Blader door transcripties » Stadsarchief Mechelen

archieftoegang 2, inventarisnummer 952, pagina 55

aen dander zyde. A Domino Mechliniensi, Waranderende. Op acht der voerscreven scellingen
groten Brabants gelts vuten voirscreven syn huys met ende op vyf den
selver scellingen groten, vuten des voerscreven Joes Gielevoerts deele
vanden selven huyse met synen voirscreven toebehoerten jaerlix voir vutgaende
met alsulker condicien, dat de voergenoemde kynderen Gielevoerts zelen
moegen lossen ende quiten altyt als hem dat gelieven sal, de voergenoemde
derthien scellinge ende sesse penninge grote Brabants des voerscreven chys, tot
twee malen, ende anders niet ende elken scellinge ende penninge van dien
met sestien geliker scellingen ende penningen in alsulken gelde als
nu ter tyt by ordinancien van onsen geneden heeren ende byden straten van
haeren landen, in deser haer stad van Mechelen cours ende ganck
heeft eens met vollen chyse daervoir te betalen
XXVI february
Joos Nyelen
Voesdonck, Hulst. Margriete van Eyghen met Jorys Cleynaerts hueren
man ende Lysbeth van Eyghen haer zuster, hebben bekent, dat zy
gehadt ende ontfangen hebben van Joesen Nyelen, de somme van
Sevenenveertich pond groten Brabants gelts ende een half ende dat
vut zaken vanden coepe van alle den rechte ende deele, dat zy
hadden, in allest:t; ende dat de selve Joes tegen henlieden gecocht
ende gecregen heeft, in alle de haeffelike ende erffelike goeden naer
de doot van wylen Barblen de Weend haer goeyvrouwen gebleven
ende die oic na de doot van wylen Henricken van Eyghen haeren
goeyheere bliven zelen, van welker sommen van sevenenveertich
pond grote Brabants ende een half, hebben de voergenoemde Margriete met haeren
voerscreven man ende de voerscreven Lysbeth haer zuster Quytgesconden
los vry ende ledich, den voerscreven Joesen Nyelen ende alle ander
dies quitancie behoeven geheelic ende al
Ultima february tempore simile
Pauwels Bernaerts
Hulst, Stockman. Wouter Stuers wylen Jans sone ende Katheline ende Lysbeth
Stuers zyne zusteren cum tutore voir inden name van hen selven ende oic
inden name van Jehannen Stuers haerlieder zuster absent wesende, die
zy in hen vervingen, Ende oic heer Symon Roebosch priester ende Gielis
Hoenderman van svaders wegen st:t;Stst:t; Storm oic rente
ende Henrick Adriaens vander moeder wegen, als momboeren ende inden name
van Janne ende Pastinen Stuers der voerscreven kynderen Stuers brueder ende zyne
infra annos die zy in hen vervingen, hebben vercocht Pauwels
ven van Met
Bernaerts, tvierendeel vander helft van Twee huysen metten
plaetsen gronde etcetera gelegen deen neven dander inde Tweede
Vleeschouwersstrate tusschen der weduen ende kynderen erve van wylen
van
Pauwels Bernaerts aen deen zyde ende Martens Waes erve aen dander
zijde. A Domino Mechliniensi, Waranderende. Opte weerde van achtien scellinge ende
anderhalven penninge grote Brabants gelts vuten voerscreven twee geheelen huys
jaerlix gaende
Putte
Jehanne Pauwels
Hulst, Stockman. Heer Gielis Willems priester beneficiaet van Zelle
in Sinte Rommonts kerke, heeft Terve gegeven Jehannen Pauwels
weduen van wylen Cluwaert Boykens, Een huys metter plaetsen gronde etcetera
gelegen inden Nieuwen Bruel, tusschen der capellen erven van Sinte Barblen
aen beyde zyden. A Domino Mechliniensi. Te besittene op eenen jaerliken ende erffeliken
chys van sesthien scellinge ende drie penninge groten Brabants gelts, Ende
die te betalene, altyt tot Sinte Jansmisse, dairaf den jersten termyn
van betalingen syn sal tot Sinte Jansmisse naestcomende, Ende opten
voirchys van drie chysgulden ende van vyfthien gelike scellinge groten
Brabants, dair vutgaende
a mile
Jan Versteveren
Borch, Stocman. Willem ende Jan Bollaert gebroederen ende Barble Bollaerts
haerlieder zuster met Marten Van Waes haeren man ende Lysbeth Bollaerts
oic haerlieder zuster met Gielis vanden Campe oic haeren man, Ende oic
Marie Bollaerts oic haerlieder zuster, hebben Quytgesconden los
vry ende ledich, Janne Versteveren, weduere van wylen Margrieten
Bollaerts van allen den haeffeliken goeden, die henlieden byder
doot vander selver wylen Margrieten haerlieder zuster ende desselfs
Jans wyf doen zy leefde in eeniger manieren toecomen gebleven
ende verstorven moegen zyn ende alle andere dies quitancie behoeven
geheelic ende al
II ut
Marten van Wan
Item. De voirgenoemde Jan Versteveren, heeft Opgedragen zyn tocht die
hy hadde int vyfstedeel vander helft van Twee huysenst:t; Eenen huyse metten
hove gronde etcetera gelegen tot Neckerspoele inde Wyngaertstrate byden
Bakelputte tusschen desselfs Jans ende der erfgenamen erve van wylen
Margrieten Bollaerts desselfs Jansst:t; wive doen zy leefde, aen deen
zyde ende Henrick Cools diemen heet de Cramere erve aen dander zyde
A Domino Mechliniensi, Juravit tot behoef van Janne Bollaert, der voerscreven wylen Magrieten
broeder, dier ierst inne geerft waerdt, Ende dair naer heeft de selve
Jan Bollaert vercocht Marten van was, tvoergenoemde vyfstedeel vander
voirscreven helft vanden voerscreven huyse metten hove, Ende van van Eenen
huyse metten hove gronde etcetera gelegen aldair, tusschen tvoerscreven huys aen
deen zyde ende Mathys Gheerdts diemen heet inde Zeysene erve aen
dander zyde. A Domino Mechliniensi, Waranderende etcetera.
de
Assignavit
ut supra
Jan Versteveren
Item. De voergenoemde Marten van Wys heeft bewesen den voerscreven Janne
versterven syn tocht zyn leven lange geduerende rustelic ende vredelic te gebruykene
int voirgenoemde vyfstedeel vander voirscreven helft vanden voirgenoemde jersten huyse met synen
toebehoerten boven gescreven. A Domino Mechliniensi, Waranderende.