Blader door transcripties » Stadsarchief Mechelen

archieftoegang 2, inventarisnummer 952, pagina 68

gelegen inde Kerchofstrate tusschen Jan Wabbels erve aen deen
zyde ende Jan Hemelrycx erve aen dander zyde. Item syn huys
metten hove gronde etcetera gelegen inde Juedestrate tusschen Henricx
van Zorke erve aen deen zyde ende Peters de Mindelere erve, aen
dander zyde, Ende eenen hof metten gronde etcetera die den selven
Paridaen oic toe plach te hoeren, ende die nu Jorys vander Strepe toebehoeren
inden Stompaerts hoeck gelegen, tusschen de vesten van Mechelen
aen deen zyde ende wylen Jan Wysschavens erve aen dander zyde
A Domino Mechliniensi, Waranderende etcetera.
XXI tempre simile
Henrick vanden Dycke
Voesdonck, Hulst. De voirgenoemde Paridaen van Overbroeck heeft opgedragen
ende overgegeven vut zaken van wisselingen voir een ander huys inde
Kerchofstrate gelegen, tot behoef van Henricken vanden Dycke
droeghscheerder, Een huys metter plaetsen gronde etcetera gelegen inde
Kerchofstrate, tusschen Jan Wabbels erve aen deen zyde ende Janne
Hemelrycx erve aen dander zyde. A Johannes de Muysene filio quondam Johanne
bastarden, Waranderende. Opte weerde van neghen scellingen groten Brabants
gelts, twee Rynsgulden, elken van dien tot veertich groten Vlaems gelts
gerekent ende drie pondt was, dair vutgaende
Assignavit XXXII Rinsgulden eens
ut supra
Paridaen van Overbroeck
Item. De voergenoemde Henrick vanden Dycke, heeft opgedragen ende
overgegeven vut zaken van wysselingen voir tvoerscreven huys inde Kerchoff
tot behoef vanden voerscreven daer van Overbreke
gelegen, Een huys metten hove gronde etcetera gelegen aldair, tusschen
Jans vander Moelen erve aen deen zyde ende der weduen ende kynderen
erve van wylen Janne Ghilsman aen dander zyde. A monialibus
Waranderende. Op tweentwintich scellingen Loevens, eenen capuyn
ende seven pond thien scellinge payments erven dair vutgaende
ut supra
Jan vander
Item. De voirgenoemde Paridaen van Overbroeck heeft bewesen
den voerscreven Janne Vriends, derthien scellinge ende sesse penningen
grote Brabants gelts erffelix chys Te heffene altyt opten jersten
dach van augusto, dairaff den jersten termyn van betalingen zyn sal
opten jersten dach van Augusto naestcomende, Op ende aen des voerscreven
Paridaens Wyngaert metten een berghe ende met eenen duyfhuyse dair op
staende ende oic metten gronde etcetera boven gescrevenst:t;, gelegen buyten der voerscreven
Sinte Kathelinen poirten inde strate gaende te Walem waert, tegen den
jersten Moelen over tusschen des voerscreven Jans van Anchoven erve aen
deen zyde ende der voerscreven infirmarien vanden crancken beghinen erve
staende bynnen den beghynhove van deser stad aen dander zyde, Op twee
capuynen ende de weerde van vyf scellingen ende drie penningen den
Tera aprilis anno XX int Passche
voirscreven groten Brabants gelts daer jaerlix voir vutgaende, Ende op des
selfs Paridaens huys metten hove gronde etcetera gelegen inde Jeudestrate
tusschen Henrix van Zorke erve aen deen zyde ende Peters de Mindelere
erve aen dander zyde, Opte weerde van twee scellingen ende neghen
penningen der voerscreven groten Brabants gelts, dair voir vutgaende. A Domino Mechliniensi,
Ende oic op des voerscreven Paridaens huys metten hove gronde etcetera
dat hy tegen den voerscreven Henricken vanden Dycke gecregen heeft
boven gescreven, Op tweentwintich scellinge Loevens, eenen capuyn
ende seven pond thien scellinge payments dair voir vutgaende. A
monialibus, Waranderende etcetera met alsulker condicien, dat de voerscreven
Paridaen sal moegen lossen ende quiten altyt als hem dat gelieven
sal, de voirgenoemde derthien scellinge ende sesse penninge groten Brabants
des voerscreven chys, tot drie malen ende niet min ende elken scellinge
ende penninge daer af met sesthien geliker scellingen ende penningen eens
ende met vollen chyse
noch
XX marcy tempore simile
Willem Verlysen
Lange, Borch. Jan Eelens, heeft vercocht Willem Verlysen, Eenen gouden
Heer Andries gulden, te wetene veertich groten Vlaems gelts voir dien gerekent
erffelix chys Te heffene altyt opten jersten dach van meerte, Op
ende aen des voerscreven Jans huys dat twee woeningen zyn metten gronde etcetera
gelegen in Onser Vrouwen strate opten hoeck vanden Hooghstraetken
tusschen tselve aen deen zyde ende Willem Cockeroels erve, aen dander
zijde. A Domino Johanne vander Aa, Waranderende. Opte weerde van achtien groten
Brabants gelts, Seven gouden Peters elken van dien tot sessendertich
groten Vlaems gelts gerekent, Ende eenen gouden Andries gulden vanden
voerscreven pryse, dair voir vutgaende, met alsulker condicien, dat de voerscreven
Jan Eelens sal moegen lossen ende quiten, altyt als hem dat gelieven sal
den voirgenoemde gouden Andries gulden des voerscreven chys, met twaelf
geliker gulden eens ende met vollen chyse
Assignavit den denier
VII aprilis tempore simile
Peter Caluwaert
Lange, sone, Vos. Peter vander Hoeven, heeft vercocht Peteren Caluwaert
Een stuck beempts metten gronde etcetera houdende omtrent een vierendeel lutte
min oft meer gelegen tot Hevere, tusschen des goidshuys van Muysene
erve aen deen zyde ende des voerscreven Peter Caluwaerts erve, aen dander
zijde. A Domino Mechliniensi, Waranderende. Sonder eenigen last van chyse daer vutgaende
Assignavit XX Rynsgulden des
ut supra
Mensa Marie
Smeets
Smet
Borch, Gheylinck, Yde Stst:t;test:t;
met Hubrecht Ridders haeren man ende Margriete Smeets alle wettige kynderen
een
van wylen drie Diericken St ende van wylen Margrieten vander Poirten
synen wive, cum tutore, hebben vercocht Janne wede alsoe ende Claes