Blader door transcripties » Stadsarchief Mechelen

archieftoegang 2, inventarisnummer 952, pagina 67

de kynderen Martens
vanden Brande ende
Lysbeth Tymmermans
Hulst, Stocman. Lysbeth vander Lynden wedue van wylen Henricken Tymmerman by
bywesene wetene wille ende volcomen consente van Marten vanden Brande, nu ter
tyt haeren man, behoudelic hem nochten in desen synen rechte, heeft gewilt ende
openbairlic voir ons geordineert ende belieft, dat Katheline ende Yde vanden Brande
haer beyder kynderen ende oic alle dander haere kynderen, die zy meer deen vanden anderen
zelen mogen vercrigen, met Lysbetten Tymmermans der voerscreven weduen voir docht
Evengelyc ende in geliken deele ende porcien, hebben houden deylen ende besitten
zelen, alle der voirgenoemde Lysbetten vanden Lynden der weduen haeffelike ende erffelike
goeden wair die gelegen zyn ende bevonden zelen worden, die der selve
weduen toecomen gebleven ende verstorven zyn ende die zy metten voerscreven marte
haeren man vercregen heeft ende hier namaels oic met hem hebben ende
vercrigen sal ende die naer de doot van hen beyden in eeniger
manieren zelen bliven. Behoudelic dien, dat inder deylingen
die naer haer beyder doot, tusschen de voerscreven haer kynderen ende
Lysbetten Tymmermans vanden voerscreven goeden geschieden sal, de selve
Lysbeth Tymmermans sculdich sal zyn in te bringen, al tgene dat de voerscreven
haer moeder metten voerscreven haeren man, haer in behulpe van haeren huwelike
tanderen tyden gegeven heeft ende alsdan ende niet eer, inder voirscreven
manieren deylen, Sonder eenich wederseggen
XXVIIIa may
Gielis Vrancx
Coens
Stocman, Zoeten. Peter Jan Meeren soon van wylen Aert Corens
heeft vercocht Gielis Vrancx Raemslagere, de helft van Eenen huyse
metten hove gronde etcetera die den voerscreven ae wylen Aerden toe plach te
hoeren, ende die de selve Aert tanderen tyden, den selvenst:t; voirscreven Peteren
synen soene met synen testamente gemaect ende gelaten heeft gelegen
in Onser Vrouwen strate tusschen Jans van Haeght erve aen deen zyde
ende Jans vander Byest erve aen dander zyde. A Domino Mechliniensi, Waranderende. Opte
weerde van acht scellingen grooten Brabants gelts vuten voerscreven geheelen
huyse jaerlix gaende
Assignavit XXX Peters
XXa aprilis
Henrick van Erpe
Stocman, Zoeten. Willem de Moelenere ende ee jouffrou Barble de
Moelenere syn zuster mit Janne de Buysenere haeren man, hebben
vercocht, Henricken van Erpe ende Anthoninen van Hellessem synen wive
haer vierendeel van Twee huysen metten hove gronde etcetera dairaff
dander drie vierendeelen den selven Henricken ende synen wive toebehoeren
gelegen deen neven dander inden Heembempt, tusschen Jans van Couwelaer
erve aen deen zyde ende Gielis Ballemans erve aen dander zyde. A Domino Mechliniensi,
Waranderende. Op der chysgulden vuten voirscreven twee geheelen huysen jaerlicx
gaende
Assignavit XVI Rinsgulden eens
ut supra
Willem Snelle
Borch, Lange, Vos. Jorys ende Anthoenis Snelle gebruederen, hebben
Quytgesconden los vry ende ledich, Willemen Snelle haeren vader
van allen den haeffeliken goeden, die henlieden byder doot van
wylen Lysbetten vanden Velde haere moeder ende desselfs Willems
haers vaders wyf doen zy leefde in eeniger manieren, toecomen gebleven
ende verstorven zyn ende alle andere dies quitancie behoeven
XX marcy tempore simile
die haer by wylen Paesschen
van Dueren haer moeyen
met haeren testamente tander
tyden gemaect ende gelaten in
te hebbene
Anthonis van Puersse
Voesdonck, Hulst. Cornelie van Beringen, wettige dochter van wylen
Janne van Beringen met Peteren de Provane haeren man, heeft Terve
gegeven Anthoenis van Puersse tot synen behoef ende oic tot behoef van
Lysbetten Coppens synen wive de helft van Eenen huyse metten hove gronde etcetera
dairaff dander helft den selven Anthonisen ende synen wive toebehoert
gelegen opte Veemarct van Mechelen, tusschen tHoff aldair aen deen zyde
ende Rommonts de Dryvere erve aen dander zyde. A Domino Mechliniensi. Te besittene
Op eenen jairliken ende erffeliken chys van Sesse gouden Andries
gulden, elken van dien tot veertich groten Vlaems gelts gerekent, Ende die
te betalene altyt opten jersten dach van April vutgenomen deen
jersten dach van Aprilst:t; naestcomende, Ende opten voirchys daer
jaerlix vutgaendevanden weerden van thien scellingen ende sesse penningen
groten Brabants gelts vuten voerscreven geheelen huyse jaerlix gaende, Om
welke sesse gouden Andries gulden des voerscreven chys alsoe te betalen
Ende om der meerder zekerheit de voerscreven Cornelien dairaf te
dene, Soe heeft de voerscreven Anthoenis, dair voir der selve Cornelien
dair voir verbonden ende tonderpande geset syn ander helft vanden voirscreven
huyse metten hove ge met alsulker condicien dat de selve
Anthoenis sal moegen lossen ende quiten, altyt als hem dat gelieven
sal, de voergenoemde Sesse gouden Andries gulden des voerscreven chys
tot twee maken ende niet min ende elken gulden dairaff met sesthien
geliker gulden in alsulken penningen als nu ter tyt in deser stad van
Mechelen cours ende ganck hebben eens met vollen chyse, dair voir te
betalen
Assignavit XX Rinsgulden eens
ut tempre simile
Paridaen van Overbroec
Voesdonck, Hulst. Jan Vriendts heeft opgedragen ende overgegeven tot behoef van
Paridaen van Overbroeck drie gouden Peters elken van dien tot sessendertich
groten Vlaems gelts gerekent erffelix chys die hy hadde, Op desselfs Paridaen
Wyngaert met eenen berge ende duyfhuyse dairop staende ende oic metten
gronde etcetera gelegen buyten Sinte Kathelinen poirte inde strate gaende te
Walem waert tegen den jersten moeten over tusschen Jans van
Amechoven erve aen deen zyde ende der infirmarien vander crancken
beghinen erve staende bynnen den beghynhove van deser stad aen dander
zyde, Om welke drie Peters des voerscreven chys jaerlix te betalen, veronderpant
ende verobligeert staet des voerscreven Paridaens huys metter plaetsen gronde