Blader door transcripties » Stadsarchief Mechelen

archieftoegang 2, inventarisnummer 952, pagina 54

achter
ende verstorven is, gelegen tot Gheerdegheem, by desselfs Aelborch
hoeve, die oic den voerscreven wylen Rommonden van Baerdegheem toe
plach te hoiren, tusschen desselfs Aelbrechts erve aende drie
zyden, ende des huys vanden Ziekenlieden erve aende vierde zyde
A Domino Mechliniensi, Waranderende. Sonder eenigen last van chyse dair vutgaende
Assignavit XI Rinsgulden eens
XXIII february
Rommond van Aedeghem
Lange in Stocman, Joes Vrancx als een tochtenere ende Agneete Vrancx zyn
dochter met Godevaert vander Poirten haeren man voir haer selven, Ende
Meester Peter van Cruybeke, Jan Wagewyns diemen heet de Zaghere ende
Jorys Coesaert als momboeren ende inden name van Cornelis Kathelinen
ende Annen Vrancx oic des voerscreven Joes kynderen onder haer jaeren van discrecien
wesende, die zy in hen vervingen als erfgenamen, hebben Terve
gegeven, Rommonden van Aedegheem, Een huys dat twee huysen
plagen te zyne metten hove gronde etcetera gelyc ende in alder manieren alsoe
dat van des voerscreven Joes ende synder kynderen Ram hove met eenen thuys
afgescheyde ende st:t;vost:t; Corte Voldershergen
Joos ende synder voerscreven kinde
tusschen desselfs Raemhof aen deen zyde ende wylen Gheerds de
Verwere erve aen dander zyde, streckende achterweerts metten voerscreven
hove totten berge vanden selven Raemhove, gelyc ende inde manieren
alsoe dien vanden selven Raemhove met eenen thuyne afgescheyden ende
afgethuyn es. A Domino Mechliniensi. Te besittene Op eenen erffeliken
chys van Twee pond acht scellinge grote Brabants gelts, Ende
die te betalene altyt tot Sinte Jansmisse, dairaff den jersten
termyn van betalingen zyn sal van Sinte Jansmisse naestcomende over
een jair dair naer volgende, Ende opten voirchys van drie scellinge
ende sesse penninge Loevens ende van eenen capuyn, dair vutgaende
met alsulker condicien, dat de voirgenoemde Rommond sal moegen
lossen ende quiten altyt als hem dat gelieven sal, de voirgenoemde twee
pond acht scellinge groten Brabants des voerscreven chys, tot twee malen
ende niet min eens sonder cost oft last vanden voerscreven Joesen ende van synen
voerscreven kynderen, Ende elken penninge dairaff met sesthien geliker
penningen in alsulken gelde als nu ter tyt cours ende ganck heeft
eens met vollen chyse dairvoir te betalen, Ende oic dat de
voirgenoemde Rommond van Aedegheem den es voerscreven thuyn ten eeuwige
dagen tot synen coste ende lestest:t; sculdich zal syn te houden, tot synen
coste ende laste ende sonder cost oft last vanden voerscreven Joesen ende
van synen vorscreven kynderen oft van haeren nacomelingen
Assignavit VI Rinsgulden erffelicx
den XXVI denier
X february tempore simile
Marten Cloet
Voesdonc, Vos. Symon Huens wylen Augustyn haers sone, heeft vercocht
Aerde Cloet, Syn vierendeel van Eenen huys Vranckerycke geheeten metten
gronde etcetera gelegen aenden Steenwech van Mechelen, tusschen desselfs
land
Aerts ^ erve aen deen zyde ende Vranck Cloets erve aen dander zyde
de gheelen
A Domino Mechliniensi, Waranderende. Sonder last van eenigen chyse daer vutgaende
Assignavi
XXVI decembry tempore simile
De selve
Item. Henrick Huens wylen Symoens sone ende Symoen huers wylen
Augustyns sone van svaderst:t; svaders wegen, Ende Lodewyc van Berlaer
ende Jan Verwilgiaerden vander moeder moederst:t; wegen, als momboeren ende
inden name van Hubrechten, Janne ende Gheerden Huens, des voerscreven wylen
Augustyn Huens kynderen, die hy van wylen Lysbetten oft onsens
synen jersten wive vercregen heeft infra annos etcetera die zy in hen
vervingen, hebben Terve gegeven, den voerscreven Aerden Cloet, haerlieder
drie vierendeelen vanden voirgenoemde huyse metten gronde etcetera. A Domino de
Ghestele, Te besittene, Op eenen jaerliken ende erffeliken chys van
vierentwintich gouden Andries gulden, tot veertich st:t; groten Vlaems
gelts elken vanden gekent, Ende die te betalenst:t; van alsulker
weerden ende pryse, als nu ter tyt d cours ende ganck heeft, hebben
elken van dien gerekent, Ende die te betalene, altyt tot Kersmisse
dairaff den jersten termyn van betalingen zyn sal tot Kersmisse naestcomende
Ende sonder eenigen last van voirchyse, dair vutgaende
ut supra
Jouffrou ende Caluwaert
beghyne
Lange, Mol, Veylinck, Joes Gielevoirts Janssone ende Margriete ende Lysbeth
Gielevoerts syn zusteren cum tutore voir hem selven, Ende de voerscreven Joes
Gielevoerts. Jan Gielevoerts wylen Peters sone ende Jan de Schotelere diemen
heet de Staefmakere, als momboeren ende inden name van Joes Barblen
broeder was doen hy leefde vanden voerscreven Joes, Margrieten ende Lysbetten
Lysbetten ende Kathelinen Gielevoerts wylen Henrick Gielevoerts kynderen, die
Gielevoerts onder haer jaeren van discrecien wesende, die zy in hem
vervingen, hebben vercocht Janne vander cammen als Willem de Cale
ende Anthoenis vanden Hove, als momboeren ende tot behoef van jouffrou
Lysbetten Caluwaerts beghinen wylen Jans dochter dderthien
scellinge ende sesse penninge grote Brabants gelts erffelix chys Te heffene
altyt opten jersten dach van meerte vutgenomen den jersten dach
van meerte naestcomende, Op ende aen der voirgenoemde kynderen Gielevoerts
huys metter plaetsen gronde etcetera gelegen inde Keyserstrate byde
Conroy
Neckerspoelpoorte tusschen Meester Lodewycx de erve aen deen
zyde ende wylen Wouter Bollens erve aen dander zyde streckende
achterweerts met eenen anderen huyse tot inde Vooghstrate tusschen des
voerscreven Meester Lodewycx erve aen deen zyde ende Claes de Dryvere erve