Blader door transcripties » Stadsarchief Mechelen

archieftoegang 2, inventarisnummer 952, pagina 69

de
met
die den voerscreven gezusteren es
byder doot van wylen Joesen
eten
met haeren neve gebleven ende
verstorven is
van Bost als proviseurs ende tot behoef vander taflen des Heylichs
Geests vander prochiekerken van Onser Liever Vrouwen bynnen Mechelen
de helft van Eenen huyse metten
der voerscreven hove metten gronde etcetera geheeten de Gulden
Gheyoele gelegen achter Onser Vrouwen kercke inde Nieuwstrate tusschen
Jan Rommonts erve aen deen zyde ende Lysbetten van Oxellaer erve aen
dander zyde streckende achterweerts metten voerscreven hove tot aen een
Peter Stocmans hof. A Domino Mechliniensi, Waranderende etcetera. Opten last van chyse dair
vutgaende
VIIa aprilis
Willem vanden Stocke
Pot Retro
suo loco
Langelborch. Heer Gheerd vanden Dale Ridder, heeft inde stadt ende voir
alsulke sesse veertelen Rogs erffpachts, als Willem vanden Stocke Jans
ende erffelic heeft, Op een huys metten hove ende met eenen stuck lants
tot Gheerdegheem inde Gheerdegheemstrate gelegen, dat wylen Janne
Putteman toe plach te hoiren, ende dair naer toehoirde Gielis Perreman
ende nu toebehoert, den voerscreven heeren Gheerden vanden Dale bewesen
den selven Willem vanden Stocke, Sesse veertelen Rogs goede ende
custbair Mechelscher maten erfpachts Te betalen altyt tot
Kersmisse Op ende aen alle desselfs heeren Gheerds erffelike goeden
metten gronde etcetera bynnen etcetera gelegen, die hy nu heeft ende hier namaels
oic hebben ende vercrigen sal. A Domino Mechliniensi, Waranderende etcetera met alsulker condicien
dat de voerscreven heer Gheerd sal moegen lossen ende quiten altyt als hem dat
gelieven sal, de voirgenoemde Sesse veertelen Rogs des voerscreven pachts
te wetene elke veertele dairaff met thien gouden Peters, elken
van dien tot sessendertich groten Vlaems gelts gelts eens met vollen
pachte, dairvoir te betalen
XXVIIsuper:t;aprilis
Jan de Hooghe
Borch, Voesdonc. Lysbeth Wischaven, met Florys van Dingnen haeren man
heeft vercocht Janne de Hooghe, Twee gouden Andries gulden, elken
van dien tot veertich groten Vlaems gelts gerekent erffelicx chys Te
heffene altyt opten achtsten dach van April, Op ende aen der
voerscreven Lysbetten huys met twee cleynen hoven gronde etcetera gelegen inde
Drapstrate tusschen Rommont tSerghysels erve aen dander deen zyde ende
Laureys vanden Houwe erve aen dander zyde. A Domino Beato Rumoldo, Waranderende.
Op vier capuynen, ende vyf gouden Rynsgulden vanden voerscreven pryse daer
voir vutgaende
Assignavi
VIII aprilis tempore simile
Aert van Diest
Voesdonck, Vos. Martine vander Wilgen wylen Willems vander
Wilgen dochter met Anthoenis Bernaerts ende Anthonyne vander Wilgen
haer zuster met Gielisen vander Byest haeren wettigen mannen ende momboeren
hebben vercocht Aerden van Dyest commoingmeester van deser stad
de parcheelen van lande metten gronde etcetera hier naer volgende, die henlieden
byder doot van haeren voirscreven vader ende oic van haere moeder ende van
wylen Meester Pauwels Roose priester haeren neve, toecomen gebleven ende
verstorven zyn, ierst een stuck lants houdende omtrent drie
vierendeel gelegen tot Hevere op Hevervelt, tusschen Jacops de
Bock erve aen deen zyde ende wylen Peters vanden Rode erve aen dander zyde
Item een stuck lants, houdende omtrent een vierendeel, gelegen aldair
inde Nederstrate tusschen des voerscreven Aerts van Diest ander erve
aen deen zyde ende Peter Caluwaerts erve aen dander zyde
streckende achterweerts tot aent Enenbroeck metten eenen eynde. Item
Twee stucken lants, dair af deen houdt omtrent een half buender
ende dander omtrent een vierendeel, gelegen deen neven dandere aldaer
vutgenomen dat tusschen beyde Leet eenen voetpat boven de Hevere
Moelen, tusschen Meester Jans vander Byest erve aen deen zyde ende der heeren
van Zellaer erve aen dander zyde. Item een stuck lants houdende omtrent een vierendeel
gelegen aldair opt voirgenoemde Hevervelt, tusschen den Moelenwech aen deen
dander zyde
zyde ende des voirscreven Peters erve Caluwaerts erve aen, Ende een stuck lants
houdende omtrent een half vierendeel, gelegen aldair op tselve velt, tusschen
dlant geheeten den Oevenst den voerscreven Aerde oic toehoerende aen deen
heeft van
zyde ende Vranck Ruelens erve aen dander zyde. A Domino Mechliniensis, Waranderende.
Opte een quarteelen garsten, vut allen den voirgenoemde vande parcheelen van
lande, jaerlix gaende
Assignavit
IXa aprilis
Jan de Hooghe
Dale, Gottengis Augustyn Bake diemen heet Staes wylen Janssoon, heeft
Openbairlic voir ons bekent dat Jan de Hooghe zyn momboir, hem
heeft
goede ende rechtverdige rekeninge ende bewys gedaen van allen den haeffeliken
ende erffeliken goeden wair die gelegen zyn, die hem byder doot vanden voerscreven
wylen Janne synen vader, toecomen gebleven ende verstorven zyn, Ende dair
van al tgene dat hy dairaf ontfangen ende vutgegeven mach hebben
Ende dairaf ende oic alle van alle der moeyenissen quellingen ende
heysschen die hy hem dairom soude moegen doen, heeft de selve
Augustyn Quytgesconden los vry ende ledich, den voirgenoemde Janne
de Hooghe tot synen, ende tot wylen Jans van Diepenbeke syns
medemomboeren behoef ende alle andere dies quitancie te behoeven, geheelic
ende all
XI aprilis tempore simile
Gielis de Vos
Geylinck, Boels, Zoeten. Gielis Putteman heeft vercocht Gielis de Vos onsen medescepen
de erffelike goeden ende pachten hier naer volgende, ierst Een derdendeel van eenen
buender lants metten gronde etcetera gelegen tot Muysene opte Werfheyde, tusschen
desselfs Gielis de Vos zynder zydest:t; erve aen deen zyde ende Jannes int Paradys
erve aen dander zyde. Item een dachwant lants metten gronde etcetera gelegen
aldair op Muysendervelt tusschen des goidshuys van Muysene erve aen deen
zijde ende Ostens van Oeyenbrugge erve, aen dander zyde. Item een stuck
lants metten gronde etcetera houden omtrentst:t; een dachwant luttel min oft meer
gelegen aldaer op tselve velt, tusschen Jan Mols erve aen deen zyde