Blader door transcripties » Stadsarchief Mechelen

archieftoegang 2, inventarisnummer 952, pagina 53

tot Neckerspoele inde Rechtstrate tusschen Jans van Scotteputte
erve aen deen zyde ende Jan Cools erve aen dander zyde. A Domino Mechliniensi,
Te besittene Op eenen jairliken ende erffeliken chys van Seven
gouden Andries gulden elken van dien tot veertich groten Vlaems
gelts gerekent, Ende die te betalene Altyt opten jersten dach
van meerte vutgenomen den jersten dach van meerte naestcomende
Ende opten voirchys van Twee chysgulden, drie capuynen ende
vander weerden van seventhien scellinge Loevens daer vutgaende
Om welke seven gouden Andries gulden des voerscreven chys alsoe
te betalen, Ende om der meerder zekerheit, der voirscreven Lysbetten
Loems ende Henricken vander commen, dairaf te doene, Soe
heeft de voirgenoemde Anthoenis Blyleven, der selver Lysbetten ende Henricken
dair voir verbonden ende tonderpande geset, Syn huys metten hove
gronde etcetera gelegen aldair opte Heergracht opten hoeck vander
Beghinenstraten, tusschen de selve strate aen deen zyde ende Alexius
vanden Wairde erve aen dander zyde, Op een pond payments
ende twaelf der voerscreven scellingen Loevens daervutgaende. A Domino Mechliniensi,
met alsulker condicien, dat soe wanneer de voerscreven Anthoenis tvoerscreven
zyn huys opte Heergracht gelegen sal willen vercoepen oft belasten
dat hy alsdan terstont sculdich sal zyn te lossen ende te quitene, twee
anders gulden vanden voerscreven Seven gouden Andries gulden des voerscreven chys
elken van dien met sestien gelike gulden ende met vollen chys mits
welker quitingen der selver twee Andries gulden, tselve huys
voirtaen
vander voerscreven belastingen, geheelic ende al ontlast ende quyt zyn sal
Ende dat dair naer de voirscreven Anthoenis, de andere vier vyf
Andries gulden desselfs chys, insgelycx sal moegen lossen ende quiten
altyt als hem dat gelieven sal met eenen gulden te male ende
van allen den
niet min ende elken da met sestien geliker gulden ende
vollen chyse, dairvoir te betalen
X decembry
XI fer ter simile
Mathys tSermartens
Hulst, Vos. Cornelie ende Marie vanden Bossche, wettige kynderen
van wylen Henricken vanden Bossche, cum tutore, hebben vercocht Mathys
Sermartens lakenmakere, alle trecht ende deel dat zy hadden, ende hen
byder doot van wylen Janne vanden Bossche straedeckere haeren neve toecomen
gebleven ende verstorven is, inde erffelike goeden metten gronde etcetera hier
naer bescreven, ierst in Twee huysen metten hoven gronde etcetera gelegen
deen neven dander tot Neckerspoele inde Ballemansstrate byden pleyn
ende de Borch aldair, tusschen Jans de Bruyne erve aen deen zyde ende
Pauwels vanden Bossche erve aen dander zyde. Item in een huys
metten hove gronde etcetera gelegen buyten Sinte Kathelinenpoirte inne voirscrevenst:t;
Vingebeecstrate tusschen Jan Horens erve aen deen zyde ende Jans vander
Byest erve aen dander zyde
Item in een stuck lants met eenen huyse, dair op staende gelegen
houdende een half buender, gelegen tot Neckerspoele tusschen de
Borch aldair toebehoerende Olivier de Donckere aen deen zyde ende de
Leybeke aldair, aen dander zyde streckende achterweerts metten
eenen eynde tot eender straten aldair ende metten anderen eynde
Item
totter Boeymere toe, Endest:t; in een stuck lants houdende
oic omtrent een half buender gelegen aldair tusschen de
voerscreven Leybeke aen deen zyde ende een straetken toebehoerende
den gasthuyse vander Heyliger Drievuldicheit aen dander zyde
de
Ende in vier gouden Peters elken van dien tot sessendertich groten
Vlaems gelts gerekent erffelix chys, Op een stuck lants dair
Wyngaert op plach te stane, toebehoerende Janne vander Cammen cleermaker
gelegen buyten Sinte Kathelinen poirte by Hoebergen, tusschen Vrouwen
Magriete van Herlaer erve aen deen zyde ende der infermarich erve. A Domino Mechliniensi, Waranderende etcetera.
Jan Vranck
beghinen staende bynnen den behoic van deser stad aen dander zyde
ende heer
de
XIX february tempore simile
Gielis de Vos
Meere Janssone
Lange ende Lange inde Jan tSerboudens, voir deen vierendeel Jan tSerboudens
wylen Peterssone, Margriete tSerboudens zyn zuster met Andries Reyns
haeren man ende Lysbeth tSerboudens oic zyn zuster met Lambrechten de
Smet haeren mannen voir dander vierendeel, Katheline tSerboudens wylen
Willems dochter met Janne Kercman haeren man voir tderde vierendeel
Ende Lysbeth tSerboudens wylen Gheerts dochter met Henricken Mommaert
haeren man ende Kathelinen tSerboudens haer zuster met Wouteren
tderde
vanden Voirde haeren man voir de vierendeel hebben vercocht
de drie vierendeele van
Gielisen de Vos onsen medescepen, Een stuck lants metten gronde
houdende omtrent een buender luttel min oft meer, gelegen tot Muysene
byden Moelen aldair tusschen desselfs Gielis ander erve aen deen
zyde ende des huys van Pitsenborch erve aen dander zyde ende
de kynderen van Helmonts erve aende daer zyde. A Domino Mechliniensi, Waranderende.
Op vier scellinge payments ende eenen halven zack rogs erffpachts
dair vier ende vuten voirscreven geheelen stuck lants jaerlix gaende
Assignavit XLV Rinsgulden eens
int geheel metten vierden
vierendeel
XX february
Aelbrecht Vliege
Hulst, Stockman. Jouffrou Lysbeth de Moor met Janne vanden Breyne haeren man
heeft vercocht Aelbrecht Vliege, Een half buender lants met eenen
duyfhuyse dair op staende ende oic metten gronde etcetera dat wylen Rommonden
van Baerdegheem toe plachte hoeren, ende dat haer by synder doot gebleven