen doen, betalende dair
voir veerthien gelike gouden Andries gulden, in alsulken penningen als
op desen dach by ordinancien ons alregenadichsten heeren des Roomssche
Conincx ende synder genaden soon, ende byden staten van haeren landen in deser
haer stad van Mechelen cours ende ganck hebben eens ende met vollen chys
ende Jan van Lost gecretaris deser stadst:t; waer daerinne totter voirscreven Losschen
behoef gegoet ende
XIa aprilis
dese scult ende Joris
gecasseert by consent
van Aerden om
dat Joes hem
Aert vanden Eyken
daervoer den
veertelen Rogge erffel
op syne goede
Wildebroeck
vercocht heeft
Staes
Barblen
Gheylinc. Joes Metten Anxte woenende op Heyendonck onder Rumpst
heeft gelooft ongevrydt naer der divisen recht Te geven ende te betalen
goeden vander Eyken beckere oft den bringer van desen tot Sinte Jansmisse
Baptisten naestcomende, Eenentwintich gouden Andries gulden elken van dien
tot veertich groten Vlaems gelts gerekent, Ende dat vut zaken vander
aen afquitingen van eenen sack Rogs lyftochten, die de voerscreven Aert
op zekere syde goeden
tanderen tyden tegen den voerscreven Joesen metten Anxte gecocht ende gecregen heeft
onder eenich wederseggen
XII aprilis
Gommaer Vermylen
Item. Katheline van Berghe wylen Henrix dochter met Rommonden
Smet haeren man, heeft Terve gegeven, Gommaer Vermylen, Een huys metter
plaetsen gronde etcetera gelegen in Onser Vrouwen strate tusschen der wedue
ende kynderen erve van wylen Lodewycken van Triest aen deen zyde ende
wylen heeren Martens van Lanchem priesters erve doen hy leefdest:t;
dander zyde. Ab Anthonio de Oeyenbrugge. Te besittene, Op eenen
jaerliken ende erffeliken chys van vierentwintich scellingen groten Brabants
gelts, Ende die te betalene altyt tot Kersmisse dairaff den jersten
termyn van betalingen zyn sal tot Kersmisse naestcomende, Ende opten voirchys
vander helft van vier scellingen ende vyf penningen Loevens ende vier pond
payments dair vutgaende, met alsulker condicien, dat de voerscreven Gommaer
sal moegen lossen ende quiten altyt als hem dat gelieven sal, de voirgenoemde
vierentwintich scellingen groten Brabants st:t; des voerscreven chys, met vyf
scellingen van dien te male ende elken scellinge daer af met sesthien
geliker scellingen eens ende met vollen chyse
ut tempore simile