Blader door transcripties » Stadsarchief Mechelen

archieftoegang 2, inventarisnummer 952, pagina 64

Gregorys Magriete ende Barble
van Hamme
Gheylinck, Zueten. Gregoris van Hamme tot synen ende Margrieten ende
Barblen van Hamme zinen zusteren behoef, heeft verreyct Een huys metten
ter hove plaetsen ende met anderen vier huysen dair by staende ende
oic metten gronde etcetera dat Olivier van Buedegheem toe plach te hoeren
gelegen inde Corte Scipstrate tusschen wylen Reynouts Keynon
erve aen deen zyde ende Jans de Vleeschouwere erve aen dander
zijde. Ex censu
XXIIII marty
Raes Bachuys
Hulst, Gheylinck, Henrick sone wylen Goessens de Smet scepman
heeft opgedragen ende overgegeven syn tocht die hy hadde, in een
huys metten hove gronde etcetera gelegen opte Dele byden Wynckele tusschen
Jan Raes erve wylen Bartelmeus Bake erve, dat nu Janne Raes
toebehoert aen deen zyde ende wylen Jan Proost erve dat nu toebehoeren
Gommaer de Poirtere, aen dander zyde. A Domino Petro de Herbeys milite, Juravit
tot behoef van Barblen ende Lysbetten Smet synen kynderen dier ierst
inne geerft waerdt, Ende dair naer hebben de selve Barble Smet
met Janne vanden Bloke haeren man ende de voerscreven Lysbeth haer zuster
cum tutore vercocht Raes Bachuys oic scepman tot synen ende Katheline
tSas syns wyfs behoef tvoirgenoemde huys met sinen toebehoerten, Waranderende
Op twee chysgulden vier pond payments ende acht scellinge groten
Brabants gelts dair vutgaende
Assignavit XVIII½ Rinsgulden eens
XXIIII marty
een met
Item. De voirgenoemde Raes Bachuys heeft bewesen, der voerscreven
Lysbetten Smet, Eenen gouden Andries gulden, te wetene veertich
groten Vlaems gelts voir dien gerekent erffelix chys Te heffene
altyt tot Sinte Jansmisse, dairaff den jersten termyn van betalingen
syn sal van Sinte Jansmisse Baptisten naestcomende over een jair dair
naer volgende Op ende aen des voerscreven Raes huys metten hove
gronde etcetera boven gescreven. A Domino Petro de Herbeys milite, Waranderende etcetera
ut supra tempore simile
Rommont Lauwaerts
Gheylinc, Stocman. Willem Luyten, heeft vercocht Rommond Lauwaerts, vier
gouden Andries gulden elken van dien tot veertich groten Vlaems gelts
gerekent erffelix chys Te heffene altyt opten vierentwintichsten
^
dach van meerte Op ende aen des voerscreven Willem hof met drie
huysen dair op staende ende oic metten gronde etcetera gelegen inde Vele
in Onser Vrouwen stratest:t;st:t; opten hoeck vander penningen
tusschen deselve aen deen zyde ende Jans vander Eyken erve aen dander
zijde. Opte weerde van twaelf Peters dair voir vutgaende, Ende
op desselfs Willems huys metten gronde etcetera gelegen achter vleeschuys
van Mechelen, opten hoeck vander derde Vleeschouwersstraten, tusschen
de selve aen deen zyde ende der weduen ende kynderen erve van wylen
Janne vanden Eynde, aen dander zyde. Op vyf scellingest:t; Seventhien
pond payments ende de weerdest:t; Seven gouden Peters elken van dien
tot zessendertich groten Vlaems gelts gerekent, dair voir vutgaende. A Domino Mechliniensi,
Waranderende etcetera met alsulker condicien, dat de voerscreven Willem Luyten
sal moegen lossen ende quiten altyt als hem dat gelieven sal, de voergenoemde
vier gouden Andries gulden des voerscreven chys ende elken gulden dair
af met derthien geliker gulden eens ende met vollen chyse
Assignavit den XI denier
XXIIII marty
de selve
Gheylinck, Stocman. Machiel Cools cramere, heeft vercocht den voerscreven Rommonde
Lauwaerts, vier gouden Andries gulden, elken van dien tot veertich groten Vlaems
gelts gerekent erffelix chys, die hy hadde Op een huys metten gronde etcetera toehoerende
Kathelinen van Maldere Jans van Maldere dochter, gelegen achter der scepenen huys
van Mechelen tusschen Jans vander Hulst erve aen deen zyde ende Henrick Boys
erve aen dander zyde. Op Sesse chysgulden ende sesse gouden Rynsgulden
vanden voerscreven pryse, dair jaerlix voir vutgaende, voir welken erffeliken chys
vanden voerscreven vier gouden Andries gulden
ende om dien jaerlix ten terminen als dien vallen sal te betalen, Eenen hoff
met eenen duyfhuyse dair op staende ende oic metten gronde etcetera der voerscreven
Kathelinen, oic toehoerende, inde Penningstrate inde Vele gelegen, tusschen
Willem Luytens erve aen deen zyde ende Thomaes de Hertoge erve aen
dander zyde veronderpant ende verobligeert staet, Opte weerde van
achtendertich groten Vlaems gelts, dair jaerlix voir voir vuyte. A Domino Mechlinieni,
ut supra
de wedue ende docht
Gielis de Vos
Lange, Vos. Aert van Diest commoingmeester van deser stad
heeft vercocht Kathelinen Quisthouts weduen wylen Gielis de Vos des
tot haeren behoef
ouden als tot haer tocht ende oic tot behoef van Jehannen sVos haer
dochtere, als toter selver Jehannen erffelicheyt, Sesse gouden Andries
guldenen te wetene veertich groten Vlaems gelts voir elken van dien
gerekent jaerlix ende erffelix chys Te heffene altyt opten jersten
dach van April, den jersten dach van Ay naestcomende vutgenomen
Op ende aen des voerscreven Aerts hoeve metter schueren hoven wynnende
lande eeusselen bosschen gronde ende ander allen anderen haer toebehoerten
die toe plach te hoiren, heer Jacoppen de Moor diemen heet Inden Palmboom
priester, houdende tsamen omtrent negenthien buenderen alsoe die
inde prochie van Hevere in diverssen stucken ende percheelen gelegen
is. A Beato Rumoldo, Waranderende. Op tweentwintich pond achtien scellinge
payments veerthien scellinge Loevens, vier capuynen, anderhalff
moeken Rogs ende een moeken gersten ouden chys ende pacht ende op
erffelic
eenen gouden Leeuw, te wetene tzestich groten Vlaems gelts voir dien
gerekent die ter quytingen staet met sesthien geliker gulden