Blader door transcripties » Stadsarchief Mechelen

archieftoegang 2, inventarisnummer 952, pagina 56

Joes Vrancx ende synen
kynderen
Broek, Stockman. Nicasius de Prindere diemen heet van Heyst, heeft
Opgedragen ende overgegeven Joesen Vrancx tot synen behoef als tot synder
tocht ende oic tot behoef van Cornelis Agneeten ae Kathelinen ende
Annen Vrancx synen kynderen synen kynderen als tot haere erffelicheit
vyf gouden Rynsgulden elken van dien tot veertich groten Vlaems
gelts gerekent erffelix chys, die hy hadde, Op een huys metten
hove gronde etcetera, toebehoerende Claesen Smout gelegen inde Vooghstrate
tusschen Henrix van Beyen erve aen deen zyde ende Jans Smet erve
aen dander zyde. A Domino Mechliniensi, Waranderende. Op twee chysgulden ende twee
pond payments, dair jaerlix voir vutgaende
IIa simile
Jan Strekens
Item. Jan tSerbouwens inden name van Kathelinen Dierix
synen wive die in hem verving, Ende Margriete Diericx, de selve
Kathelinen zuster, hebben Quytgesconden los vry ende ledich Janne
streckens wedue van wylen Lysbetten Dierix van allen den
haeffeliken goeden, die henlieden byder doot vander selver wylen
Lysbetten haer zuster ende desselfs Jans wive doen hy leefde in
eeniger manieren toecomen gebleven ende verstorven mogen zyn ende alle ander
dies quitancie behoeven, geheelic ende al
ut supra tempore simile
Henrick Heffen
Lange senior, Vos. Jacop Bake heeft Opgedragen ende overgegeven tot
behoef van Henricken heffen, Een huys metten hove plaetsen achterhuysen
gronde ende allen synst:t; anderen synen toebehoirten, geheeten den Blanckaert
gelegen aenden Steenwech van Mechelen, tusschen Victors van Merende erve
aen deen zyde ende Henrix de Lange erve aen dander zyde. A Domino Mechliniensi, Waranderende.
streckende achterweerts metten voerscreven achterhuysen tot inde Beghinen strate
A Domino Mechliniensi, Waranderende. Op eenen capuyn, vierentwintich scellinge groten Brabants
gelts, Ende sestien gouden Rynsgulden, elken van dien de tot veertich
groten Vlaems gelts gerekent, dair vutgaende
arcy tempore simile
Lossie van Yndevelde
Langesene, Vos. Katheline van Stantvaert wedue van wylen Laureys
Martens cum tutore als eene tochtenersse, Ende Henrick van Haeght ende
Gielis vander Hulst van des vaders wegen, ende Jan van Brecht
ende Jan Smet vander moeder wegen, als momboeren ende inden
name van Janne Lossye ende Kathelinen Martens haeren des voirgenoemde
wylen Laureys Martens ende Kathelinen zyns wyfs kynderen, infra
annos die hy in hen vervingen als erfgenamen, hebben vercocht
bewesen, lossen van Indevelde natuerlike dochter van Claes
van Indevelde, voer Achtien scellingen groten Brabants
gelts erffelix chys Te heffene altyt opten jersten dach van
Apetere, dairaff den jersten termyn van betalingen zyn sal, opten
jersten dach van April, naestcomende, Op ende aen der voerscreven tochtenersse
ende erfgenamen huys metten hove gronde etcetera gelegen inde Keyserstrate
opten over de Veemarct, opten hoeck vande eender straten, gaende
ter kerken waert van Sinte Peters tusschen de selve strate aen deen
zijde ende Jans van Pest:t; der weduen ende kynderen erve van wylen
Peteren van Puersse, aen dander zyde. A Domino Mechliniensi, Waranderende. Op vyf Ryns
gulden elken van dien tot veertich groten Vlaems gelts gerekent, ende opte weerde
van vyf scellingen der selve groten Vlaems daer jaerlix voir vutgaende
III marty
Katlyne Cottens wedue
Jans vanden Bossche
Hulst, Zoeten. Heer Jan vanden Bossche priester Joes vanden Broecke
ende Katheline vanden Bossche met Gheerd Jolyns haeren man alle wetene
kynderen van wylen Jan vanden Bossche, hebben Quytgesconden los vry ende
ledich, Kathelinen Cottens weduen vanden selven wylen Jan vanden
Bossche haerer moeder van allen den haeffeliken goeden, die den voerscreven
kinderen vanden Bossche byder doot vanden voerscreven wylen Jan vander
Bossche haeren vader die de voerscreven weduen man was, dat hy leefde
in eeniger manieren, toecomen, gebleven ende verstorven syn alle ende
dies quitancie behoeven
IIII marcy tempore simile
Gielis Kerman
Hulst, Vos. Jan Wyttock ende Reyner Wyttock zyn sone woenende tot Berlaer
hebben gelooft ende elc van hen besunder ende voir al, Te geven ende te betalenst:t; ongevrydt
naer der divisen recht Te geven ende te betalen, Gielis Kerman oft den bringe
van desen, Sessentwintich scellinge ende sesse penninge groten Brabants gelts
tot twee terminen, Te wetene deen helft dairaf tot meye naestcomende ende
dander helft tot Sinte Jansmisse dair naer volgende, Ende voir van dat zy den
voirscreven Gielisen tot haeren coste dryven ende vryen zelen met twee voren twee
in selven Gielisen toebehoerende
stucken lants de Hulsbloke geheeten tot Putte gelegen, Te wetene dierste
voire, dairaf, tusschen dit ende Paesschen naestcomende, Ende dandere in goeden
tyt om voirweyte, dair op te samen, Sonder eenich wederseggen
Ultima marty tempore simile
Jan de Bere
Smet alias
Voesdonck, Stockman. Henrick vanden Stryke van svaders wegen ende Jan de Lange de
jonge, onse medescepen ende Henrick van Releghem vander moeder wegen
als momboeren ende inden name van Joesen ende Lysbetten de Beere Jans de Bere
ende wylen Jehannen van Schooten zyns wyfs kynderen infra annos die zy in
hen vervingen, hebben Quytgesconden los vry ende ledich, den selven Janne de
Bere van allen den haeffeliken goeden, die den voerscreven kynderen byder doot
vander selver wylen Jehannen haeren moeder ende desselfs Jans ierste wyf
doen zy leefde in eeniger manieren toecomen gebleven ende verstorven moegen
zyn, ende alle andere dies quitancie behoeven
marty tempore simile
De voirgenoemde Jan de Beert ende Jan de Lange dat den voergenoemde anderen
momboeren be totter voirscreven kynderen behoef vanst:t; vierentwintich gouden Andries