Blader door transcripties » Stadsarchief Mechelen

archieftoegang 2, inventarisnummer 952, pagina 63

Jan Goeyheers
Stocman, Zoeten. Lysbeth Schinckels wedue van wylen Jan vanden Rode, cum tutore
als een tochtenersse ende Jan vanden Rode haer soon, als erfgenaem, hebben
vercocht Janne Goeyheers, Twee gouden Andries gulden, elken van dien
tot veertich groten Vlaems gelts gerekent erffelix chys, Te heffene altyt
tot opten vyfthienden dach van meerte Op ende aen der voerscreven tochtenersse
ende erfgenaem huys metten hove, gronde etcetera gelegen inde Bleecstrate tusschen
Henrick Guedens erve aen deen zyde ende der weduen ende kynderen erve van
wylen Willem de Gorttere aen dander zyde. A Domino Mechliniensi, Waranderende. Opte weerde
van vyf scellingen groten Brabants gelts daervoir vutgaende, met alsulken
condicien, dat de voerscreven tochtenersse ende erfgenaem zelen moegen lossen ende
quiten, altyt als hem dat gelieven sal, de voirgenoemde twee gouden andere
gulden des voerscreven chys, ende elken van dien totst:t; met vyfthien geliker gulden
eens ende met vollen chyse
XXI marcy tempore simile
Bartelmeus Rabbouts
Hulst, Zueten. Adriaen ende Henrick Robbouts gebruederen, hebben
Quytgesconden los vry ende ledich, Bartelmeus Rabbouts haeren brueder
van allen den haeffeliken goeden die henlieden byder doot van wylen
Mathys Rombouts ende Margrieten vander Donct synen wive haeren vader
ende moeder ende wylen Kathelinen Rabbouts haer zuster doen zy leefden, in
eeniger manieren toecomen gebleven ende verstorven moegen zyn ende alle
andere dies quitancie behoeven geheelic ende al
XXI may tempre simile
van Cortenberge
de pytancie des goidshuys
Stocman, Zoeten. Heer Gheerd vanden Dale Ridder, heeft opgedragen ende
overgegeven, tot behoef vander pytancien des goidshuys van Cortenberge
Een huys metten gronde etcetera dat Janne vander Hulst toe plach te hoiren ende
de chys geheeten
tanderen tyt
dat de voerscreven heer Gheerd voir achterstelligen chys die hy dair op hadde wettich
vutgewonnen ende verreyct heeft gelegen over de Grootbrugge van
Mechelen, tusschen thuys de Sterre geheeten toebehoerende den ambachte
van Brouwers bynnen Mechelen aen deen zyde ende thuys den Coevoet
geheeten toebehoerende Janne hen aen dander zyde. A Domino Mechliniensi, Waranderende etcetera.
Behoudelic den voerscreven heeren Gheerden dair op synen voirscreven chys ende alle
anderen dier voir ende naerchys op hebben. Heer Jan Schamp priester totter
voerscreven pytancien behoef, waert dair inne gheerft
XXII marty
Gielis Boeykens alias
de Costere
Hulst, Zoeten. Heer Anthoenis Hoots priester Canonick der kerken van Sinte
Rommonts bynnen Mechelen, heeft vercocht Gielis Boeykens diemen heet
ende
de Costere, Een huys metten hove be gronde etcetera, dat wylen Bartelmeus
vander Eyken toe plach te hoiren, ende dat de voerscreven heer Anthoenis tanderen
tyden voir onbetaelde scult, die hem die selve wylen Bartelmeus sculdich
was vutgewonnen ende voirt ter vierscharen van deser stad ten hooghsten
ende meester pryse vercocht heeft gelegen tot Oudegheem, tusschen Jacop
Tyelens erve aen deen zyde ende Henrick Stalen erve aen dander zyde. A Domino Mechliniensi,
Waranderende. Opte weerde van Seven scellingen groten Brabants gelts ende anderhalve
veertele Rogs, dair vutgaende
Assignavit X Rinsgulden eens
XI tempore simile
hadde ende
Jacop Tyelens
Item. De voirgenoemde heer Anthoenis heeft vercocht Jacop Tyelens, Een
stuck lants dair tanderen tyden een schuere op plach te stane, metten gronde etcetera
dat den voerscreven wylen Bartelmeus vander Eyken toe plach te hoiren, ende dat de
voerscreven heer Anthoenis tanderen tyden voir ombetaelde scult, die hem de voerscreven
wylen Bartelmeus sculdich ende tachter was vutgewonnen ende voirt ter
vierscharen te van deser stad ten hooghsten ende meesten pryse vercocht heeft
gelegen tot Oudegheem tusschen desselfs Jacops Tyelens ander erve
aen deen zyde ende Gielis Scheurcapruyns erve aen dander zyde. A Domino Mechliniensi,
Waranderende. Op vier peters elken van dien tot sessendertich groten Vlaems
gelts gerekent, dair vutgaende
Assignavit VIII Rinsgulden eens
supra tempore simile
Jan ende Denys van Ghesene gebruederen Jan Smet ende
Lysbeth Smet syn zuster cum tutore ende Laureys van Heysbosch
Matheus vanden Bloke
Vos, Stocman. Jan ende Denys van Ghyessene gebruederen, inne Laureys
van Hulsbosch ende Jan Smet ende Lysbeth Smet syn zuster cum tutore hebben vercocht
Matheus vanden Bloke tot synen ende Lysbetten Lombaerts syns wyfs behoef
de helft van Eenen huyse metten hove gronde etcetera die wylen Kathelinen
van Ghyessene, Gielis van Relegheem wive toe plachte hoiren, ende die
henlieden by haer doot gebleven ende verstorven is, gelegen inde Bruesselstrate
tusschen Peters vanden Wettest:t; vliete erve aen deen zyde ende wylen
Huyghen Willemssoons erve aen dander zyde. A Anthonio de
Oeyenbrugge, Waranderende. Op twee capuynen vuten voirscreven geheelen huys
jaerlix gaende
Assignavit XX Rinsgulden eens
XXIII tempre simile