Blader door transcripties » Stadsarchief Mechelen

archieftoegang 2, inventarisnummer 952, pagina 62

Jan Mathys
Hulst, Gerinck. Roelands Peterssone heeft vercocht Janne Mathys
oude schoemake, de helft van Eenen huyse metten hove gronde etcetera dair
af dander helft den selven Janne toebehoert gelegen in Onser
Vrouwenstrate tusschen Adriaen Hazaerts erve aen deen zyde
oude Margrieten sprediken erve aen dander zyde. A Domino Mechliniensi,
Waranderende. Op twaelf pond payments, acht chysgulden ende drie
gouden Rynsgulden elken van dien tot veertich groten Vlaems gelts
gerekent, vuten voerscreven geheelen huyse jaerlix gaende
XVIIa et mile
Roesen Peterssone
Item. De voergenoemde Jan Mathys heeft bewesen den voerscreven Roelande
Sessentwintich scellinge ende drie penninge grote Brabants gelts erffelicx
chys, Te heffene altyt tot Kersmisse dair af den jersten termyn
van betalingen zyn sal, tot Kersmisse naestcomende, Op ende aen tvoirgenoemde
huys met synen toebehoirten. A Domino Mechliniensi, Waranderende etcetera met alsulker
condicien, dat de voirgenoemde Jan Mathys sal moegen lossen ende quiten
altyt als hem dat gelieven sal, de voirgenoemde sessentwintich scellinge
ende drie penninge groten Brabants des voerscreven chys, met thien scellingen
van dien te male ende niet min ende elken scellinge ende penninge daer af
met sesthien geliker scellingen ende penningen eens met vollen chyse
ut supra tempore simile
Lysbeth Vleming
Geylinck, Stockman. Jan Elens heeft vercocht Willem Cokeroel ende Janne
van Halle als momboeren ende tot behoef van Lysbetten Vlemings wylen Jan
gulden
Vlemings dochter, Eenen gouden Andries ^ te wetene veertich groten
Vlaems gelts voir dien gerekent erffelix chys Te heffene altyt
opten vyftienden dach van meerte, Op ende aen des voerscreven Jan Eelens
huys dat twee woeningen zyn metten gronde etcetera gelegen in Onser
Vrouwenstrate opten hoeck vanden Hooghstraetken tusschen tselve
aen deen zyde ende des voerscreven Willem Cokeroels erve aen dander zyde
weerde van
A Domino Johanna vander Aa, Waranderende. Op achtien groten Brabants
gelts ende Seven gouden Ryns Peters elken van dien tot sessendertich
der voerscreven groten Vlaems gelts gerekent, dair voir vutgaende, met alsulke
condicien dat de voerscreven Jan Eelens, sal moegen lossen ende quiten altyt
als hem dat gelieven sal, den voergenoemde gouden Andries gulden des
voirscreven chys, met vyfthien geliker gulden eens ende met vollen chyse
ut supra
Henrick vanden Beke
Hulst, Stocman. Katheline van Laken wylen Willems dochter met Willem
van Standonck haeren man, heeft by bywesene ende volcomen consente van Janne
van Laken haeren brueder by vercocht Henricken vanden Brande, Tderdendeel
ende st:t; alle trecht van Eenen stuck eeussels metten gronde etcetera, dairaf dander
derdendeel den selven Henricken toebehoert, houdende int geheel omtrent een
half buender gelegen tot Muysene aenden Driesch, tusschen wylen Claes
de Weend erve aen deen zyde ende der kynderen erve van wylen Janne
de Weend aen dander zyde. A Domino Mechliniensi, Waranderende. Op twee scellinge Loevens
jaerlix
vuten voirscreven geheelen stuck eeussels, dairaff vuytgaendest:t;
Assignavit II Peters eens
X marty tempore simile
Peter van Ghele
dach, Hulst. Peter van Ghele wedue van wylen Lysbetten Joes heeft
opgedragen zyn tocht die hy hadde, int sestendeel vander helft van
vier gouden Peters elken van dien tot sessendertich groten Vlaems gelts
gerekent erffelix chys, Op een huys metten hove gronde etcetera toebehoerende
Jacoppen van Contyke, gelegen inde Nonnestrate tusschen Jans
van Oeversteghe erve aen deen zyde ende der weduen wylen Jans de
zekere erve aen dander zyde, Ende van Sesse scellinge ende sesse penningen
grote Brabants gelts, oic erffelix chys, Op een huys metten gronde etcetera
den voerscreven Janne van Oversteghe toebehoerende, gelegen aldair, tusschen
des voerscreven Jacops van Contyke huys voirgenoemde aen deen zyde ende desselfs
Jans van Oversteghe ander erve aen dander zyde. A Domino Mechliniensi, Juravit ende tot
behoef van Margrieten ende Lysbetten Joes wylen Anthoenis Joes kynderen
dier ierst inne geerft waeren, Ende dair naer hebben de selve Magrieten
ende Lysbeth Joes cum tutore vercocht, den voerscreven Peteren van Ghele, tvoirgenoemde
sestedeel vanden voerscreven erffeliken chyse, Waranderende etcetera. voertaen hebben
De selve Magriete ende Lysbeth Quytgesconden los vry ende ledich, den
selven Peteren van Ghele, van allen den haeffeliken goeden, die
henlieden byder doot vander voerscreven wylen Lysbetten haer moeyen ende des
selfs Peters wyf doen zy leefde in eeniger manieren toecomen gebleven ende
verstorven zyn, ende alle andere dies quitancie behoeven geheelic ende al
Assignavit XIII Rinsgulden een
XXI marty
Anne sWinters wedue
Adams vander Elst
Borch, Hulst. Marten Gheerds ende Jan Gheerds syn neve voir hem selven
ende oic inden name van Margrieten ende Barblen Gheerds zinen zusteren absent
de selve Jan
wesende die zy hy hem verving, heeft hebben Quytgesconden los vry ende
ledich, Annen sWynters weduen van wylen Adam vander Elst van
allen den haeffeliken goeden, die henlieden byder doot vanden wylen
selven wylen Adam haeren neve ende der voerscreven weduen man doen
hy leefde, in eeniger manieren toecomen gebleven ende verstorven moegen
zyn, ende alle andere dies quitancie behoeven geheele ende al
ut supra