Blader door transcripties » Stadsarchief Mechelen

archieftoegang 2, inventarisnummer 952, pagina 57

gulden elken van dien tot veertich groten Vlaems gelts gekent, Te
betalen, soe wanneer
desselfs Jans kynderen
Voesdonck, Stockman. De voirgenoemde Jan de Bere Jan de Lange ende Henrick Smet
die den voirgenoemde Henricken van Releghem als momboir ende tot behoef
vanden voerscreven kynderen Sesse ge pond groten Brabants gelts Te
betalen als de selven kynderen tot haeren jaeren van discrecien
gecomen zelen syn, Ende soe lange heeft de voirgenoemde Jan de Bere
gelooft de selve syne kynderen met hem bynnen synen huyse te houden
in henlieden eten drincken cleederen schoenen ende al tgene des haeren
leven noot zyn sal tamelic te geven, oic de selve kynderen ter
schelen ende ander tot hantwerck hem bequam te vuegen, soude
mindernisse vander voerscreven principaelder schult, Ende dairvoir
hebben zy den voerscreven momboer totter voerscreven kynderen behoef
verbonden ende te pande geset, alle haer haeffelike goeden waer
die bevonden zelen worden, die zy nu tertyt hebben ende hen
namaels oic hebben ende vercrigen zelen, drie provise als
voirtaen heeft de voirgenoemde Jan de Bere gelooft, dat hy syne voirscreven
kynderen van sinen goeden na zyn doot blivende niet ontvremden noch
vutsluyten en sal, maer sal hem die alsdan vredelic laten volgen
alsoe dat na den recht vander voirscreven stad behoeren sal
V marty
Jan van Dievoort
Hulst, Stocman. Claes Adriaenssone heeft vercocht Janne van
ende Giletten Moens synen wive
Dievoert Smet, Een huys metten hove gronde etcetera gelegen inde
de
Lange Penningstrate tusschen wylen Jan Joes erve aen dander
zyde ende Willem Tymmermans erve aen dander zyde. A Domino Mechliniensi,
Waranderende. Op twaelf scellinge Loevens, drie pond sesse scellinge
payments ende eenen gouden Rynsgulden, dair vutgaende
Assignavit XVI Rinsgulden eens
X marty tempore simile
de Cureyt capella
ende scolieren vander
beghynhove
Hulst, Gheylinck heer Henrick Diericx priester, heeft vercocht heer
Willem vanden Putte oic priester tot behoef vanden Cureyt capellanen
ende scolieren vanden beghynhove van deser stad, drie scellinge groten
Brabants erffelix chys, Te heffene altyt opten achtsten dach van
meerte Op ende aen des voerscreven heeren Henricx huys metten hove gronde etcetera
gelegen inde Kerchofstrate, tusschen desselfs heeren Henricx ander erve
aen deen zyde ende Kathelinen Dierix synder zuster erve aen dander zyde
A Domino Mechliniensi, Waranderende. Op eenen chysgulden ende eenen mottoen daer voir vutgaende
met condicien, dat de voergenoemde Cureyt capellanen ende scolieren sculdich
zelen syn alle Jans ten eeuwigen dagen, een jaergaende te doen inde
kerken vanden voerscreven beghynhove voir de zalicheit vander zyelen van
wylen jouffrou Kathelinen Gheraerdts beghinen, gelyc zy dat in haeren
vutersten begheert ende de penningen dair toe gelaten heeft
Assignavit den XVI denier
Jan
Jan
Hulst, Gheylinck. Matheus Bake ende Jorys vander Strepe van Ridders wylen
ende Jan van Ghestele ende Peter de Meer vander moeder wegen, als momboeren
ende inden name van Marten, Janne Bartelmeus, Goedelen, Lysbetten ende Annen
Beke wettigen kynderen van Jacopen Bake ende van wylen Lysbetten van Ghestele
synen wive, onder haer jaeren van discrecien wesende die zy in hen vervingen
hebben Quytgesconden los vry ende ledich, den voirgenoemde Jacoppen Bake, den
voirscreven kynderen beke vader van allen den haeffeliken goeden, die allen den
selven kynderen Bake, byder doot vander voirgenoemde wylen Lysbetten van Ghestele
haere moeder ende des voerscreven Jacops ierste wyf doen zy leefde in eeniger
manieren toecomen gebleven ende verstorven zyn, ende alle andere dies quitancie
behoeven
IX marcy tempore simile
desselfs Jacops
kynderen
die na de doot vanden voirscreven
wylen Lysbetten synen wive
gebleven zyn
Item. De voirgenoemde momboeren inden name van den voirgenoemde kynderen Bake, die in
desen vervangen, hebben voir ons openbaerlic gewilt, geconsenteert ende belieft
om zekere Redenen wille hem henlieden dair toe, om de selver kynderen
proffyts wille porrende, dat de voergenoemde Jacop Bake, alsoe lange als
hy leven sal, vredelic hebben, behouden besitten ende gebruyken sal, gelyc
eenen tochtenere alleene ende anders niet ende gelyc eenen tochtenere dat
behoert ende betaelt te doene, alle de erffelike onberuerlike ende opghen
goeden, tot wat steden ende plaetsen die bynnen ende buyten der stad ende
vryheit van Mechelen gelegen zyn ende bevonden zelen worden, Opte lasten
ende commeren, dair op staende ende comende, onder eenich wederseggenst:t;, aen
dander zyde, heeft de voirgenoemde Jacop Bake, inde stad van dien, gelooft
dat hy van nu voirtaen, Eenenyegeliken van synen voirgenoemde Sesse kynderen
geven ende betalen sal, alle jaer zyn leven langhe duerende, thien gouden
Andries gulden, elken van dien tot veertich groten Vlaems gelts gerekent
altyt opten jersten dach van meerte, dair af den jersten termyn wesene
ende vallen sal, Opten jersten dach van meerte nu naestcomende, Ende dat
hy dair toe, dat hy oic elken van dien synen kynderen, als zy hen tot eenigen
geapprobeerden state van huwelyc priesteren oft religenst:t; vuegen zelen
Eenen sal, in behulpe van dien, dertich gouden Andries gulden vanden
voirscreven pryse eens, sonder eenich geweer dair tegens te doen oft te sacken
Om welke gelooften alsoe volstentelic tonderhoudene, Ende om der
meerder zekerheit, den voerscreven synen kynderen daer af te doene, Soe heeft
De voirgenoemde Jacop Bake den voerscreven momboeren, totter selver synder kynderen
behoef, in tytule van gewarigen pande, dair voir verbonden ende te
pande geset alle syne haeffelike goeden, waer die bevonden zelen
worden, die hy nu tertyt heeft ende hier namaels oic hebben
ende vercrigen sal
Ut supra